അമ്മയും മകളും സുഖമായിരിക്കുന്നുവോ; അങ്ങനെ ആ ചിത്രം പുറത്തുവിട്ട് താരം

നിവേദ്യം എന്ന ചിത്രത്തിലൂടെ അഭിനയരംഗത്ത് എത്തി പ്രേക്ഷക മനസില്‍ സ്ഥാനം പിടിച്ച നടിയാണ് ഭാമ. ലോഹിതദാസ് ഈ ചിത്രത്തിലെ നായിക വേഷം കൈകാര്യം ചെയ്യാന്‍ ഭാമയെ തിരഞ്ഞെടുത്തപ്പോള്‍ അതൊരു നഷ്ടം ആയിരുന്നില്ല. ചിത്രത്തിന് യോജിച്ച തരത്തില്‍ തന്നെ അഭിനയിച്ച് തകര്‍ക്കാന്‍ ഈ താരത്തിന് കഴിഞ്ഞിട്ടുണ്ട്. മലയാളത്തിന് പുറമെ തമിഴിലും തെലുങ്കിലും കന്നഡയിലുമെല്ലാം താരം തന്റെ സാന്നിധ്യം അറിയിച്ചിട്ടുണ്ട്. വിവാഹം ശേഷം താരം സിനിമയില്‍ ഒന്നും അഭിനയിച്ചിരുന്നില്ല. എന്നാല്‍ സിനിമ പൂര്‍ണ്ണമായും വിടാതെ നല്ല അവസരം വന്നാല്‍ മടങ്ങി വരണം എന്നാണ് ആഗ്രഹമെന്ന് ഭാമ അറിയച്ചത്.

അവതാരകയായി തിളങ്ങിയിരുന്നു താരം പെട്ടന്നായിരുന്നു വിവാഹ ജീവിതത്തിലേക്ക് പ്രവേശിച്ചത്. 2020 ജനുവരി 30നായിരുന്നു നടിയുടെ വിവാഹം. അരുണിനെ പരിചയപ്പെട്ടതിനെക്കുറിച്ചും ആ ബന്ധം വിവാഹത്തിലേക്ക് എത്തിയതിനെക്കുറിച്ചും താരം തുറന്നുപറഞ്ഞിരുന്നു. ഭാമയുടെ സഹോദരിയുടെ ഭര്‍ത്താവിന്റെ സഹപാഠി കൂടിയാണ് അരുണ്‍. ദുബായില്‍ ബിസിനസുകാരനായ അരുണ്‍ ചെന്നിത്തല സ്വദേശിയാണ്.

അടുത്തിടെയായിരുന്നു ഭാമയ്ക്കും അരുണിനും ഇടയിലേക്ക് കുഞ്ഞതിഥി എത്തിയത്. കുഞ്ഞുമാലാഖ എത്തിയെന്നും അമ്മയും മകളും സുഖമായിരിക്കുന്നുവെന്നുമായിരുന്നു അടുത്തവൃത്തങ്ങള്‍ പറഞ്ഞത്. എന്നാല്‍ കുഞ്ഞെവിടയെന്നായിരുന്നു ആരാധകര്‍ ഭാമയോട് ചോദിച്ചത്. ഇതുവരെ കുഞ്ഞിന്റെ ഒരു ചിത്രം പോലും പുറത്തേക്ക് വിട്ടിട്ടില്ല താരം. മാത്രമല്ല ഇത് സംബന്ധിച്ച പ്രതികരണവും നടത്തിയിട്ടില്ല.

ഇപ്പോള്‍ കുര്‍ത്തിയണിഞ്ഞുള്ള ചിത്രങ്ങളാണ് ഭാമ പോസ്റ്റ് ചെയ്തത്. അതീവ സുന്ദരിയായുള്ള താരത്തിന്റെ ചിത്രങ്ങള്‍ നിമിഷനേരം കൊണ്ടായിരുന്നു വൈറലായി മാറിയത്. ചിത്രത്തിന് താഴെ ധാരാളം അഭിപ്രായവും വന്നിട്ടുണ്ട്. അധികപേരും കുഞ്ഞിനെ കുറിച്ചാണ് ചോദിച്ചത്.