സത്യം പറഞ്ഞാല്‍ ഗോപിക ചേട്ടന് ഒട്ടും ചേരില്ല; ഭാര്യയെ വിമര്‍ശിച്ചയാള്‍ക്ക് മറുപടി കൊടുത്ത് നടന്‍ നിരഞ്ജന്‍

സോഷ്യല്‍ മീഡിയ വഴി തന്റെ ഭാര്യയെ വിമര്‍ശിച്ച് ആള്‍ക്ക് ചുട്ട മറുപടി കൊടുത്ത് നടന്‍ നിരഞ്ജന്‍ നായര്‍. എന്റെ ഭാര്യക്ക് അവളുടേതായ സൗന്ദര്യമുണ്ട്, എനിക്കും ഇഷ്ടമാണ്, ഭാര്യയേ കുറച്ച് അഭിപ്രായം പറയാന്‍ നിങ്ങള്‍ ആരാണെന്ന് നിരഞ്ജന്‍ ചോദിക്കുന്നു.

‘സത്യം പറഞ്ഞാല്‍ ഗോപിക ചേട്ടന് ഒട്ടും ചേരില്ല. അവരെ കാണാന്‍ അശ്ലീലമായും പ്രായമായതായും തോന്നുന്നു. നിങ്ങള്‍ക്ക് കുറച്ച് കൂടെ നല്ല ഒരാളെ കിട്ടും. നിങ്ങളെ കാണാന്‍ നല്ല ഭംഗിയാണ്. ഒന്നും തോന്നരുത്, പറയാതിരിക്കാന്‍ പറ്റുന്നില്ല. നിങ്ങളുടെ ലുക്കിന് ഗോപിക ഒട്ടും സ്യൂട്ട് അല്ല. അവരുടെ സ്വഭാവം അറിയില്ല കേട്ടോ. ലുക്കിന്റെ കാര്യം പറഞ്ഞതാ. ഒരുമിച്ച് കാണുമ്പോള്‍ ശരിക്കും ചേട്ടന്റെ കാര്യം ആലോചിച്ച് സങ്കടം വരുവാ’ എന്നാണ് ഒരു ആരാധകന്‍ എന്ന് പറയുന്ന ആളിന്റെ വിലാപം.

പ്രസവത്തിന് ശേഷം ഏതൊരു സ്ത്രീയുടെയും ശരീരം ഒന്ന് ഷേപ്പ്ലെസ്സ് ആകും. ഒരു അമ്മ ആകാന്‍ അവള്‍ ചെയ്ത ത്യാഗം തന്നെ അതാണ്. ഗെറ്റ് ലോസ്റ്റ്’- എന്നാണ് നിരഞ്ജന്റെ മറുപടി. ഏത് നൂറ്റാണ്ടിലാ ജീവിയ്ക്കുന്നത് എന്ന് ചോദിച്ചുകൊണ്ടാണ് ചാറ്റിന്റെ സ്‌ക്രീന്‍ പ്രിന്റ് നിരഞ്ജന്‍ നായര്‍ സോഷ്യല്‍ മീഡിയയില്‍ പങ്കുവച്ചത്.

അഭിനയരംഗത്ത് സജീവമാണ് നിരഞ്ജന്‍. സോഷ്യല്‍ മീഡിയ വഴി തന്റെ കുടുംബവിശേഷം പങ്കുവെച്ചും ഈ താരം എത്താറുണ്ട്. ഈയടുത്താണ് തന്റെ ജീവിതത്തിലേക്ക് ഒരു കുഞ്ഞ് അതിഥി എത്തിയ സന്തോഷവും നിരഞ്ജന്‍ പങ്കുവെച്ചത്.