അടിപൊളി വീട്; കുടുംബ വിളക്കിലെ വേദികയുടെ ശരിക്കുമുള്ള വീട് കണ്ടോ ?

കാഴ്ചക്കാര്‍ ഏറെയുള്ള പരമ്പരയാണ് കുടുംബ വിളക്ക്. നിരവധി സിനിമ സീരിയല്‍ താരങ്ങളാണ് ഇതില്‍ അഭിനയിക്കുന്നത്. സുമിത്രയാണ് ഇതിലെ പ്രധാന കഥാപാത്രം. നടി മീരാ വാസുദേവാണ് സുമിത്രയായി എത്തുന്നത്. സാധാരണ പരമ്പരകളില്‍ കണ്ടുവരുന്ന നെഗറ്റീവ് പോസിറ്റീവ് നിറഞ്ഞ കഥാപാത്രം കുടുംബ വിളക്കിലും ഉണ്ട്. ഇതില്‍ നെഗറ്റീവ് കഥാപാത്രത്തെ അവതരിപ്പിക്കുന്നത് നടി ശരണ്യ ആനന്ദാണ്.

വേദിക എന്ന വില്ലത്തി വേഷത്തിലാണ് ശരണ്യ എത്തുന്നത്. താരത്തിന്റെ അഭിനയം എടുത്തുപറയേണ്ടത് തന്നെ. അതിഗംഭീരമായ പ്രകടനമാണ് ശരണ്യ കാഴ്ചവെക്കുന്നത്. സോഷ്യല്‍ മീഡിയയില്‍ സജീവമായ ശരണ്യ തന്റെ വിശേഷങ്ങള്‍ പങ്കുവെച്ച് എത്താറുണ്ട്. പരമ്പരയില്‍ ഒരു വില്ലത്തിയാണെങ്കിലും യഥാര്‍ത്ഥ ജീവിതത്തില്‍ ഒരു പച്ച പാവമാണ് ശരണ്യ.

ഇപ്പോഴിതാ തന്റെ ഹോം ടൂറുമായാണ് വേദിക എത്തിയിരിക്കുന്നത്. തന്റെ വീട്ടുകാരെ കുറിച്ചും വീട്ടിലെ വിശേഷങ്ങള്‍ എല്ലാം വീഡിയോയിലൂടെ പങ്കുവെച്ചു താരം. വീട്ടിലെ അമ്മയേയും, അച്ഛനേയും, സഹോദരിയേയുമെല്ലാം കാണിക്കുന്നതോടൊപ്പം തന്റെ പഴയ ഓര്‍മ്മകളും ചിത്രങ്ങളുമെല്ലാം ശരണ്യ പങ്കുവയ്ക്കുന്നുണ്ട്. ‘കുടുംബവിളക്കി’ല്‍ എല്ലാവരുടേയും കയ്യില്‍നിന്നും തല്ലുവാങ്ങി നില്‍ക്കുന്ന ഘട്ടത്തിലൂടെയാണ് ‘വേദിക’ പോകുന്നതെങ്കിലും, അതിന്റെ സങ്കടമൊന്നും ശരണ്യയ്ക്കില്ല.

ശരണ്യ ജനിച്ചത് വളര്‍ന്നതും ഗുജറാത്തിലാണ്. എന്നാല്‍ ഇപ്പോള്‍ ശരണ്യയും കുടുംബവും എറണാകുളത്താണ് താമസിക്കുന്നത്. രണ്ടുവര്‍ഷം മുന്നേ ശരണ്യയും കുടുംബവും എറണാകുളത്ത് വീട് വെക്കുകയായിരുന്നു.