അമ്മയെ പോലെ ക്യൂട്ട് ആണ് ഗൗരിക്കുട്ടിയും; വീണ്ടും മകളുടെ ചിത്രം പുറത്തുവിട്ട് നടി

മലയാളികള്‍ ഏറെ നാളുകളായി കാണാന്‍ ആഗ്രഹിക്കുന്ന ഒരു മുഖമായിരുന്നു ഭാമയുടെ കുഞ്ഞിന്റെ. മകളെക്കുറിച്ച് നിരന്തരമായി ആരാധകര്‍ നടിയുടെ ചോദിക്കാറുണ്ട്. എന്നാല്‍ അന്നൊന്നും കൃത്യമായ മറുപടി പറഞ്ഞിരുന്നില്ല താരം. പിന്നാലെ കുഞ്ഞിന്റെ മുഖം വ്യക്തമല്ലാത്ത നിരവധി ചിത്രങ്ങള്‍ പോസ്റ്റ് ചെയ്യാന്‍ തുടങ്ങി. ഗൗരി എന്നാണ് മകളുടെ പേര്.

കഴിഞ്ഞ ദിവസമായിരുന്നു ഗൗരികുട്ടിയുടെ പിറന്നാള്‍. പിറന്നാള്‍ ആഘോഷത്തിന്റെ ചിത്രങ്ങള്‍ ഭാമ പങ്കുവെച്ചിരുന്നു. കുഞ്ഞു ജനിച്ചതിന്റെ ഒന്നാം വാര്‍ഷികം ആഘോഷിച്ച ദിവസമായിരുന്നു മകളുടെ ഫോട്ടോയും നടി പുറത്തുവിട്ടത്. ഇതോടെ ഗൗരിക്കുട്ടി ആണ് സോഷ്യല്‍ മീഡിയയിലെ ഇപ്പോഴത്തെ താരം. അമ്മയുടെ മകളുടെയും ചിത്രം നിമിഷനേരം കൊണ്ടാണ് വൈറലായത്. സെലിബ്രിറ്റി ഫാഷന്‍ ഫോട്ടോഗ്രാഫറായ റെജി ഭാസ്‌കര്‍ ആണ് പുതിയ ചിത്രങ്ങള്‍ പങ്കുവെച്ചത്.

ഇപ്പോഴിതാ മകളുടെ കൂടുതല്‍ ചിത്രങ്ങള്‍ പുറത്തു വിട്ടിരിക്കുകയാണ് നടി. അമ്മയെ പോലെ തന്നെ ക്യൂട്ട് ആണ് ഗൗരിക്കുട്ടി എന്നാണ് ഫോട്ടോ കണ്ട് ആരാധകര്‍ പറയുന്നത്. അതേസമയം ഈ സുന്ദരിക്കുട്ടിയെ കാണിക്കാന്‍ ഇത്രയും വൈകിയതിന് ചിലര്‍ പരാതിയും പറയുന്നുണ്ട്. അതിനിടെ ഭാമയുടെ സിനിമയിലേക്കുള്ള തിരിച്ചുവരവും ആരാധകര്‍ തിരക്കുന്നുണ്ട്.

ഇപ്പോള്‍ മലയാളത്തിലെ ഒട്ടുമിക്ക നടിമാരും തങ്ങളുടെ വിവാഹ ശേഷം വീണ്ടും സിനിമയിലേക്ക് തന്നെ തിരിച്ചെത്തുന്നു. അതുപോലെ ഭാമയും തിരിച്ചു വരുമോ എന്നാണ് ആരാധകര്‍ ചോദിക്കുന്നത്. മലയാളത്തില്‍ നിരവധി കഥാപാത്രം നടി ചെയ്തു. നിവേദ്യം എന്ന ചിത്രത്തിലെ താരത്തിന്റെ കഥാപാത്രം ശ്രദ്ധിക്കപ്പെട്ടിരുന്നു.