ബാബു ആന്റണി നടനെ മലയാളികൾക്ക് പരിചയപ്പെടുത്തേണ്ട ആവശ്യമില്ല. ഒരു ഇടവേളക്കുശേഷം ഇപ്പോൾ മലയാളത്തിൽ നായകനായി തിരിച്ചുവരവിന് ഒരുങ്ങുകയാണ് താരം. പണ്ടത്തെ ബാബു ആൻറണി ചിത്രങ്ങൾ പല മലയാളികൾക്കും ഒരു ഹരമായിരുന്നു. ബാബു ആൻറണി നായകൻ ആണെങ്കിൽ അതല്ല നായകന്റെ കൂടെ ബാബു ആന്റണി ഉണ്ടെങ്കിൽ മറ്റൊന്നും പേടിക്കാനില്ല എന്ന് വിശ്വസിച്ച ഒരു വലിയ വിഭാഗം പ്രേക്ഷകർ ഉണ്ട്.
ബാബു ആൻറണിയുടെ മകൻ ആർതർ ആൻറണിയും അച്ഛൻറെ വഴിയെ തന്നെ സിനിമയിൽ സജീവമാവുകയാണ്. ദി ഗ്രേറ്റ് എസ്കേപ്പ് എന്ന ചിത്രത്തിലൂടെയാണ് താരപുത്രൻ അരങ്ങേറുന്നത്. ഇപ്പോഴിതാ ആരാധകരുമായി വളരെ രസകരമായ ചിത്രം പങ്കുവെച്ചിരിക്കുകയാണ് ബാബു ആൻറണി. മേക്കപ്പ് ആർട്ടിസ്റ്റായ ഷെറിൻ ഒപ്പമുള്ള ഒരു ചിത്രമാണ് ബാബു ആന്റണി പങ്കുവെച്ചിരിക്കുന്നത്.
ചിത്രത്തിൽ മകൻ ആൻറണിയും ഉണ്ട്. ഒരു വെറും മേക്കപ്പ് ആർട്ടിസ്റ്റ് മാത്രമല്ല ഷെറിൻ. ബാബു ആന്റണിയുടെ കടുത്ത ആരാധിക കൂടിയാണ് താരം എന്നുള്ള പ്രത്യേകതയും ഉണ്ട്. ചിത്രത്തിൽ മകൻറെയും അച്ഛന്റെയും ഉയരം ഏറെ ശ്രദ്ധ നേടുന്ന ഒന്നാണ്. ഇരുവരും ആറടിയിൽ അധികം ഉയരം ഉള്ളതുപോലെ ഉണ്ട്.
ദൈവമേ എങ്ങനെ ഞാൻ ഫോട്ടോ എടുക്കും എന്നാണ് രസകരമായി ബാബു ആന്റണി ഇതിന് ക്യാപ്ഷൻ നൽകിയിരിക്കുന്നത്. ഇരുവരുടെയും നടുക്ക് നിൽക്കുന്ന ഷെറിൻ ചിരിക്കുന്നതും ചിത്രത്തിൽ കാണാം. ബാബു ആന്റണി തിരിച്ചുവരാൻ ഒരുങ്ങുന്ന ചിത്രമാണ് പവർ സ്റ്റാർ. ഒമർ ലുലു ആണ് ചിത്രം സംവിധാനം ചെയ്യുന്നത്. പ്രേക്ഷകർ ഏറെ പ്രതീക്ഷയോടെയാണ് ചിത്രത്തിനുവേണ്ടി കാത്തിരിക്കുന്നത്. താരം ഏറ്റവും ഒടുവിൽ അവതരിപ്പിച്ച ആക്ഷൻ കഥാപാത്രം കായംകുളം കൊച്ചുണ്ണി എന്ന ചിത്രത്തിലാണ്. നിവിൻപോളി അവതരിപ്പിക്കുന്ന കൊച്ചുണ്ണി എന്ന കഥാപാത്രത്തിന്റെ കളരിപ്പയറ്റ് ആശാൻ ആയിട്ടായിരുന്നു ബാബു ആൻറണി ചിത്രത്തിൽ എത്തിയത്. ഈയടുത്ത് ഒരു ഹോളിവുഡ് ചിത്രത്തിലും താരം അഭിനയിച്ചിരുന്നു.