ഇപ്പോഴും ഒന്നും മാറിയിട്ടില്ല. മാഡീ, നിങ്ങളാണ് ബെസ്റ്റ്. നടൻ മാധവനെ ഇങ്ങനെ പ്രശംസിക്കാൻ നടി സിമ്രാന് ഒരു കാരണമുണ്ട്!

മലയാളി പ്രേക്ഷകർക്ക് വളരെ സുപരിചിതയായ തമിഴ് നടിയാണ് സിമ്രാൻ. കേരളത്തിൽ നിരവധി ആരാധകർ ഉണ്ട് സിമ്രാന്. തമിഴിലെ പല സൂപ്പർതാരങ്ങളുടെ നായികയായും സിമ്രാൻ സ്ക്രീനിൽ നിറഞ്ഞാടിയിട്ടുണ്ട്. മലയാളികളുടെ പ്രിയപ്പെട്ട നടൻ മാധവന്റെ നായികയായും ചില ചിത്രങ്ങളിൽ താരം എത്തിയിട്ടുണ്ട്. ഇവർ തമ്മിലുള്ള രസതന്ത്രം സ്ക്രീനിൽ ശ്രദ്ധേയമാണ്.

വളരെ ചുരുക്കം ചില ചിത്രങ്ങളിൽ മാത്രമാണ് ഇവർ നായിക നായകന്മാരായി എത്തിയിട്ടുള്ളത്. വർഷങ്ങൾക്കുശേഷം അവർ വീണ്ടും ഒരുമിക്കുകയാണ്. റോക്കട്ട്രി ദി നമ്പി എഫക്ട് എന്ന ചിത്രത്തിലൂടെയാണ് ഇത്. വർഷങ്ങൾക്കുശേഷം മാധവനുമായി ഒന്നിക്കുന്ന സന്തോഷം പങ്കുവെക്കുകയാണ് സിമ്രാൻ. ഒന്നു മാറിയിട്ടില്ല എന്ന് സിമ്രാൻ പറയുന്നു.

സിനിമയിൽ നമ്പി നാരായണന്റെ ഭാര്യ വേഷമാണ് സിമ്രാൻ അവതരിപ്പിക്കുന്നത്. താങ്കൾ ആദ്യമായി സംവിധാനം ചെയ്യുന്ന ചിത്രത്തിൽ നിങ്ങൾക്കൊപ്പം തന്നെ സ്ക്രീൻ പങ്കിടാൻ സാധിക്കുന്നു. അതും 20 വർഷങ്ങൾക്കുശേഷം എന്നത് വളരെ സന്തോഷമുള്ള ഒരു കാര്യമാണ്. യു ആർ ദി ബെസ്റ്റ്, മാഡീ. സിമ്രാൻ പറഞ്ഞത് ഇങ്ങനെ.

പ്രശസ്ത ഐഎസ്ആർഒ ശാസ്ത്രജ്ഞൻ നമ്പി നാരായണന്റെ ജീവിതത്തെ ആസ്പദമാക്കിയുള്ള ചിത്രമാണ് ഇത്. ഏറെ വിവാദങ്ങൾ നിറഞ്ഞ, അന്താരാഷ്ട്രതലത്തിൽ അടക്കം മാധ്യമശ്രദ്ധ നേടിയ സംഭവമായിരുന്നു ഇത്. ഏതാണ്ട് നാല് വർഷത്തോളമായി ഈ സിനിമയ്ക്ക് പിന്നാലെയാണ് മാധവൻ. നൂറുകോടിക്ക് മുകളിലാണ് സിനിമയുടെ ബജറ്റ്. ചിത്രത്തിൽ ഒരു നിർണായക വേഷത്തിൽ സൂര്യയും ഷാരൂഖ് ഖാനും എത്തുന്നുണ്ട് എന്ന് റിപ്പോർട്ടുകൾ ഉണ്ടായിരുന്നു.