എന്റെ ഭാര്യയോട് മാത്രം തോന്നുന്ന ഒന്നല്ല എനിക്ക് പ്രണയം. നമുക്ക് എല്ലാത്തിനോടും പ്രണയം വരാം. കോടികൾ നഷ്ടമായി റോഡിൽ ഇറങ്ങിയ അവസ്ഥയുണ്ടായിരുന്നു

മലയാളികൾക്ക് സുപരിചിതമായ താരമാണ് വിജയ് ബാബു.അദ്ദേഹം പ്രണയത്തെ കുറിച്ച് സംസാരിച്ച കാര്യങ്ങളാണ് ഇപ്പോൾ ശ്രദ്ധേയം. അദ്ദേഹത്തിന്റെ വാക്കുകൾ ഇങ്ങനെയാണ്,പ്രണയം എന്നത് ഒരു വാക്കാണ്. നമ്മൾ ഖൽബ് എന്ന് പറയുന്ന പോലെ തന്നെ ഉള്ള ഒരുവാക്കെന്ന് വിജയ് ബാബു. നമുക്ക് എല്ലാത്തിനോടും പ്രണയം വരാം. അമ്മ അച്ഛൻ സഹോദരി എല്ലാവരോടും പ്രണയം, സ്നേഹം വരാം. എന്റെ നിർവചനത്തിൽ പ്രണയം എന്ന് പറഞ്ഞാൽ നമ്മളെ സ്നേഹിക്കുന്നവർക്ക് നല്ലത് വരണം എന്ന് ആഗ്രഹിക്കുന്ന,അവർ സ്നേഹിക്കുന്ന പോലെ അവരെ സ്നേഹിക്കുന്നതാണ്. എന്റെ ഭാര്യയോട് മാത്രം തോന്നുന്ന ഒന്നല്ല എനിക്ക് പ്രണയം, എന്നെ സ്നേഹിക്കുന്ന എല്ലാത്തിനോടും തോന്നുന്ന സ്നേഹം അതുകൂടിയാണ് തന്റെ പ്രണയമെന്നും വിജയ് ബാബു പറയുന്നു.

ഉയർച്ച തഴച്ചകൾ ഒരുപാട് കണ്ടിട്ടുള്ള ആളാണ് ഞാൻ. എന്റെ ഏറ്റവും ചെറിയ പ്രായത്തിൽ എല്ലാം നഷ്ടപെട്ട അവസ്ഥ ഉണ്ടായിട്ടുണ്ട്. ഒരു 26 അല്ലെങ്കിൽ ഇരുപത്തിയേഴോ വയസ്സ് പ്രായം ഉള്ളപ്പോൾ എനിക്ക് എല്ലാം നഷ്ടപ്പെട്ട് റോഡിൽ ഇറങ്ങേണ്ടി വന്നിട്ടുണ്ട്. ദുബായിൽ വച്ചിട്ട്. അവിടെ നിന്നും തിരിച്ചു കേറുമോ എന്നുപോലും സംശയിച്ചു നിന്നിടത്തുനിന്നും തിരികെ കേറി വന്നിട്ടുണ്ട് ഞാൻ.സെല്ഫ് കോൺഫിഡൻസ് ആണ് ജീവിതത്തിൽ പതറി പോകുന്ന സാഹചര്യങ്ങളിൽ പിടിച്ചു നിർത്തിയത്. ഏറ്റവും വലിയ നഷ്ടം ജീവിതത്തിൽ സംഭവിച്ചത് എന്റെ ഏറ്റവും ചെറിയ പ്രായത്തിൽ ആണ്. ഞാൻ അന്ന് ദുബായിൽ എന്റെ മേജർ ഷോസ് സ്വന്തം പൈസയിൽ പ്ലാൻ ചെയ്യുകയാണ്. ഷോയുടെ തലേ ദിവസം ആണ് കോടികൾ ഇറക്കിയ ഷോ സ്റ്റോപ്പ് ചെയ്യാൻ പറയുന്നത്.

ഇരുപത്തിയേഴാം വയസിൽ എല്ലാം തകർന്നപ്പോൾ നമ്മൾ ആലോചിക്കുന്നത് ഇനി എന്ത് എന്നാണ്. ഞാൻ രണ്ടു രണ്ടര വര്ഷം എടുത്തു അന്നുണ്ടായ നഷ്ടത്തിൽ നിന്നും എല്ലാം തിരികെ പിടിക്കാൻ. വീണ്ടും പോസിറ്റീവ് ആയി, തിരികെ വന്നു. പല ജോലികൾ ചെയ്തിട്ടുണ്ട്, വിട്ടിട്ടുണ്ട്. ദുബായിപ്പോൾ നിന്നും നാട്ടിൽ വരുന്നത് സീറോയിലാണ്.എനിക്ക് ആകെ അറിയുന്നത് എന്റർടെയിൻമെന്റ് ബിസിനെസ്സ് ആണ്. ഞാൻ എന്റെ എം ബി എ കഴിഞ്ഞിട്ട് നേരെ ജോയിൻ ചെയ്യുന്നത് സ്റ്റാർ ടിവിയിൽ ആണ്. അവിടെ നിന്നും പല പല ചാനലുകൾ, വ്യത്യസ്ത ഭാഷകൾ ഒക്കെയും വർക്ക് ചെയ്തിട്ടുണ്ട്. പല രീതിയിൽ ഉള്ള അനുഭവങ്ങൾ ജീവിത്തിൽ ഉണ്ടായിട്ടുണ്ട്.