ആരുടേം പിന്നാലെ ഡയറ്റ് ചാര്‍ട്ടിനു നടക്കേണ്ട ആവശ്യമില്ല; ശരീര ഭാരം കുറച്ചതിനെക്കുറിച്ച് അശ്വതി

 

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട പരമ്പരകളില്‍ ഒന്നായിരുന്നു കുങ്കുമപ്പൂവ്. ഇതില്‍ പ്രധാനപ്പെട്ട ഒരു കഥാപാത്രത്തെ അവതരിപ്പിച്ച നടിയാണ് അശ്വതി. ആദ്യം വില്ലത്തി റോളില്‍ എത്തിയ അശ്വതി പിന്നീട് പോസിറ്റീവ് കഥാപാത്രത്തിലേക്ക് മാറുകയായിരുന്നു. ഇതിലൂടെയാണ് അശ്വതിയെ മലയാളികള്‍ അടുത്തറിഞ്ഞതും. ഇതിനു ശേഷം സോഷ്യല്‍ മീഡിയയില്‍ സജീവമാണ് താരം. സാമൂഹിക വിഷയങ്ങളിലും അതുപോലെ മറ്റു ടെലിവിഷന്‍ പ്രോഗ്രാമുകളെക്കുറിച്ച് എല്ലാം അശ്വതി അഭിപ്രായം തുറന്നു പറയാറുണ്ട്. ഇപ്പോള്‍ ശരീര ഭാരം കുറച്ചതിനെക്കുറിച്ചാണ് നടി പറയുന്നത്. നമ്മള്‍ മനസ്സുവെച്ചാല്‍ ആരുടെയും പിന്നാലെ ഡയറ്റ് ചാര്‍ട്ടിന് വേണ്ടി നടക്കേണ്ട എന്നാണ് അശ്വതി കുറിപ്പില്‍ പറയുന്നത്.

It’s not about perfect. It’s about effort. And when you bring that effort every single day, that’s where transformation happens. That’s how change occurs…. അങ്ങനൊക്കെ ഇംഗ്‌ളീഷില്‍ പറയാം പച്ചമലയാളത്തില്‍ പറഞ്ഞാല്‍ നമ്മടെ മനസ്സില്‍ ഉറച്ച തീരുമാനവും, പല ഇഷ്ട്ടങ്ങള്‍ ത്യജിക്കാനുള്ള മനസ്സും ഉണ്ടോ?? ആരുടേം പിന്നാലെ ഡയറ്റ് ചാര്‍ട്ടിനു നടക്കേണ്ട ആവശ്യമില്ല

 

പലരും എന്നോട് മെലിഞ്ഞത് എങ്ങനെ ആണ്, പറഞ്ഞു തരുമോ എന്നൊക്ക ചോദിച്ചു മെസ്സേജ് അയക്കാറുണ്ട്.. ഞാന്‍ ചെയ്ത ഡയറ്റ് ഏതാണെന്നു പറഞ്ഞു കൊടുക്കാറുണ്ടായിരുന്നു.. പക്ഷെ ആ ഡയറ്റ് ചിലപ്പോള്‍ നിങ്ങള്ക്ക് പറ്റി എന്ന് വരില്ല അഥവാ പറ്റിയാലും ഇന്ന ഡയറ്റ് ആണ് ചെയ്യുന്നതെന്ന് ആരോടെങ്കിലും പറഞ്ഞാലോ അറിഞ്ഞാലോ അത് അപകടം ആണെന്ന് പറഞ്ഞു തരാനെ ആള്‍ക്കാര്‍ ഉണ്ടാകൂ ??. ഞാനായിട്ട് ഒരാള്‍ക്ക് ഒരു ദോഷം ഉണ്ടാകാന്‍ പാടില്ല എന്നത് കൊണ്ട് എനിക്ക് മെസ്സേജ് അയക്കുന്നവരോട് ഒന്നേ പറയാനുള്ളു അതാണ് ഏറ്റവും മുകളില്‍ പറഞ്ഞ കാര്യം നമ്മുടെ മനസ്സ് ??. മെലിയണം എന്ന ഉത്തമ ബോധത്തോടെ നിങ്ങള്ക്ക് യോജിക്കുന്ന രീതിയില്‍ ഭക്ഷണം ക്രമീകരിച്ചു വ്യായാമം ചെയ്തും ശരീര ഭാരം നില നിര്‍ത്താന്‍ ശ്രമിക്കുക ?? എല്ലാവര്‍ക്കും നല്ല ആരോഗ്യം തമ്പുരാന്‍ നല്‍കട്ടെ