സാന്ദ്ര അത് ഫോളോ ചെയ്യണം എന്നാണ് എനിക്കും പറയാനുള്ളത് എഗ്രിമെന്റിൽ പറഞ്ഞ പലകാര്യങ്ങളും തെറ്റിച്ചു

മലയാളികൾക്ക് സുപരിചിതമായ മുഖമാണ് വിജയ് ബാബു.താരം പറഞ്ഞ ചില കാര്യങ്ങൾ ഇപ്പോൾ സോഷ്യൽ മീഡിയയിലെല്ലാം നല്ല രീതിയിൽ പ്രചരിക്കുന്നുണ്ട്.പലരും സാന്ദ്രയുമായുള്ള വിഷയത്തെക്കുറിച്ച് തന്നോട് സംസാരിച്ചിട്ടുണ്ടെന്ന്ും അപ്പോൾ താൻ നോ കമന്റ്സ് എന്നാണ് പറയാറുള്ളതെന്നും താരം പറയുന്നുണ്ട്.നമ്മൾ തമ്മിൽ ദീർഘകാലത്തെ ബന്ധമൊന്നുമില്ല. സാന്ദ്ര സിനിമയുടെ പ്രമോഷന്റെ ഭാഗമായി നടത്തിയ പ്രസ്താവനകളോട് പ്രതികരിക്കുകയായിരുന്നു അദ്ദേഹം. യു കെയിൽ ഷൂട്ടിങ് നടന്നു കൊണ്ടിരുന്നപ്പോൾ ആണ് ഇത്തരത്തിലുള്ള അഭിമുഖത്തെക്കുറിച്ച് ഞാൻ കേൾക്കുന്നത്. സാന്ദ്രയുടെ ഏതോ പടത്തിന്റെ പ്രമോഷന്റെ ഭാഗമായി അഭിമുഖങ്ങൾ കൊടുത്തതിന്റെ ഇടയിൽ പല സ്ഥലത്തും എന്റെ പേരും വന്നു.മറ്റൊന്ന്,അത്തരത്തിലുള്ള സംഭവങ്ങൾ കേട്ടാലോ, കണ്ടാലോ ഞാൻ അതിനെക്കുറിച്ചൊന്നും ചിന്തിക്കാറില്ല എന്നുള്ളതാണ്. ഞാൻ നോ കമന്റസ് എന്ന് പറഞ്ഞു വിട്ടുകളഞ്ഞ കാര്യങ്ങളാണ്.

പിന്നെ സോഷ്യൽ മീഡിയ തുറക്കുമ്പോ, റീൽസുകളിലൂടെ പലതും കാണാറുണ്ട്. ഹെഡ്‌ലൈനിൽ എന്റെ പേര് കണ്ടുനോക്കുമ്പോൾ മുപ്പതു സെക്കന്റിനുള്ളിൽ ഒറ്റ ഡയലോഗ് ആണ്. നമ്മൾ ചിലപ്പോൾ അതിന്റെ പ്രീ സംഭവങ്ങൾ ഒന്നും അറിയുന്നുണ്ടാകില്ല. അപ്പോൾ നമ്മളും ചിന്തിക്കും ഇതെന്താണ് ഇങ്ങനെ പറഞ്ഞതെന്ന്.ഇതിന്റെയൊക്കെയിടയിലൂടെയാകും ഇതിനെക്കുറിച്ച് എന്താണ് അഭിപ്രായം എന്ന് തേടി ചിലർ വിളിക്കുന്നത്.അതെ സമയം 2016 ൽ ഞങ്ങൾ പാർട്ണർഷിപ്പ് പിരിഞ്ഞതാണ്. എട്ടുവർഷമായി ഞാനും സാന്ദ്രയും പിരിഞ്ഞിട്ട്. പതിനാലു പടങ്ങൾ അതിനുശേഷം ഫ്രൈഡേ ഫിലിംസ് ചെയ്തു. എന്റെ ഏറ്റവും വലിയ ഹിറ്റുകൾ ഒക്കെയും അതിനുശേഷം ഉള്ളതാണ്. അങ്കമാലി ഡയറീസും, ആടും തുടങ്ങി ഹോം വരെ എത്തിനിൽക്കുന്ന ഹിറ്റുകൾ ഒക്കെയും അതിനുശേഷം വന്നതാണ്.

എനിക്ക് ആലോചിക്കാൻ ഒരുപാട് കഥകൾ ഉണ്ട്. സാന്ദ്ര അതിനുശേഷം സിനിമ ചെയ്തിട്ടില്ല. ഒരു ഇന്റർവ്യൂവിന് പോയിരിക്കുമ്പോൾ പഴയ കാര്യങ്ങൾ മാത്രമേ അവതാരകന് സാന്ദ്രയോട് ചോദിയ്ക്കാൻ ഉള്ളൂ.പുതിയത് ഒന്നുമില്ല. സാന്ദ്രയും ഭർത്താവും കൂടി ചെയ്യുന്ന ഒരു പടം ഇപ്പോഴാണ്, ഒറ്റയ്ക്ക് സാന്ദ്ര ഒന്നും ചെയ്തിട്ടില്ല. കണ്ടന്റുകൾ ഇല്ലാത്തതുകൊണ്ടുള്ള പ്രശ്നം ആണെന്ന് തോനുന്നു. 2016 ൽ നമ്മൾ കമ്പനിയെ പാർട്ടീഷ്യൻ ചെയ്തതാണ്.മറ്റൊന്ന്,ഇതുസംബന്ധിക്കുന്ന കാര്യങ്ങൾ മീഡിയക്ക് മുൻപിൽ രണ്ടുപേരും ഒന്നും പറയില്ല എന്ന് തീരുമാനിച്ചതുമാണ്. അത് ഞാൻ പാലിക്കുന്നതാണ്. സാന്ദ്ര അത് ഫോളോ ചെയ്യണം എന്നാണ് എനിക്കും പറയാനുള്ളത്. ഞാൻ ആ എഗ്രിമെന്റിൽ പറഞ്ഞിരിക്കുന്ന കാര്യങ്ങൾ കൃത്യമായി ഫോളോ ചെയ്യുന്ന ആളാണ്. ഒരു എഗ്രിമെന്റ് നമ്മൾ വയ്ക്കുമ്പോൾ അതിലുള്ള എല്ലാവർക്കും അത് ബാധകമാണ്. എന്നോട് ആരെങ്കിലും എന്തെങ്കിലും ചോദിച്ചാൽ നോ കമന്റ്സ് എന്ന് മാത്രമാണ് പറഞ്ഞിട്ടുള്ളത്.