ഈ മനുഷ്യന്‍ ഇതിലും തൃപ്തനാകും; ആഗ്രഹിച്ച സ്ഥാനം സ്വന്തമാക്കിയ സന്തോഷം പങ്കുവെച്ച് താരം

ബിഗ് ബോസ് സീസണ്‍ മൂന്നിലെ ശക്തമായ മത്സരാര്‍ത്ഥിയാണ് അനൂപ് കൃഷ്ണ. ബിഗ് ബോസില്‍ നിന്നും താന്‍ ആഗ്രഹിച്ച സ്ഥാനം നേടാന്‍ അനൂപിന് കഴിഞ്ഞു. ടോപ് ഫൈവില്‍ ഇടം നേടിയ താരത്തെ അഭിനന്ദിച്ച് നിരവധി പേരാണ് വന്നത്. ഇപ്പോള്‍ അനൂപിനെക്കുറിച്ച് വിഷ്ണു പ്രകാശ് പോസ്റ്റ് ചെയ്ത കുറിപ്പ് ആണ് വൈറലായി മാറിയത്.

ചങ്കൂറ്റത്തോടെ ഒറ്റയ്ക്ക് നിന്ന് കളിച്ചു. തെറ്റുകളോട് വേണ്ട രീതിയില്‍ എതിര്‍ത്തു . വ്യക്തി വൈരാഗ്യം ഇല്ലാതെ പുറത്തും അകത്തും ഒരു പോലെ കളിക്കുന്ന മല്‍ത്സരാര്‍ത്ഥി. പരദൂഷണ കമ്മിറ്റിയിലും, പ്രവചന കൂട്ടായ്മയിലും നില്‍ക്കാതെ, കിട്ടിയ അവസരത്തെ എല്ലാവരേക്കാളും നന്നായി വിനിയോഗിച്ചു. ഒരു ഗെയിംഷോയില്‍ ഞങ്ങളുടെ വിജയി – നന്നായി ഗെയിം കളിക്കുന്നവനാണ് .

ദാരിദ്ര്യം പറയുന്നവരും, സിംപതിക്കു വേണ്ടി കെട്ടിച്ചമച്ച കഥയുണ്ടാക്കുന്നവരും അല്ല. അത് ഗെയിം കളിക്കുന്നവനാണ് . ടോപ് ഫൈവ് .. 5 ആം സ്ഥാനം … അനൂപ് കൃഷ്ണന്‍ .. ഈ മനുഷ്യന്‍ ഇതിലും തൃപ്തനാകും. മറുചോദ്യങ്ങളില്ലാതെ. പുഞ്ചിരിച്ചു കൊണ്ട്.. സാധാരണക്കാരില്‍ സാധാരണക്കാരനായ കലാകാരന്‍ അനൂപ് കൃഷ്ണന്‍ ഇങ്ങനെയായിരുന്നു കുറിപ്പ്.

ഫിനാലെ വേദിയില്‍ മോഹന്‍ലാലിനൊപ്പം താനുമുണ്ടാവുമെന്നും, ആ ദിവസമാണ് തന്റെ ലക്ഷ്യമെന്നും അനൂപ് പറഞ്ഞിരുന്നു. അന്ന് തനിക്കൊപ്പമായി മണിക്കുട്ടനും ഉണ്ടാവുമെന്നും അനൂപ് പറഞ്ഞിരുന്നു. അത് യാഥാര്‍ത്ഥ്യമാക്കിയ അനൂപിന് ആശംസാ പ്രവാഹം ആണ് വന്നുകൊണ്ടിരിക്കുന്നത്.