മലയാളികൾ ഏറെ ഇഷ്ടപ്പെടുന്ന ചിത്രമാണ് മിഥുനം. 1993ലാണ് ചിത്രം പ്രദർശനത്തിനെത്തുന്നത്. പ്രിയദർശൻ സംവിധാനം ചെയ്ത ചിത്രത്തിൽ മോഹൻലാലും ശ്രീനിവാസനും ഉർവ്വശിയും അടങ്ങുന്ന വലിയൊരു താരനിരയാണ് ഉണ്ടായിരുന്നത്. ഒരു കുടുംബ ചിത്രമാണ് ഇത്.
ഒരുപാട് തമാശകളും ഹാസ്യ രംഗങ്ങളും ചിത്രത്തിലുണ്ട്. ചിത്രത്തിൽ താൻ ചെയ്ത കഥാപാത്രത്തിൻറെ മാനസികാവസ്ഥയോടു യോജിച്ചു പോകാൻ കഴിയില്ല എന്ന് ഉർവശി വ്യക്തമാക്കിയിരുന്നു. ഒരു പക്വത ഇല്ലാത്ത രീതിയിലുള്ള കഥാപാത്രമാണ് അത് എന്നും താരം പറയുന്നു. പതിമൂന്നാം വയസ്സിൽ ആണ് ഉർവ്വശി ആദ്യമായി നായികയായി അഭിനയിക്കുന്നത്. മനസ്സാക്ഷിക്കു വിരുദ്ധമായി ഒരു സിനിമ ചെയ്യാൻ പറ്റില്ല എന്ന് താരം പറയുന്നു.
സിനിമകൾ തിരഞ്ഞെടുക്കാറുള്ളത് മുഴുവൻ തിരക്കഥയും വായിച്ചിട്ടാണ്. കഥപറയുമ്പോൾ അതിനുള്ള സംശയങ്ങളൊക്കെ ചോദിച്ചു തീർക്കും. ചിലത് മെച്ചപ്പെടുത്താൻ ഉണ്ടെങ്കിൽ സംവിധായകരുടെ സമ്മതത്തോടെ അതൊക്കെ ചെയ്യാറുണ്ട്. മനസാക്ഷിക്ക് വിരുദ്ധമായ ഒരു സിനിമ ചെയ്യുക എന്നത് തന്നെ കൊണ്ട് പറ്റില്ല.
ഇപ്പോഴത്തെ സഹപ്രവർത്തകരായ കുട്ടികൾക്ക് അഭിനയിക്കുന്നതിനെ കുറിച്ച് കൂടുതൽ ഒന്നും പറഞ്ഞു കൊടുക്കാറില്ല. ഇങ്ങോട്ട് ചോദിക്കുന്നവർക്ക് പറഞ്ഞുകൊടുക്കും. അതല്ലാതെ അങ്ങോട്ട് ആരോടും ഒന്നും പറയില്ല. കാരണം ചിലപ്പോൾ പറഞ്ഞു കൊടുക്കുമ്പോൾ അപ്സെറ്റ് ആകുന്നവർ ഉണ്ട്. അതിലും ഭേദം അവരെ ഫ്രീയായിട്ട് വിടുകയാണ്. താരം പറഞ്ഞു.