മൂക്കുത്തി ഇഷ്ടം; മനോഹരമായ ചിത്രങ്ങള്‍ പങ്കുവെച്ച് നടി ഭാമ

മലയാളികളുടെ പ്രിയപ്പെട്ട നടിയാണ് നടി ഭാമ. ഇപ്പോള്‍ സിനിമയില്‍ ഇല്ലെങ്കിലും ഈ നടിയെ അത്രപ്പെട്ടന്നൊന്നും ആരാധകര്‍ക്ക് മറക്കാന്‍ കഴിയില്ല. ഹിറ്റ് ചിത്രം നിവേദ്യത്തിലൂടെ അഭിനയരംഗത്ത് എത്തിയ താരം മലയാളത്തിന് പുറമെ തമിഴിലും , തെലുങ്കിലും, കന്നഡയിലുമെല്ലാം നിറ സാന്നിധ്യം അറിയിച്ചിട്ടുണ്ട് . വിവാഹം ശേഷം സിനിമയില്‍ ഒന്നും ഭാമ അഭിനയിച്ചിരുന്നില്ല. ഇപ്പോള്‍ കുടുംബ ജീവിതം ആസ്വദിക്കുകയാണ് താരം.

കൊവിഡ് കാലത്തായിരുന്നു നടിയുടെ വിവാഹം. വലിയ ആഘോഷത്തോടെ കൂടി നടത്തിയ ചടങ്ങില്‍ അടുത്ത ബന്ധുക്കളും സുഹൃത്തുക്കളും ആണ് പങ്കെടുത്തത്. ഇതിനുശേഷം അമ്മയാകാന്‍ പോകുന്ന വിവരം നടി ആരാധകരെ അറിയിച്ചിരുന്നില്ല. എന്നാല്‍ ഇതിനിടെ ഭര്‍ത്താവിനൊപ്പം ഉള്ള ഒരു ചിത്രം സോഷ്യല്‍ മീഡിയയില്‍ പോസ്റ്റ് ചെയ്തിരുന്നു.

ഇതു കണ്ടതോടെ ഭാമ ഗര്‍ഭിണിയാണോ എന്ന് ആരാധകന്‍ സംശയിച്ചു. പിന്നീട് ഒരു പെണ്‍കുഞ്ഞു പിറന്ന വിവരം ആരാധകര്‍ തന്നെ കണ്ടുപിടിച്ചു. കുഞ്ഞു ജനിച്ച് ഏറെ വൈകിയാണ് മകളുടെ ഫോട്ടോ പുറത്തുവിട്ടത്. പിന്നാലെ പിറന്നാള്‍ ആഘോഷത്തിന്റെ ചിത്രവും താരം പോസ്റ്റ് ചെയ്തു.

മൂക്കുത്തിയണിഞ്ഞുള്ള ചിത്രങ്ങളായിരുന്നു കഴിഞ്ഞ ദിവസം താരം പങ്കുവെച്ചത്. മൂക്കുത്തിയോട് പ്രത്യേകമായൊരു ഇഷ്ടമുണ്ടെന്നും ഭാമ കുറിച്ചിരുന്നു. അതീവ സന്തോഷത്തോടെയായി ചിരിച്ച് നില്‍ക്കുന്ന ചിത്രങ്ങളും പോസ്റ്റ് ചെയ്തിരുന്നു. സോ പ്രറ്റിയെന്ന കമന്റുമായി ശ്രീശാന്തിന്റെ ഭാര്യ ഭുവനേശ്വരിയാണ് ആദ്യമെത്തിയത്.