എനിക്കേറെ പ്രിയപ്പെട്ട ജയറാമേട്ടനും അശ്വതി ചേച്ചിക്കുമൊപ്പം; പുത്തന്‍ ഫോട്ടോ പങ്കുവെച്ച് നവ്യ നായര്‍

പഴയ നടി നടന്മാര്‍ എല്ലാം സമയം കിട്ടുമ്പോള്‍ ഒത്തു കൂടാറുണ്ട്. ഈ ആഘോഷവേളയിലെ ചിത്രങ്ങളും ഇവര്‍ ആരാധകരെ കാണിക്കാനായി സോഷ്യല്‍ മീഡിയയില്‍ പോസ്റ്റ് ചെയ്യാറുണ്ട്. ഇപ്പോഴിതാ നവ്യ നായര്‍ പങ്കുവെച്ച ചില ചിത്രങ്ങളാണ് ശ്രദ്ധ നേടുന്നത്. നടന്‍ ജയറാമിനും കുടുംബത്തിനും ഒപ്പമുള്ള ഫോട്ടോസും ആയാണ് നവ്യ എത്തിയത്. ചിത്രത്തില്‍ പാര്‍വതിയും , ചക്കിയും
എല്ലാം ഉണ്ട്.

നീ എത്ര ജെനുവിനായ കുട്ടിയാണ് ചക്കിപ്പെണ്ണേ, നിന്റെ ടാറ്റുവും എനിക്കിഷ്ടമായെന്നായിരുന്നു നവ്യ പറഞ്ഞത്. കല്യാണ്‍ നവരാത്രിയെന്ന ഹാഷ് ടാഗോടെയായാണ് നവ്യ നായര്‍ ചിത്രങ്ങള്‍ പങ്കുവെച്ചത്. രമേഷ് കല്യാണാണ് തന്നെ പരിപാടിയിലേക്ക് ക്ഷണിച്ചതെന്നും നവ്യ കുറിച്ചിരുന്നു.
എനിക്കേറെ പ്രിയപ്പെട്ട ജയറാമേട്ടനും അശ്വതി ചേച്ചിക്കുമൊപ്പമെന്ന ക്യാപ്ഷനോടെയും ചിത്രം പങ്കുവെച്ചിരുന്നു.

ഒരുകാലത്ത് സിനിമയില്‍ തിളങ്ങി നിന്നിരുന്ന പാര്‍വതി വിവാഹത്തോടെയാണ് അഭിനയത്തില്‍ നിന്ന് മാറി നിന്നത്. ജയറാം ഈ അടുത്ത് പൊന്നിയെന്‍ സെല്‍വന്‍ എന്ന സൂപ്പര്‍ഹിറ്റ് ചിത്രത്തില്‍ അഭിനയിച്ചു. ഇവരുടെ മകന്‍ കാളിദാസും അഭിനയ ലോകത്ത് സജീവമാണ്.

മാളവിക സിനിമയിലേക്ക് കടക്കാനുള്ള തയ്യാറെടുപ്പിലാണ്. വിവാഹത്തോടെ അഭിനയത്തില്‍ നിന്നും മാറിനിന്ന നവ്യ നായര്‍ ഒരുത്തീ എന്ന ചിത്രത്തില്‍ ശക്തമായ കഥാപാത്രത്തെ അവതരിപ്പിച്ചുകൊണ്ട് എത്തിയിരുന്നു. സോഷ്യല്‍ മീഡിയയില്‍ സജീവമാണ് നവ്യ.