കോഴിക്കോട്/തൃശൂര്: സംസ്ഥാനത്ത് വന്യജീവി ആക്രമണത്തില് രണ്ടു പേര്ക്ക് ദാരുണാന്ത്യം. കോഴിക്കോട് കക്കയത്തും തൃശൂര് പെരിങ്ങല്കുത്തിലുമാണ് വന്യജീവി ആക്രമണം ഉണ്ടായത്.
കോഴിക്കോട് കക്കയത്ത് കാട്ടുപോത്ത് ആക്രമണത്തില് കര്ഷകനും തൃശൂര് പെരിങ്ങല്കുത്തില് കാട്ടാന ആക്രമണത്തില് സ്ത്രീയുമാണ് കൊല്ലപ്പെട്ടത്.
പെരിങ്ങല്ക്കുത്തിന് സമീപം വാച്ചുമരം കോളനിയിലെ സ്ത്രീയെ ആണ് കാട്ടാന ചവിട്ടിക്കൊന്നത്. വാച്ചുമരം കോളനിയില് ഊരുമൂപ്പന്റെ രാജന്റെ ഭാര്യ വത്സല (64) ആണ് മരിച്ചത്.
കോഴിക്കോട് കക്കയത്ത് കാട്ടുപോത്തിന്റെ ആക്രമണത്തില് ഗുരുതരമായി പരിക്കേറ്റ കര്ഷകനാണ് മരിച്ചത്. കക്കയം സ്വദേശിയും കര്ഷകനുമായ പാലാട്ടില് എബ്രഹാം എന്ന അവറാച്ചന് ആണ് മരിച്ചത്.
കക്കയം ഡാം സൈറ്റിന് സമീപത്തെ കൃഷിയിടത്തില് കൊക്കൊ പറിച്ചുകൊണ്ടിരിക്കെയാണ് എബ്രഹാമിനെ കാട്ടുപോത്ത് ആക്രമിച്ചത്. ആക്രമണത്തില് ഗുരുതരമായി പരിക്കേറ്റ എബ്രഹാമിനെ കോഴിക്കോട് മെഡിക്കല് കോളേജ് ആശുപത്രിയിലെത്തിക്കുകയായിരുന്നു.
കോഴിക്കോട് മെഡിക്കല് കോളേജ് ആശുപത്രിയില് വെച്ചാണ് എബ്രഹാം മരിച്ചത്. മൃതദേഹം കോഴിക്കോട് മെഡിക്കല് കോളേജില് സൂക്ഷിച്ചിരിക്കുകയാണ്. മരണത്തില് നാട്ടുകാര് പ്രതിഷേധവുമായി രംഗത്തെത്തി.
ഇന്നലെയും കക്കയത്തിന് സമീപമുള്ള കൂരാച്ചുണ്ട് കല്ലാനോട് ഭാഗത്തെ ജനവാസ മേഖലയില് കാട്ടുപോത്ത് ഇറങ്ങിയിരുന്നു. കാട്ടുപോത്ത് ആക്രമണത്തില് കക്കയത്ത് കര്ഷകന് കൊല്ലപ്പെട്ടതില് പ്രതിഷേധിച്ച് കൂരാച്ചുണ്ട് പഞ്ചായത്തില് നാളെ യുഡിഎഫും എല്ഡിഎഫും ഹര്ത്താലിന് ആഹ്വാനം ചെയ്തു.
കക്കയം ഫോറസ്റ്റ് ഓഫീസിന് മുന്നില് പ്രതിഷേധവുമായി യൂത്ത് കോണ്ഗ്രസ് രംഗത്തെത്തി.
അതേസമയം കാട്ടില് വനവിഭവങ്ങള് ശേഖരിക്കാന് പോയപ്പോഴായിരുന്നു വത്സലയ്ക്ക് നേരെ കാട്ടാനയുടെ ആക്രമണം. ഇവരുടെ മൃതദേഹം ചാലക്കുടി താലൂക്ക് ആശുപത്രിയിലേക്ക് മാറ്റി.
സംഭവത്തില് ചാലക്കുടി താലൂക്ക് ആശുപത്രിക്ക് മുന്നില് പ്രതിഷേധവുമായി കോണ്ഗ്രസ് രംഗത്തെത്തി. പോസ്റ്റ്മോര്ട്ടം ചാലക്കുടിയില് തന്നെ നടത്തണം, മതിയായ നഷ്ടപരിഹാരം വേണം, വനവിഭവങ്ങള് ശേഖരിക്കാന് പോകുന്ന ആദിവാസികള്ക്ക് ആര്ആര്ടി സംരക്ഷണം വേണം തുടങ്ങിയ ആവശ്യങ്ങളുന്നയിച്ച് ചാലക്കുടി എം.പി ബന്നി ബഹ്നാന് ,എം എല് എ സനീഷ് കുമാര് ജോസഫ് എന്നിവരുടെ നേതൃത്വത്തിലാണ് പ്രതിഷേധം.
ഇതിനിടെ, സംഭവത്തിഷ പ്രതിഷേധിച്ച് ആതിരപ്പിള്ളിയില് നാളെ കോണ്ഗ്രസിന്റെ നേതൃത്വത്തില് കരിദിനമായി ആചരിക്കും. കടകള് അടച്ചിട്ടായിരിക്കും കരിദിനം ആചരിക്കുക.
കോഴിക്കോടും തൃശൂരിലും വലിയ രീതിയിലുള്ള പ്രതിഷേധമാണ് രണ്ട് സംഭവങ്ങളിലായി ഉണ്ടായത്.
ബിഗ് ബോസ് ആറാമത്തെ സീസൺ ഇപ്പോൾ വളരെ വിജയകരമായി മുന്നോട്ടു പോയിക്കൊണ്ടിരിക്കുകയാണ്. ഇപ്പോൾ ഫാമിലി വീക്ക് ആണ് നടന്നുകൊണ്ടിരിക്കുന്നത്. ഞായറാഴ്ച…
മലയാളികൾ വളരെ വേദനയോടെ ആയിരുന്നു കൊല്ലം സുധിയുടെ വിയോഗ വാർത്ത കേട്ടത്. ഇപ്പോൾ ഇദ്ദേഹത്തിന്റെ വിയോഗം നടന്നിട്ട് ഒരു വർഷം…
സോഷ്യൽ മീഡിയ മുഴുവനും ഇപ്പോൾ സംസാരിക്കുന്നത് ജാസ്മിന്റെ ഫാമിലി ബിഗ്ബോസിൽ വന്നതാണ്.ജാസ്മിന്റെ ഫാമിലി എപ്പിസോഡിൽ ജാസ്മിനെക്കാൾ ഇപ്പോൾ തകർത്തത് ഉപ്പയാണെന്ന്…
ബിഗ്ബോസിൽ ഇപ്പോൾ ഫാമിലി വീക്ക് ആണ്.ജാസ്മിന്റെ കുടുംബം എത്തുമ്പോൾ എങ്ങനെയായിരിക്കും കുടുംബത്തിന്റേയും ജാസ്മിന്റേയും പ്രതികരണം എന്ന് അറിയാനുള്ള ആകാംക്ഷയിലാണ് പ്രേക്ഷകർ.…
സിനിമാ താരങ്ങളുടെ വർക്കൗട്ട് വീഡിയോകൾ എല്ലാം കാണാൻ മലയാളികൾക്ക് ഒരു പ്രത്യേക കൗതുകം തന്നെയാണ്. ഇതിനുള്ള കാരണം എന്താണെന്ന് വെച്ചാൽ…
മലയാളികൾക്കിടകം ഏറെ പ്രിയപ്പെട്ട താരങ്ങളിൽ ഒരാളാണ് നടി ശാന്തി വില്യംസ്. യഥാർത്ഥത്തിൽ ഒരു തമിഴ് നടി ആണ് ഇവർ. കുറച്ചു…