വിജയ്ക്കെതിരെ കോടതി നടത്തിയ പരാമർശം, ജഡ്ജിക്കെതിരെ അപ്പീൽ നൽകാൻ ഒരുങ്ങി വിജയ്, പറയുന്ന കാരണം ഇങ്ങനെ

കുറച്ചു ദിവസങ്ങൾക്ക് മുമ്പായിരുന്നു മദ്രാസ് ഹൈക്കോടതി നടൻ വിജയ്ക്കെതിരെ രൂക്ഷമായ വിമർശനം നടത്തിയത്. സിനിമാതാരങ്ങൾ റീൽ ഹീറോകൾ മാത്രമാകരുത് എന്നായിരുന്നു മദ്രാസ് ഹൈക്കോടതി നടത്തിയ വിമർശനം. യുകെയിൽ നിന്നും ഇറക്കുമതി ചെയ്ത ആഡംബര വാഹനത്തിന് ലൈഫ് ടൈം ടാക്സ് കെട്ടിയതിനു ശേഷം ആയിരുന്നു വിജയ് നികുതി ഇളവ് ആവശ്യപ്പെട്ടുകൊണ്ട് ഹർജി സമർപ്പിച്ചത്. മുൻപ് പല വ്യക്തികളും ഇതുപോലെ ഹർജി സമർപ്പിക്കുകയും ടാക്സ് ഇളവ് നേടുകയും ചെയ്തിട്ടുണ്ട്. 2012 വർഷത്തിൽ വിജയ് സമർപ്പിച്ച ഹർജിയാണ് ഇത്.

ഒമ്പതു വർഷങ്ങൾക്കു ശേഷമാണ് കേസിൽ വിധി വരുന്നത് എന്നതുതന്നെ ജുഡീഷ്യറിക്ക് നാണക്കേട് ഉണ്ടാക്കുന്നതാണ്. എന്നാൽ വിധിയിൽ അനാവശ്യ പരാമർശങ്ങൾ ആണ് ജഡ്ജി നടത്തിയത്. എസ് എം സുബ്രഹ്മണ്യൻ ആണ് ഇത്തരത്തിലൊരു പരാമർശം നടത്തിയത്. എന്നാൽ ഹർജിയിൽ ഒരിടത്തുപോലും വിജയ്‌യുടെ പ്രൊഫഷൻ എന്താണെന്ന് വെളിപ്പെടുത്തുന്നില്ല. കേവലം ഒരു ഇന്ത്യൻ സിറ്റിസൺ എന്ന നിലയിലാണ് നികുതിയിളവ് ആവശ്യപ്പെട്ടത്. ഇതിന് ആയിരുന്നു ജഡ്ജി ഒരു ലക്ഷം രൂപ പിഴ ഇടുകയും ഹർജി തള്ളിക്കളയുകയും ചെയ്തത്. ഇപ്പോൾ ജഡ്ജിയുടെ ഈ പ്രസ്താവനയ്ക്ക് എതിരെ ആണ് താരം അപ്പീൽ നൽകിയിരിക്കുന്നത്.

തനിക്കെതിരെ ജഡ്ജി നടത്തിയ പരാമർശം വ്യക്തിപരമാണെന്നും അനാവശ്യമാണെന്നും ചൂണ്ടിക്കാണിച്ചു കൊണ്ടാണ് താരം അപ്പീൽ പോകാൻ തീരുമാനിച്ചത്. വിജയ്‌യുടെ ലീഗൽ ടീമാണ് ഇതുസംബന്ധിച്ച വിവരം മാധ്യമങ്ങളെ അറിയിച്ചത്. ഈ കേസ് കഴിഞ്ഞ ദിവസം കോടതിയിൽ പരിഗണിക്കുകയും എന്നാൽ ഒറിജിനൽ ജഡ്ജ്മെൻറ് കോപ്പി സമർപ്പിക്കാത്തതു കൊണ്ട് മറ്റൊരു ദിവസത്തിലേക്ക് കേസ് മാറ്റിവയ്ക്കുകയും ആണ് ചെയ്തത്. ഈ റിവ്യൂ ഹർജിയിൽ അനുകൂല തീരുമാനം ആണ് താരം പ്രതീക്ഷിക്കുന്നത്.

ബീസ്റ്റ് എന്ന ചിത്രത്തിലാണ് താരം ഇപ്പോൾ അഭിനയിച്ചു വരുന്നത്. നയൻതാര കേന്ദ്രകഥാപാത്രത്തെ അവതരിപ്പിച്ച കോലമാവ് കോകില എന്ന ചിത്രം സംവിധാനം ചെയ്തത് നെൽസൺ ദിലീപ് കുമാർ ആണ് ചിത്രം സംവിധാനം ചെയ്യുന്നത്. സിനിമയുടെ ആദ്യ ഷെഡ്യൂൾ ചിത്രീകരണം മാത്രമാണ് ഇതുവരെ പൂർത്തിയായത്. അമേരിക്കയിലായിരുന്നു ആദ്യ ഷെഡ്യൂൾ ചിത്രീകരണം നടന്നത്. രണ്ടാം ഷെഡ്യൂൾ ചെന്നൈയിൽ ആരംഭിക്കാൻ ഇരിക്കുകയാണ്. അടുത്തവർഷം പൊങ്കലിന് ആയിരിക്കും ചിത്രം തിയേറ്ററുകളിലെത്തുമെന്നാണ് ലഭിക്കുന്ന സൂചനകൾ.