പ്രസവാവധി എടുക്കാൻ പോവുകയാണ് താനെന്ന് വിരാട് കോഹ്ലി, ആദ്യം പരിഹസിച്ചും പിന്നീട് കയ്യടിച്ചും സോഷ്യൽ മീഡിയ

ക്രിക്കറ്റ് ലോകത്തെ യുവ ഇതിഹാസങ്ങളിൽ ഒരാളാണ് വിരാട് കോഹ്ലി. ഒരു ക്രിക്കറ്റ് താരം മാത്രമല്ല, പാൻ ഇന്ത്യൻ സെലിബ്രിറ്റി കൂടിയാണ് വിരാട്. താരത്തിൻറെ ജീവിതത്തിലെ വിശേഷങ്ങൾ എല്ലാം തന്നെ ഇന്ത്യയിലുടനീളം ഉള്ള ആളുകൾ ഏറ്റെടുക്കാർ ഉണ്ട്. ഇപ്പോൾ താരം നടത്തിയ ഒരു പ്രഖ്യാപനമാണ് സമൂഹ മാധ്യമങ്ങളിൽ ചൂടുപിടിച്ച ചർച്ചയായി മാറിയിരിക്കുന്നത്.

ബോളിവുഡ് താരം കൂടിയായ അനുഷ്ക ശർമയാണ് വിരാട് കോഹ്‌ലിയുടെ ഭാര്യ. ഇരുവരും അവരുടെ ആദ്യ കുഞ്ഞിനെ വരവേൽക്കാൻ ഒരുങ്ങുകയാണ്. അടുത്ത വർഷം ജനുവരിയിൽ ആയിരിക്കും കുഞ്ഞു പിറക്കുന്നത് എന്നാണ് ഇരുവരും അറിയിച്ചിരിക്കുന്നത്. ഇപ്പോൾ ഇതിനെ സംബന്ധിച്ച ഒരു തീരുമാനമാണ് വിരാട് കോഹ്ലി മാധ്യമങ്ങളിൽ പങ്കുവെച്ചത്.

കുഞ്ഞു പിറന്നു കഴിഞ്ഞാൽ താൻ കുറച്ചുദിവസത്തേക്ക് പ്രസവാവധി എടുക്കും എന്നായിരുന്നു വിരാട് കോഹിലി നടത്തിയ പ്രഖ്യാപനം. താൻ ഏറെ നാളായി കാത്തിരിക്കുന്ന ദിവസമാണ് വരാൻ പോകുന്നത്. ഒരു അച്ഛനായി മാറുക എന്നത് ഏതൊരു വ്യക്തിയുടെയും ജീവിതത്തിലെ ഏറ്റവും മനോഹരമായ മുഹൂർത്തങ്ങളിൽ ഒന്നാണ്, എനിക്ക് അതിൻറെ പൂർണ്ണതയിൽ അനുഭവിക്കണം. പ്രസവാവധി എടുക്കാൻ തീരുമാനിച്ചിരിക്കുന്നത് – വിരാട് കോഹ്‌ലി മാധ്യമങ്ങളോട് പറഞ്ഞു.

താരത്തിൻ്റെ ഈ തീരുമാനം കേട്ടപ്പോൾ സമൂഹമാധ്യമങ്ങളിൽ ആദ്യം എല്ലാവരും പരിഹസിക്കുകയാണ് ചെയ്തത്. പ്രസവാവധി എടുക്കാൻ നിങ്ങളാണോ പ്രസവിക്കുന്നത്? എന്ന തരത്തിലുള്ള മണ്ടൻ ചോദ്യങ്ങളായിരുന്നു സമൂഹമാധ്യമങ്ങളിൽ ആദ്യം നിറഞ്ഞത്. എന്നാൽ പിന്നീട് ധാരാളമാളുകൾ താരത്തെ സപ്പോർട്ട് ചെയ്തു കൊണ്ട് എത്തി. താരത്തിൻറെ ഈ തീരുമാനം വളരെ മികച്ചത് ആണെന്നും എല്ലാവർക്കും ഇത് മാതൃകയാക്കാവുന്നതാണ് ആണെന്നുമാണ് ഇപ്പോൾ ഉയരുന്ന അഭിപ്രായങ്ങൾ.