‘വിജയ്’ ‘വിജയിക്കുമോ’ എന്ന് കണ്ടറിയണം;ലോകം എങ്ങും ആരാധകരുണ്ടായിരുന്ന ശിവാജി ഗണേശന് പോലും രാഷ്ട്രീയത്തില്‍ വിജയിക്കാനായില്ല; ഡിഎംകെ

നടന്‍ വിജയിയുടെ രാഷ്ട്രീയ പ്രവേശനത്തില്‍ ആശങ്കയിലെന്ന് ഡിഎംകെ. ലോകം എങ്ങും ആരാധകരുണ്ടായിരുന്ന ശിവാജി ഗണേശന് പോലും രാഷ്ട്രീയത്തില്‍ വിജയിക്കാനായില്ലെന്നും വിജയ് വിജയിക്കുമോ എന്ന് കണ്ടറിയണമെന്നും ഡിഎംകെ വ്യക്താവ് ഇളങ്കോവന്‍ പറഞ്ഞു.

വിജയിയുടെ രാഷ്ട്രീയ പ്രവേശനത്തെ സ്വാഗതം ചെയ്യുന്നു. തമിഴ്‌നാട്ടില്‍ നിരവധി താരങ്ങള്‍ രാഷ്ട്രീയത്തിലേക്ക് എത്തിയിട്ടുണ്ട്.നിരവധി താരങ്ങള്‍ തങ്ങളുടെ പാര്‍ട്ടി രൂപികരിച്ചിട്ടുണ്ട്. ഇതില്‍ എല്ലാവരും വിജയിച്ചിട്ടില്ല. കാരണം രാഷ്ട്രീയ പാര്‍ട്ടി തുടങ്ങുക എന്നാല്‍ എളുപ്പമുള്ള കാര്യമല്ല എന്നാണ് ഇളങ്കോവന്‍ പറയുന്നത്.

ഡിഎംകെയ്ക്ക് ആശങ്കയില്ല. കാരണം 1949 മുതല്‍ പല ഉയര്‍ച്ചകളും താഴ്ചകളും പാര്‍ട്ടി കണ്ടിട്ടുണ്ട്. അതുകൊണ്ട് ഒരു പുതിയ പാര്‍ട്ടി വന്നത് കൊണ്ട് ഡിഎംകെയ്ക്ക് ആശങ്കയില്ല.

ലോക്‌സഭ ഇലക്ഷനില്‍ മത്സരിക്കില്ല എന്ന് വിജയ് പറഞ്ഞിട്ടുണ്ട്. നിയമ സഭ ഇലക്ഷന് ഇനിയും രണ്ട് വര്‍ഷങ്ങളുണ്ട്. അപ്പോഴെക്കും കാര്യങ്ങള്‍ എങ്ങനെ പോകുമെന്ന് നോക്കാം എന്നും ഇളങ്കോവന്‍ പറഞ്ഞു.

ലോകം എങ്ങും ആരാധകരുണ്ടായിരുന്ന ശിവാജി ഗണേശന് പോലും രാഷ്ട്രീയത്തില്‍ വിജയിക്കാനായില്ലെന്നും വിജയ് വിജയിക്കുമോ എന്ന് കണ്ടറിയണമെന്നും ഡിഎംകെ വ്യക്താവ് ഇളങ്കോവന്‍ പറഞ്ഞു.