ഇനിയാണ് ശരിക്കും സരയുവിനെ പ്രേക്ഷകര്‍ കാണാന്‍ പോവുന്നത് ; സന്തോഷ വാര്‍ത്തയുമായി താരം

ചിത്രം ”ചക്കരമുത്തിലൂടെ” അഭിനയ രംഗത്ത് എത്തിയ സരയു മോഹന്‍ പിന്നീട് മിനി സ്‌ക്രീനിലാണ് കൂടുതലും തിളങ്ങിയത്. ഇന്ന് സരയു പ്രേക്ഷകരുടെ പ്രിയപ്പെട്ട താരമായി കഴിഞ്ഞു. ചെറിതും വലുതുമായ വേഷങ്ങള്‍ ചെയ്ത് പ്രേക്ഷകഹൃദയത്തില്‍ കയറാന്‍ താരത്തിന് അധിക സമയം വേണ്ടി വന്നില്ല. ദിലീപിന്റെ കൂടെയായിരുന്നു സരയു മോഹന്‍ ആദ്യമായി അഭിനയത്തിലേക്ക് ചുവട് വെച്ചത്.

പിന്നീട് നിരവധി ചിത്രങ്ങളുടെ ഭാഗമാവാനും ഈ നടിക്ക് കഴിഞ്ഞിട്ടുണ്ട്. ഇതിനിടെ സംവിധാന രംഗത്തേക്കും താരം ചുവട് വെച്ചിരുന്നു. പച്ച എന്ന ഹൃസ്വ ചിത്രം സംവിധാനം ചെയ്തിരുന്നത് സരയു മോഹന്‍ ആയിരുന്നു. ഇതോടെ തനിക്ക് അഭിനയം മാത്രമല്ല സംവിധാനവും വഴങ്ങുമെന്ന് നടി തെളിയിച്ചു. ആരാധകര്‍ ഏറ്റെടുത്ത ചിത്രമായിരുന്നു ഇത്.

തന്റെ ആദ്യ ചിത്രത്തിന് ശേഷം ജയറാം നായകനായി എത്തിയ വെറുതെ ഒരു ഭാര്യ എന്ന ചിത്രത്തിലും ശ്രദ്ധിക്കപ്പെടുന്ന വേഷം ചെയ്യാന്‍ സരയുന് കഴിഞ്ഞു. ഇതിന് പിന്നാലെയാണ് രമേശ് പിഷാരടി നായകനായി എത്തിയ കപ്പല്‍ മൊതലാളിയില്‍ നായികയായി സരയൂ അരങ്ങേറ്റം കുറിക്കുന്നത്. ചിത്രവും ഇതിലെ പാട്ടും
ഏറെ ശ്രദ്ധിക്കപ്പെട്ടിരുന്നു. തുടര്‍ന്ന് നിരവധി ചിത്രങ്ങളുടെ ഭാഗമായി.

എറണാകുളം മഹാരാജാസ് കോളേജില്‍ നിന്നും സാഹിത്യത്തില്‍ ബിരുദം എടുത്ത സരയു മലയാളത്തില്‍ നിരവധി ചിത്രങ്ങളില്‍ അഭിനയിച്ചിട്ടുണ്ട് . ചേകവര്‍. ഹസ്ബന്‍ഡ്‌സ് ഇന്‍ ഗോവ. നിദ്ര. നടകമേ ഉലകം. ജനപ്രിയന്‍. ഓര്‍ക്കുട്ട് ഒരു ഓര്‍മ്മകൂട്ട്. കരയിലേക്ക് ഒരു കടല്‍ ദൂരം. ഇങ്ങനെയും ഒരാള്‍. കന്യാകുമാരി എക്‌സ്പ്രസ് ഫോര്‍ ഫ്രണ്ട്സ് തുടങ്ങിയ നിരവധി സിനിമകളില്‍ വേഷമിട്ടു.

ഇപ്പോള്‍ സരയു ചിത്രങ്ങളില്‍ അത്ര സജീവമല്ലെങ്കിലും സോഷ്യല്‍ മീഡിയയില്‍ സജീവമാണ് താരം . തന്റെ കിടിലന്‍ ചിത്രങ്ങളും വീഡിയോകളും പങ്കുവെച്ച് സരയു ആരാധകര്‍ക്കിടെ എത്താറുണ്ട്. ഭര്‍ത്താവുമൊത്ത് സുഖമായി ജീവിക്കുന്ന താരം ഇപ്പോള്‍ പങ്കുവെച്ച ചിത്രമാണ് വൈറലാവുന്നത്.