ഒടുവിൽ വേദികയുടെ കള്ളക്കളികൾ എല്ലാം പൊളിയുന്നു, പണി പറ്റിച്ചത് സമ്പത്ത് – സമ്പത്ത് വേദികയ്ക്ക് നൽകിയ എട്ടിൻ്റെ പണി കണ്ടോ?

മലയാളികൾക്ക് ഏറെ പ്രിയപ്പെട്ട പരമ്പരകളിൽ ഒന്നാണ് കുടുംബ വിളക്ക്. നിരവധി വിമർശനങ്ങൾ ആയിരുന്നു പരമ്പര ആദ്യം സ്വന്തമാക്കിയത്. എല്ലാവരെയും തൃപ്തിപ്പെടുത്തുന്ന തരത്തിലുള്ള പരമ്പര അല്ലായിരുന്നു കുടുംബവിളക്ക്. സ്ഥിരം കണ്ണീർ പരമ്പര ഫോർമാറ്റിൽ ആയിരുന്നു പരമ്പര കഥ പറഞ്ഞത്. എന്നാൽ പിന്നീട് പരമ്പരയിലെ കേന്ദ്രകഥാപാത്രം സുമിത്ര സ്ട്രോങ്ങ് ആവുകയായിരുന്നു. ഇതോടെ ആണ് പരമ്പരയുടെ ജനപ്രിയത വർധിച്ചത്. ഇപ്പോൾ റേറ്റിംഗിൽ രണ്ടാം സ്ഥാനത്ത് ആണ് കുടുംബ വിളക്ക്. സാന്ത്വനം ആണ് ഒന്നാം സ്ഥാനത്ത്. മീരാ വാസുദേവ് എന്ന നടിയാണ് സുമിത്ര എന്ന കേന്ദ്രകഥാപാത്രത്തെ അവതരിപ്പിക്കുന്നത്.

സുമിത്രയുടെ ഭർത്താവ് ആണ് സിദ്ധാർത്. സുമിത്രയിൽ നിന്നും വിവാഹമോചനം നേടി മറ്റൊരു സ്ത്രീയുടെ പിന്നാലെ പോയ വ്യക്തിയാണ് ഇദ്ദേഹം. വേദിക എന്ന സ്ത്രീയെ ആണ് പിന്നീട് ഇയാൾ വിവാഹം ചെയ്തത്. ശരണ്യ ആനന്ദ് എന്ന നടിയാണ് ഈ കഥാപാത്രത്തെ അവതരിപ്പിക്കുന്നത്. എന്നാൽ വിവാഹ ശേഷം സിദ്ദു ആഗ്രഹിച്ചത് പോലെയുള്ള ഒരു ജീവിതമായിരുന്നില്ല ലഭിച്ചത്. സ്വത്തുക്കൾ തട്ടിയെടുക്കുക എന്നത് മാത്രമായിരുന്നു വേദികയുടെ ആവശ്യം. വിവാഹമോചന ശേഷം ആണ് സുമിത്രയുടെ ജീവിതത്തിൽ ഉയർച്ചകൾ ഉണ്ടായത്. സുമിത്രയുടെ മഹത്വം ഇപ്പോൾ മാത്രമാണ് സിദ്ദു മനസ്സിലാക്കുന്നത്. വേദികയുടെ ഉദ്ദേശങ്ങൾ മനസ്സിലാക്കിയതോടെ ഇപ്പോൾ സിദ്ദു മെല്ലെ വേദികയിൽ നിന്നും അകലുകയാണ്. ഇത് വേദികയെ ദേഷ്യം പിടിപ്പിക്കുന്നുണ്ട്.

ഇതിനിടയിൽ സുമിത്ര ഒരു കേസിൽ അകപ്പെട്ടിരുന്നു. എന്നാൽ അത് കള്ളക്കേസ് ആയിരുന്നു. വേദിക ആയിരുന്നു ഇതിനു പിറകിൽ. ഇതറിഞ്ഞതോടെ സിദ്ധാർത് വേദികയെ വീട്ടിൽ നിന്നും പുറത്താക്കി. വേദിക പലതരത്തിലുള്ള ഭീഷണികൾ മുന്നോട്ടു വെച്ചെങ്കിലും അതിലൊന്നും തന്നെ സിദ്ദു വീണില്ല. സിദ്ധാർത്തിൻ്റെ അമ്മയും സഹോദരിയും അടക്കമുള്ളവർ വേദികയെ അനുകൂലിച്ച് സംസാരിച്ചു എങ്കിലും അതൊന്നും സിദ്ധുവിൻ്റേ മനസ്സ് മാറ്റിയില്ല. ഇപ്പോൾ തിരികെ വീട്ടിൽ കയറുവാൻ വേണ്ടി വേദിക മറ്റൊരു അടവ് പുറത്തെടുക്കുകയാണ്. എന്നാൽ ഇത് എട്ടുനിലയിൽ പൊട്ടും എന്നാണ് പ്രേക്ഷകർ പറയുന്നത്.

താൻ ഗർഭിണിയാണ് എന്ന് വാർത്തയാണ് വേദിക ഭർത്താവിനെ അറിയിച്ചത്. സിദ്ധു ഇത് വിശ്വസിക്കുകയും ചെയ്തു. അങ്ങനെ വേദികയെ വീണ്ടും വീട്ടിലേക്ക് കൂട്ടിക്കൊണ്ടുവരാൻ ഒരുങ്ങുകയായിരുന്നു സിദ്ദു. അതിനിടയിലാണ് സമ്പത്ത് എന്ന കഥാപാത്രം വരുന്നത്. വേദികയെ കൂട്ടി കൊണ്ടു വരുന്നതിനു മുൻപ് ഒന്നുകൂടി ആലോചിക്കണം എന്നായിരുന്നു സമ്പത്ത് പറഞ്ഞത്. ഇതുകേട്ട് സിദ്ദു എന്തൊക്കെയോ കണക്കുകൂട്ടലുകൾ ആയിട്ടാണ് വേദികയെ കാണാൻ പോകുന്നത്. ബാക്കി എന്തായിരിക്കും നടക്കുക എന്നത് ഇന്നത്തെ എപ്പിസോഡിൽ കാത്തിരുന്നു കാണണം. എന്തായാലും ഇനി അങ്ങോട്ട് സൂപ്പർ എപ്പിസോഡുകൾ ആയിരിക്കും എന്നാണ് പ്രേക്ഷകർ പ്രതീക്ഷിക്കുന്നത്. സമ്പത്ത് എന്ന കഥാപാത്രത്തിന് കൂടുതൽ പ്രാധാന്യം നൽകണമെന്നാണ് ഇപ്പോൾ പ്രേക്ഷകരുടെ ആവശ്യം.