”എനിക്കെതിരെ കേസ് വേണം”: ചാണ്ടി ഉമ്മന്റെ ദയ വേണ്ടെന്ന് വിനായകൻ, പുതിയ പോസ്റ്റുമായി നടൻ

അന്തരിച്ച മുന്‍ മുഖ്യമന്ത്രി ഉമ്മന്‍ചാണ്ടിയെ അധിക്ഷേപിച്ചു എന്ന ആരോപണത്തിൽ നടൻ വിനായകന് എതിരെ വലിയ വിമർശനം ആയിരുന്നു എത്തിയത്.

സിനിമ രാഷ്ട്രീയ സാംസ്‌കാരിക രംഗത്തെ നിരവധി പേര് വിനായകനെ വിമർശിച്ചു രംഗത്ത് എത്തിയിരുന്നു.

തുടർന്ന് നടനെതിരെ കോണ്‍ഗ്രസ് പ്രവര്‍ത്തകര്‍ കേസ് നല്‍കിയിരുന്നു. എന്നാല്‍ കേസ് എടുക്കണ്ടെന്ന് ചാണ്ടി ഉമ്മന്‍ വ്യക്തമാക്കിയിരുന്നു. തന്റെ പിതാവ് ഉണ്ടായിരുന്നെങ്കിലും ഇത് തന്നെയാകും പറയുക എന്നായിരുന്നു ചാണ്ടി ഉമ്മന്‍ പറഞ്ഞത്.

ഇപ്പോഴിതാ, തനിക്കെതിരെ കേസ് എടുക്കണം എന്ന് പറയുകയാണ് വിനായകന്‍ ഇപ്പോള്‍. സോഷ്യൽ മീഡിയ പോസ്റ്റിലൂടെ ആയിരുന്നു വിനായകൻ ഇങ്ങനെ പറഞ്ഞത്.

”എനിക്കെതിരെ കേസ് വേണം” എന്നാണ് വിനായകന്‍ ഫെയ്‌സ്ബുക്കില്‍ കുറിച്ചിരിക്കുന്നത്. വിനായകന് എതിരെ കേസ് എടുക്കണ്ട എന്ന് ചാണ്ടി ഉമ്മന്‍ പറയുന്ന വാര്‍ത്തയുടെ സ്‌ക്രീന്‍ ഷോട്ട് പങ്കുവച്ചാണ് വിനായകന്‍ രംഗത്തെത്തിയിരിക്കുന്നത്.

ഈ പോസ്റ്റ്‌ സോഷ്യൽ മീഡിയയിൽ ശ്രദ്ധ നേടുകയാണ്. അതേസമയം മുൻ മുഖ്യമന്ത്രി ഉമ്മൻ ചാണ്ടി അന്തരിച്ചപ്പോഴായിരുന്നു വിനായകന്റെ വിവാദ പരാമർശം.

ആരാണ് ഉമ്മൻ ചാണ്ടി, എന്തിനാണ് മൂന്ന് ദിവസം അവധി. ഉമ്മൻ ചാണ്ടി ചത്തു എന്നായിരുന്നു വിനായകൻ ഫേസ്ബുക് ലൈവ് എത്തി പറഞ്ഞത്.

വിമർശനം ഉയർന്നത്തോടെ നടൻ ഈ വീഡിയോ പിൻവലിച്ചിരുന്നു. എന്നാൽ കൊണ്ഗ്രെസ്സ് വിനായകന് എതിരെ കേസ് കൊടുത്തിരുന്നു.

എന്നാൽ വിനായകനെതിരെ കേസ് വേണ്ടെന്നും തന്റെ പിതാവ് ഉണ്ടായിരുന്നെങ്കിലും ഇതു തന്നെ പറയുമായിരുന്നു എന്നുമാണ് ചാണ്ടി ഉമ്മന്‍ പറഞ്ഞത്. ”ഒന്നും ചെയ്യരുത്. വിനായകനെതിരെ കേസെടുക്കരുത്. എന്റെ പിതാവ് എന്താണ് ചെയ്തിട്ടുള്ളതെന്ന് എല്ലാവര്‍ക്കുമറിയാം.”

”ഏതെങ്കിലും ഒരു നിമിഷത്തില്‍ എന്തെങ്കിലും പറഞ്ഞെന്ന് വെച്ച് കാര്യമാക്കേണ്ട ആവശ്യമില്ല. ആരും വിനായകനോട് റഫായി പെരുമാറരുത്.

കേസെടുത്ത് എന്ന് പറയുന്നു, അങ്ങനെ ഉണ്ടെങ്കില്‍ അതും ശരിയല്ല. പിതാവ് ഉണ്ടെങ്കിലും ഇതേ പറയൂ” എന്നാണ് ചാണ്ടി ഉമ്മന്‍ പറഞ്ഞിരുന്നത്.