ഇന്നാണ് നടി നയന്താരയുടെ പിറന്നാള്. 39 ജന്മദിനം ആഘോഷിക്കുന്ന നയന് ആശംസകള് അറിയിച്ച് നിരവധി പേരാണ് എത്തുന്നത്. പ്രിയതമയ്ക്ക് പിറന്നാള് ആശംസ അറിയിച്ച് വിഘ്നേശ് ശിവനും എത്തി. ഒന്നിച്ച് ആഘോഷിക്കുന്ന ഒന്പതാമത്തെ പിറന്നാളാണ് ഇതെന്ന് വിഘ്നേശ് കുറിക്കുന്നു.
കൂടുതല് പ്രത്യേകതയുളള പിറന്നാളാണ് ഇതെന്നും അതിന് കാരണം തങ്ങള് ഇപ്പോള് ഭാര്യാഭര്ത്താക്കന്മാരാണെന്നും കൂടാതെ രണ്ട് കുഞ്ഞുങ്ങളുടെ മാതാപിതാക്കളാണെന്നും വിഘ്നേശ് പറഞ്ഞു.
View this post on Instagram
”നമ്മള് ഒന്നിച്ച് ആഘോഷിക്കുന്ന നിന്റെ ഒന്പതാമത്തെ പിറന്നാളാണിന്ന്. നിന്നോടൊപ്പമുളള ഒരോ പിറന്നാളും ഏറെ പ്രിയപ്പെട്ടതായിരുന്നു. പക്ഷെ ഇതായിരിക്കും ഏറെ പ്രത്യേകതയുളളത്. കാരണം നമ്മള് ഇന്ന് ഭാര്യാഭര്ത്താക്കന്മാരാണ്. രണ്ടു കുഞ്ഞുങ്ങളുടെ അച്ഛനും അമ്മയുമാണ്. നിന്നെ എനിക്കു വളരെ അടുത്തറിയാം, നീ എത്ര കരുത്തുളളവളാണെന്നും അറിയാം. നിന്റെ ജീവിതത്തിലെ ഓരോ വ്യതിയാനങ്ങളും ഞാന് കണ്ടിട്ടുണ്ട്. പക്ഷെ ഇന്ന് നിന്നെ അമ്മയായിട്ടു കാണുമ്പോള് അതുകൂടുതല് പൂര്ണത നല്കുന്നതായി തോന്നുന്നു.
ഇപ്പോള് നീ അധികം മേക്കപ്പ് ചെയ്യാറില്ല, കാരണം നമ്മുടെ കുട്ടികള് നിനക്കു എപ്പോഴും ഉമ്മ തരുന്നുണ്ടല്ലോ. നിന്റെ മുഖത്തുളള ഈ പുഞ്ചിരി എന്നും ഇങ്ങനെ തന്നെ നിലനില്ക്കട്ടെ.ജീവിതം മനോഹരമാണെന്ന് തോന്നുന്നു… സംതൃപ്തിയും നന്ദിയും. എല്ലാ ജന്മദിനങ്ങളും ഇതുപോലെ സന്തോഷകരമായിരിക്കണമെന്ന് ഞാന് ആഗ്രഹിക്കുന്നു! നമ്മുടെ കുഞ്ഞുങ്ങളോടൊപ്പം”, എന്നാണ് നയന്സിനൊപ്പമുള്ള ചിത്രം പങ്കുവച്ച് വിഘ്നേശ് കുറിച്ചത്.