ജോര്‍ജുകുട്ടിയെ രക്ഷിക്കാനെത്തിയ വക്കീല്‍ അഞ്ജലിയുടെ ജീവിതത്തില്‍ വിവാഹ മോചന കേസ് വാദിക്കാന്‍ എത്തുന്നു

ദൃശ്യം 2 വിലൂടെ പ്രേക്ഷകര്‍ അടുത്തറിഞ്ഞ നടിയാണ് അഞ്ജലി നായര്‍. ചെറുതും വലുതുമായി വേഷങ്ങള്‍ ചെയ്ത് പ്രേക്ഷകരിലേക്ക് എത്തിയ നടിയെ ഇന്ന് ആരാധകര്‍ ഓര്‍ക്കുന്നത് സരിത എന്ന പേരിലാണ്. ചിത്രത്തില്‍ നായികയുടെ കൂടെ നടന്ന് എട്ടിന്റെ പണി കൊടുത്ത ആളാണ് സരിത.

2011 ഏപ്രില്‍ 24 ആണ് നടിയുടെ വിവാഹം കഴിഞ്ഞത്. അഞ്ജലിയുടെ ഭര്‍ത്താവ് ഫാഷന്‍ ഫോട്ടോഗ്രാഫറും ഫിലിം ഡയറക്ടര്‍ കൂടിയായ അനീഷ് ഉപാസനയാണ്. എന്നാല്‍ ഇരുവരും വേര്‍പെട്ട് കഴിഞ്ഞിരുന്നു എന്ന വാര്‍ത്ത നേരത്തെ പുറത്തുവന്നിരുന്നു. ഇതിന് പിന്നാലെയാണ് ഇവര്‍ വിവാഹമോചനത്തിലേക്ക് എത്തുന്നു എന്ന വാര്‍ത്ത പുറത്തുവന്നത്. കഴിഞ്ഞ അഞ്ചു വര്‍ഷമായി താരം ഭര്‍ത്താവായ അനീഷ് ഉപാസനമായി വേര്‍പിരിഞ്ഞാണ് കഴിയുന്നത്.

ഇപ്പോള്‍ മറ്റൊരു വാര്‍ത്ത കൂടി എത്തിയിരിക്കുകയാണ്. ദൃശ്യം രണ്ടില്‍ ജോര്‍ജുകുട്ടിയെ രക്ഷിക്കാനെത്തിയ വക്കീല്‍ തന്നെയാണ് ഇപ്പോള്‍ അഞ്ജലിക്ക് ജീവിതത്തില്‍ വിവാഹമോചനം നേടി കൊടുക്കുന്നതില്‍ അഭിഭാഷകയായി നില്‍ക്കുന്നത് എന്നുള്ളതാണ് ആ വാര്‍ത്ത.

ഈ ചിത്രത്തില്‍ ജോര്‍ജുകുട്ടിയുടെ വക്കീല്‍ ആയി ശ്രദ്ധിക്കപ്പെടുന്ന വേഷം ചെയ്ത ആളാണ് ശാന്തി മായാദേവി. തിരുവനന്തപുരം സ്വദേശിനിയായ താരം ദൃശ്യം 2 -ല്‍ അഡ്വ രേണുകയായാണ് എത്തിയത്. ശരിക്കും ഹൈക്കോടതി അഭിഭാഷകയാണ് ശാന്തി.

ചുരുങ്ങിയ സമയമെ ശാന്തി ക്യാമറക്ക് മുന്നില്‍ ശാന്തി നിന്നുവെങ്കിലും, താരത്തിന്റെ കഥാപാത്രം എന്നും ഓര്‍ത്തിരിക്കുന്നതായിരുന്നു. മോഹന്‍ലാലിന്റെ വക്കീല്‍ ആയാണ് ശാന്തി മായാദേവി എത്തുന്നത്. ചിത്രം കണ്ടിറങ്ങിയ ആരും ജോര്‍ജ്ജുകുട്ടിയുടെ വക്കാലത്ത് ഏറ്റെടുത്ത ആ വക്കീലിനെ മറക്കാന്‍ സാധ്യതയില്ല. മുമ്പും ചിത്രങ്ങളില്‍ അഭിനയിച്ചിരുന്നെങ്കിലും ദൃശ്യം 2 വിലെ വേഷമാണ് ശ്രദ്ധിക്കപ്പെട്ടത്.