വിവാദങ്ങള്‍ക്കിടെ മറ്റൊരു ദുഖവാര്‍ത്ത അറിയിച്ച് നടി അമ്പിളി ദേവി

ഇപ്പോള്‍ സോഷ്യല്‍ മീഡിയയിലെ ചര്‍ച്ച നടി അമ്പിളി ദേവിയുടെയും ആദിത്യന്റെയും വിവാഹ മോചനം ആണ്. വലിയ വിവാദം ആയിരിക്കുകയാണ് ഈ സംഭവം. ആരുടെ ഭാഗത്താണ് ശരി എന്ന് ഇപ്പോഴും പ്രേക്ഷകര്‍ക്ക് മനസിലാക്കാന്‍ സാധിക്കുന്നില്ല. ആദിത്യന്‍ അമ്പിളിയില്‍ നിന്നും വിവാഹമോചനം ആവശ്യപ്പെട്ടന്നും, വേറെ സ്ത്രീയുമായി അയാള്‍ പ്രണയത്തില്‍ ആണെന്നാണ് അമ്പിളി പറയുന്നത്.

എന്നാല്‍ ഇതെല്ലാം നിരസിച്ച് ആദിത്യന്‍ രംഗത്തെത്തിയിരുന്നു. തനിക്ക് നേരെ ആരോപിക്കുന്ന കാര്യങ്ങള്‍ തെറ്റാണെന്നും , അങ്ങനെ ഒന്നും ഇല്ലെന്നും എന്നാല്‍ നടിയുമായി ഒന്നിച്ച് ജീവിക്കാന്‍ പറ്റില്ലെന്ന തരത്തിലും നടന്‍ വ്യക്തമാക്കി.

ഇപ്പോള്‍ ഈ സംഭവങ്ങള്‍ക്കിടെ മറ്റൊരു സംങ്കടകരമായ വാര്‍ത്തയാണ് അമ്പിളി ആരാധകരെ അറിയിച്ചത്. സോഷ്യല്‍ മീഡിയയില്‍ പോസ്റ്റ് പങ്കുവെച്ചാണ് ഈ കാര്യം അറിയിച്ചത്.

തന്റെ ജീവിതത്തിലുണ്ടായ നഷ്ടത്തെ കുറിച്ചാണ് അമ്പിളിദേവി ഇപ്പോള്‍ പറഞ്ഞത്. അമ്പിളി ദേവിയുടെ വല്യച്ഛന്‍ അന്തരിച്ച വിവരമാണ് ഇപ്പോള്‍ താരം അറിയിച്ചിരിക്കുന്നത്. വളരെ അടുപ്പമുള്ള കടയച്ഛന്‍ എന്ന് വിളിക്കപ്പെടുന്ന പ്രിയപ്പെട്ട വ്യക്തിയെ നഷ്ടമായതിന്റെ സങ്കടമാണ് അമ്പിളി ദേവി പങ്കുവെച്ചിരിക്കുന്നത്. അമ്പിളി ദേവിയുടെ കുറിപ്പിന്റെ പൂര്‍ണ്ണരൂപം കാണാം.

‘പ്രണാമം അച്ഛാ, എന്റെ എല്ലാ കാര്യങ്ങള്‍ക്കും കൂടെ നിന്നിരുന്ന, എന്റെ അര്‍ജുന്‍ മോനെ ഞാന്‍ പ്രസവിച്ചു കിടന്ന സമയത്തും അവനു ഓരോ തവണയും വാക്‌സിനേഷന്‍ എടുക്കാന്‍ പോകുമ്പോഴും എല്ലാം എല്ലാത്തിനും കൂട്ട് വന്നിരുന്ന, ഒന്ന് വിളിച്ചാല്‍ ഓടി എത്തുന്ന എന്റെ വല്യച്ഛന്‍ ഇന്ന് ഞങ്ങളെ വിട്ടു ഈശ്വരന്റെ അടുത്തു പോയി. ഞങ്ങളുടെ എല്ലാം കടയച്ഛന്‍’ നിരവധി ആരാധകരാണ് അമ്പിളി ദേവിയുടെ സങ്കടത്തില്‍ പങ്കുചേര്‍ന്ന് ആദരാഞ്ജലികളും പ്രണാമവുമൊക്കെ അര്‍പ്പിക്കുന്നത്.