ഉറപ്പായും ഞാന്‍ വീണ്ടും വിവാഹം കഴിക്കും.ആരാധകരുടെ ചോദ്യത്തിന് ഉത്തരം പറഞ്ഞ് അഞ്ചു ജോസഫ്

ഐഡിയ സ്റ്റാര്‍ സിങര്‍ റിയാലിറ്റി ഷോയിലൂടെയാണ് അഞ്ചു ജോസഫ് മലയാളികളുടെ മനസ്സിൽ ഇടം നേടിയത്.എന്നാൽ കഴിഞ്ഞ കുറച്ച് കാലങ്ങളായി അഞ്ചുവിന്റെ ദാമ്പത്യ ജീവിതത്തിലെ പ്രശ്‌നങ്ങളാണ് വാര്‍ത്തകളില്‍ നിറയുന്നത്.ഇപ്പോഴിതാ രണ്ടാമതും വിവാഹം കഴിക്കുമോ എന്ന ചോദ്യത്തിന് ഗായിക നല്‍കിയ മറുപടിയാണ് വൈറലാവുന്നത്.ഭര്‍ത്താവുമായി വേര്‍പിരിഞ്ഞതിന് ശേഷം അഞ്ചു തന്നെയാണ് വിവാഹമോചനത്തെ പറ്റി പുറംലോകത്തോട് പറയുന്നത്. അതേ സമയം വീണ്ടും വിവാഹം കഴിക്കുമോ എന്നുള്ള ചോദ്യം പലരും തന്നോട് ചോദിക്കാറുണ്ടെന്നാണ് നടിയിപ്പോള്‍ പറയുന്നത്.

ഒരുപാട് ആളുകള്‍ എന്നോട് ചോദിക്കുന്ന ചോദ്യമാണ് രണ്ടാം വിവാഹം ഉണ്ടാവുമോ എന്ന്. ഉറപ്പായും ഞാന്‍ വീണ്ടും വിവാഹം കഴിക്കും. പക്ഷെ പറ്റിയ ഒരാളെ മാത്രമേ കഴിക്കൂ. നമ്മള്‍ക്ക് പറ്റുന്ന ആളാണെന്ന ചിന്ത മനസ്സില്‍ വരുമ്പോള്‍, അതിന് ശരിയായ സമയം ആയെന്ന് തോന്നുമ്പോള്‍ തീര്‍ച്ചയായും വിവാഹം ഉണ്ടാകുമെന്നാണ് അഞ്ചു പറയുന്നത്. ‘ഞാന്‍ ഒരിക്കലും വിവാഹം എന്ന സിസ്റ്റത്തിന് എതിരല്ല. വിവാഹത്തെ അംഗീകരിക്കുന്ന ആള് തന്നെയാണ് ഞാന്‍. അതുകൊണ്ട് തന്നെ ഉറപ്പായും എന്റെ ജീവിതത്തില്‍ വീണ്ടും വിവാഹം ഉണ്ടാകുമെന്നാണ് പറയുന്നത്.മറ്റൊന്ന് അഞ്ചു വിവാഹമോചനത്തെ കുറിച്ച് മുന്‍പ് പറഞ്ഞ വാക്കുകള്‍ ഇങ്ങനെയാണ്.. ‘എല്ലാ റിലേഷന്‍ഷിപ്പും അവസാനിക്കുമ്പോള്‍ വേദനയുണ്ടാകും. അത് പാര്‍ട്‌നറോ മാതാപിതാക്കളോ, സുഹൃത്തുക്കളോ ആരുമായിട്ടുള്ളതാണെങ്കിലും അങ്ങനെയാണ്. എത്ര ഇല്ലെന്ന് പറഞ്ഞാലും വേദനയുണ്ടാകും. അതില്‍ നിന്നും പുറത്ത് കടക്കാന്‍ വളരെ ബുദ്ധിമുട്ടാണ്.