എന്നെ ജീവിതത്തിലേക്കു തിരിച്ചു കൊണ്ടുവരണം എന്ന് നിറകണ്ണുകളോടെ അപേക്ഷിക്കുന്നു; സഹായം തേടി നടന്‍ വിജയന്‍ കാരന്തൂര്‍

നിരവധി ചിത്രങ്ങളില്‍ അഭിനയിച്ചിട്ടുള്ള വ്യക്തിയാണ് വിജയന്‍ കാരന്തൂര്‍. സീരിയലിലും ഈ താരം എത്തിയരുന്നു. അടുത്തിടെ പുറത്തിറങ്ങിയ ഒട്ടേറെ ചിത്രങ്ങളില്‍ പ്രധാന വേഷങ്ങളില്‍ വിജയന്‍ കാരന്തൂര്‍ എത്തിയിട്ടുണ്ട്. എന്നാല്‍ ഇപ്പോഴിതാ മലയാളികളോട് ഒരു സഹായം അഭ്യര്‍ത്ഥിച്ച് രംഗത്തെത്തിയിരിക്കുകയാണ് വിജയന്‍ കാരന്തൂര്‍.

താന്‍ ഗുരുതരമായ കരള്‍ രോഗത്താല്‍ ബുദ്ധിമുട്ടനുഭവിച്ചു വരികയാണെന്നും, ചികിത്സക്കായി നല്ലൊരുതുക ചെലവിടേണ്ടിയും വന്നു. കഴിഞ്ഞ മൂന്നു മാസമായി രോഗം മൂര്‍ദ്ധന്യാവസ്ഥയിലാണെന്നും അദ്ദേഹം പറഞ്ഞു.

വിജയന്‍ കാരന്തൂര്‍ ഫെയ്‌സ്ബുക്കിലൂടെ പങ്കുവെച്ച കുറിപ്പിലൂടെ ആണ് ഈ കാര്യം പറഞ്ഞത്.

കുറിപ്പിന്റെ പൂര്‍ണ്ണ രൂപം ഇങ്ങനെ. പ്രിയപ്പെട്ടവരേ , കഴിഞ്ഞ അഞ്ചു വര്‍ഷമായി ഞാന്‍ ഗുരുതരമായ കരള്‍ രോഗത്താല്‍ ബുദ്ധിമുട്ടനുഭവിച്ചു വരികയാണ്. ചികിത്സക്കായി നല്ലൊരുതുക ചെലവിടേണ്ടിയും വന്നു. കഴിഞ്ഞ മൂന്നു മാസമായി രോഗം മൂര്‍ദ്ധന്യാവസ്ഥയിലാണ്. ലിവര്‍ ട്രാന്‍സ് പ്ലാന്റേഷന്‍ മാത്രമാണ് ഏക പോംവഴി. ഒരു കരള്‍ ദാതാവിനെ കണ്ടെത്തുക എന്ന ഏറെ ശ്രമകരമായ ദൗത്യത്തില്‍ . തട്ടി എന്റെ ശുഭാപ്തിവിശ്വാസം തകര്‍ന്നടിയുന്നു. ആയതിനാല്‍ ഇത് സ്വന്തം കാര്യമായെടുത്തു കൊണ്ടു ഒരു ദാതാവിനെ കണ്ടെത്താന്‍ എന്നെ സഹായിക്കുകയും, എന്നെ ജീവിതത്തിലേക്കു തിരിച്ചു കൊണ്ടുവരികയും ചെയ്യണമെന്ന് നിറകണ്ണുകളോടെ ഞാനപേക്ഷിക്കുന്നു എന്നാണ് നടന്‍ ഫേയ്‌സ്ബുക്കില്‍ കുറിച്ചത്.