ലോക്കഡൗണിൽ കൃഷ്‌കാരനായി ബഷീർ ബാഷി ; ഒരു കിലോ പച്ചമുളക് തരാമോ എന്ന് നടി അഞ്ജലി അമീർ

ഏഷ്യാനെറ്റിലെ ബിഗ് ബോസ് എന്ന പരമ്പരയിലൂടെ മലയാളികളുടെ ഇടയിൽ പോപ്പുലർ ആയ വ്യക്തിയാണ് ബഷീർ ബാഷി. തനിക്ക് രണ്ട് ഭാര്യമാരുണ്ടെന്നും അവർക്കൊപ്പം സന്തോഷമായി ജീവിക്കുകയാണെന്നും ബിഗ് ബോസിലൂടെ ആണ് താരം വെളിപ്പെടുത്തിയത്. ബഷീറിനും ഭാര്യമാർക്കും സ്വന്തമായി യൂട്യൂബ് ചാനലുകളും ഉണ്ട് . മൂവരും ചേർന്ന് വെബ്‌സീരീസും ചെയ്തിരുന്നു.

ബഷീർ ബഷി ഇപ്പോൾ ഒരു കൃഷികാരനാകുന്ന തിരക്കിലാണ്. സഹായത്തിനായി ഭാര്യമാരായ സുഹാനയും മഷൂറയും കൂടെയുണ്ട്.

ഇപ്പോളിതാ ബഷീർ ഇൻസ്റ്റാഗ്രാമിൽ പങ്കുവെച്ച കുറിപ്പ് വൈറലാകുന്നു. സ്വന്തമായ ജൈവപച്ചക്കറി കൃഷി ആരംഭിച്ചെന്നാണ് താരം പറയുന്നത്. ‘കൃഷി ഒരു മനുഷ്യന് ഏറ്റവും ആരോഗ്യപ്രദവും ഉപകാരമുള്ളതും ഉത്തമമായതുമായ തൊഴിലാണ്’ എന്ന ക്യാപ്ഷൻ ഇട്ട് കൊണ്ട് തന്റെ കൃഷിയിൽ വിളവ് ലഭിച്ച ചിലതിന്റെ

ചിത്രങ്ങളും ബഷീർ പങ്കുവെച്ചിരുന്നു. വെണ്ടക്കയും പച്ചമുളകും അടക്കമുള്ള പച്ചക്കറികളും പഴവർഗങ്ങളുമെല്ലാം ബഷീറിന്റെ കൃഷിയിടത്തിലുണ്ട്.

നിരവധി ആളുകളാണ് താരത്തിന് പ്രോത്സാഹനവുമായെത്തിയിരിക്കുന്നത്. കർഷകശ്രീ എന്നാണ് ആദ്യ ഭാര്യ സുഹാന കമന്റിട്ടിരിക്കുന്നത്. ഇതിനിടയിൽ മമ്മൂട്ടിയുടെ പേരന്പിലെ നടി അഞ്ജലി അമീർ ഒരു കിലോ പച്ചമുളക് തരാമോ എന്ന് ചോദിച്ചിരുന്നു. ആകുമ്പോൾ തരാമെന്നായിരുന്നു ബഷീറിന്റെ മറുപടി.

രണ്ട് വിവാഹം ചെയ്തതുമായി ബന്ധപ്പെട്ട് തന്നെ കളിയാക്കിയവർക്ക് കൃത്യമായ മറുപടിയും അദ്ദേഹം നൽകിയിരുന്നു. തന്റെ കുടുംബ ജീവിതത്തിലെ സന്തോഷകരമായ നിമിഷങ്ങളെല്ലാം ബഷീർ ബഷി സോഷ്യൽ മീഡിയ വഴി പങ്കുവെക്കാറുണ്ട്. ഭാര്യമാർക്ക് ഒപ്പം ഉള്ള ടിക്ക് ടോക്ക് വീഡിയോ അടക്കം ചെയ്തു മൂവരും സാമൂഹിക മാധ്യമങ്ങളിൽ താരങ്ങളും ആണ്.

താരം ഒരുക്കിയ കല്ലുമ്മക്കായ എന്ന വെബ് സീരിസ് വമ്പൻ വിജയം ആയിരുന്നു. ഇതിൽ പ്രധാന വേഷത്തിൽ എത്തിയത് ഭാര്യമാരും രണ്ട് സുഹൃത്തുക്കളും മക്കളും ആയിരുന്നു. രണ്ട് വിവാഹം ചെയ്ത താരത്തിന് വിമർശകരും നിരവധിയാണ്.

എപ്പോഴായിരുന്നു ആദ്യവിവാഹം എന്ന ചോദ്യത്തിന് ബഷീറിന്റെ മറുപടി ഇങ്ങനെ ആയിരുന്നു.. കപ്പലണ്ടി കച്ചവടം ചെയ്യുമ്പോൾ തന്നെ ഞാൻ സുഹാനയുമായി പ്രേമത്തിലായിരുന്നു. കച്ചവടത്തിനിടയിൽ പുള്ളിക്കാരത്തിയെ കണ്ട് പരിചയപ്പെട്ട് അടുപ്പമായതാണ്. സുഹാന സെന്റ് തെരേസാസ് കോളേജിൽ പഠിക്കുകയായിരുന്നു.

ഞങ്ങൾ സ്നേഹത്തിലായി. പുള്ളിക്കാരത്തി എല്ലാത്തിനും എന്റെ സപ്പോർട്ടായി നിൽക്കുമായിരുന്നു. ഞാൻ അതിനിടെ റെഡിമെയ്ഡ് ഷോപ്പ് തുടങ്ങി. ആ സമയത്ത് തന്നെ കല്യാണവും കഴിഞ്ഞു.”

എങ്ങനെയാണ് ബഷീർ രണ്ടാമത് വിവാഹിതനായതെന്ന് ചോദിക്കുന്ന ഒട്ടേറെപ്പേരുണ്ട്? എന്ന ചോദ്യത്തിന് മുൻപ് ബഷീർ നൽകിയ മറുപടി ഇങ്ങനെയായിരുന്നു. എനിക്ക് മറ്റൊരാളോട് തോന്നിയൊരു ഇഷ്ടം ഞാൻ ഭാര്യയുടെ അടുത്ത് തുറന്നുപറയുകയായിരുന്നു. സ്വാഭാവികമായും ആദ്യമത് കേട്ടപ്പോൾ

ഏതൊരു ഭാര്യക്കും ഉണ്ടാവുന്ന വിഷമം സുഹാനയ്ക്കും ഉണ്ടായിരുന്നു. അപ്പോൾ ഞാൻ അവളോട് ചോദിച്ചു. ‘നീ കരച്ചിലും ബഹളവുമൊക്കെയുണ്ടാക്കിയാലും ഞാനീ ബന്ധം മുന്നോട്ട് കൊണ്ടുപോവാതിരിക്കുമെന്ന് തോന്നുന്നുണ്ടോ, ഞാൻ എല്ലാ കാര്യങ്ങളും നിന്നോട് തുറന്നുപറയുന്നില്ലേ’ എന്ന്.

പതുക്കെ അവൾക്ക് മനസ്സിലായി, ഞാൻ പറയുന്നതാണ് ശരിയെന്ന്. അപ്പോഴും എന്റെ കുടുംബത്തിലെ കാര്യങ്ങൾ ഭംഗിയായാണ് പോയിക്കൊണ്ടിരുന്നത്. സുഹാനയോടുള്ള സ്നേഹത്തിൽ ഒരു കുറവ് പോലും ഞാൻ കാണിച്ചിട്ടില്ല. അങ്ങനെ സുഹാന വിവാഹത്തിന് സമ്മതിക്കുകയായിരുന്നു, എന്നായിരുന്നു.