കുടുംബത്തിലെ പുതിയ സന്തോഷം പങ്കുവെച്ച് ബഷീര്‍ ബഷി; ആശംസയുമായി ആരാധകരും

ബിഗ് ബോസ് ആദ്യ സീസണിലൂടെ തന്നെ പ്രേക്ഷക ശ്രദ്ധപിടിച്ച് പറ്റിയ താരമാണ് ബഷീര്‍ ബഷി. ഷോയിലെ ശക്തമായ മത്സരാര്‍ത്ഥിയായിരുന്നു ബഷീര്‍. താരത്തിന്റെ കുടുംബജീവിതത്തെക്കുറിച്ച് അറിഞ്ഞതോടെയാണ് ബഷീര്‍ ബഷി കൂടുതലും പ്രേക്ഷക ശ്രദ്ധനേടിയത്. പിന്നീട് കല്ലുമ്മക്കായ എന്ന വെബ് സീരീസിലൂടെയും താരം ആരാധകരിലേക്ക് എത്തി. ഇപ്പോള്‍ കുടുംബവുമൊത്ത് വ്ളോഗ് ചെയ്ത് സോഷ്യല്‍ മീഡിയയില്‍ സജീവമാണ് ബഷീര്‍.

ഇപ്പോള്‍ കുടുംബത്തിലെ വലിയ സന്തോഷത്തെക്കുറിച്ചാണ് താരം പറയുന്നത്. മകളായ സുനൈനയുടെ പിറന്നാളാഘോഷത്തെക്കുറിച്ചും, അതിനായി നടത്തിയ ഷോപ്പിംഗിനെക്കുറിച്ചും സുനുവിനെ അണിയിച്ചൊരുക്കിയതിനെക്കുറിച്ചുമൊക്കെയായിരുന്നു വീഡിയോ. എന്റെ മകള്‍ക്ക് 10 വയസ്സായി, എനിക്ക് ചുമ്മാ ഇരിക്കാന്‍ പറ്റുന്നില്ല, ഹാപ്പി ബര്‍ത്ത് ഡേ സുനുമോള്‍ എന്നായിരുന്നു ബഷീര്‍ കുറിച്ചത്.

ഞങ്ങളുടെ രാജകുമാരിക്ക് ആശംസകള്‍, നിന്നെ അത്രത്തോളം സ്നേഹിക്കുന്നുണ്ടെന്നായിരുന്നു സുഹാനയുടെ കമന്റ്. ഇന്നാണ് ഞങ്ങളുടെ മാലാഖയുടെ മുഖം ആദ്യമായി കാണുന്നത്. നീ ഒരിക്കലും ഞങ്ങള്‍ക്ക് വേണ്ടി വളരരുത് എന്നായിരുന്നു സുഹാന കുറിച്ചത്. സുനിവിന് ആശംസ അറിയിച്ച് മഷൂറയും എത്തിയിരുന്നു.

അതേസമയം സോഷ്യല്‍ മീഡിയ വഴിയും അല്ലാതെയും കുറച്ച് വിമര്‍ശനങ്ങളും ബഷീര്‍ നേരിടേണ്ടി വന്നിട്ടുണ്ട്. തന്റെ രണ്ട് ഭാര്യന്മാര്‍ തന്നെയാണ് പലരുടെയും പ്രശ്നം. ഇതിന് തക്കതായ മറുപടിയും താരങ്ങള്‍ കൊടുക്കാറുണ്ട്. നിലവില്‍ നല്ല സുഹൃത്തുക്കള്‍ ആയാണ് ഇവര്‍ മൂന്ന് പേരും മുന്നോട്ട് പോവുന്നത്. ഇതിനിടെ തങ്ങളുടെ എന്ത് വിശേഷവും ഇവര്‍ ആരാധകരമായി പങ്കുവെയ്ക്കാറുണ്ട്.