തൃഷ എന്റെ ഭാര്യയാണ്, വിജയിയുമായുള്ള അവളുടെ സൗഹൃദം തനിക്കിഷ്ടമല്ല : ആരോപണവുമായി സൂര്യ

തമിഴ് സിനിമയിലെ പ്രശസ്ത നടിമാരിൽ ഒരാളാണ് തൃഷ. നിരവധി ഹിറ്റ്‌ ചിത്രങ്ങളിൽ അഭിനയിച്ചിട്ടുള്ള താരത്തിന് കേരളത്തിലും ആരാധകരുണ്ട്.

മണി രത്നം സംവിധാനം ചെയ്ത പൊന്നിയിൻ സെൽവൻ എന്ന ചിത്രമാണ് താരത്തിന്റെതായി റിലീസ് ചെയ്ത പുതിയ ചിത്രം.

മോഹൻലാൽ നായകനാകുന്ന റാം, വിജയ് നായകനാകുന്ന ലോകേഷ് കനക രാജ് ചിത്രം ലിയോ എന്നിവയാണ് തൃഷയുടേതായി അണിയറയിൽ ഒരുങ്ങുന്ന പുതിയ ചിത്രങ്ങൾ.

വിജയ് ചിത്രത്തിന്റെ ഷൂട്ടിംഗ് കാശ്മീരിൽ പുരോഗമിക്കുകയാണ്. ഇതിനിടയിൽ ഇപ്പോഴിതാ തൃഷ തന്റെ ഭാര്യയാണെന്ന് പറഞ്ഞ് രംഗത്ത് എത്തിയിരിക്കുകയാണ് സംവിധായകനും മോട്ടിവേഷ്ണല്‍ സ്പീക്കറുമായ എ എല്‍ സൂര്യ.

ഇന്ത്യഗ്ലിറ്റ്‌സ് തമിഴിന് നല്‍കിയ അഭിമുഖത്തിലൂടെയാണ് തൃഷ തന്റെ ഭാര്യയാണെന്ന ആരോപണം സംവിധായകന്‍ ഉന്നയിച്ചിരിക്കുന്നത്.

തൃഷയുടെ ഭര്‍ത്താവാണ് ഞാന്‍. റോഡിലൂടെ പോകുന്ന ഒരു പെണ്‍കുട്ടിയെ കുറിച്ചല്ല ഞാന്‍ പറഞ്ഞത്. ഞാനുമായി ബന്ധമുണ്ടായിരുന്ന പെണ്‍കുട്ടിയെ പറ്റിയാണ് പറയുന്നതെന്ന് സൂര്യ വ്യക്തമാക്കുന്നു.

നടന്‍ വിജയും അവളുമായിട്ടുള്ള സൗഹൃദം തനിക്കിഷ്ടമല്ലെന്നും സൂര്യ പറഞ്ഞു. ‘വിജയുടെ കൂടെയുള്ള ചില ചിത്രങ്ങള്‍ അവള്‍ കഴിഞ്ഞ ദിവസങ്ങളില്‍ പങ്കുവെച്ചിരുന്നു. അതെനിക്ക് ഇഷ്ടമില്ലെന്ന് അറിഞ്ഞിട്ടാണ് അവളങ്ങനെ ചെയ്യുന്നതെന്നാണ്’, സൂര്യയുടെ ആരോപണം.

മാത്രമല്ല തൃഷയാണ് എന്നോട് ആദ്യം ഇഷ്ടമാണെന്ന് പറഞ്ഞതെന്നും അവളെന്റെ ഭാര്യയാണെന്ന് തെളിയിക്കേണ്ട ആവശ്യമൊന്നും തനിക്കില്ല. തൃഷയുടെ അമ്മയുമായി താന്‍ സംസാരിക്കാറുണ്ടെന്നും’, സൂര്യ കൂട്ടിച്ചേര്‍ത്തു.

40 വയസ്സ് പിന്നിട്ടെങ്കിലും ഇപ്പോഴും അവിവാഹിതയായി തുടരുകയാണ് നടി. മുന്‍പ് തൃഷയുടെ വിവാഹനിശ്ചയം വരെ നടത്തിയെങ്കിലും ആ ബന്ധം നടി ഉപേക്ഷിക്കുകയായിരുന്നു.

ചെന്നൈക്കാരനായ വരുണ്‍ മാനിയന്‍ എന്ന ബിസിനസുകാരനുമായിട്ടാണ് തൃഷയുടെ വിവാഹനിശ്ചയം നടത്തിയത്. വിവാഹത്തിന് ശേഷം തൃഷ അഭിനയിക്കരുതെന്ന് വരുണ്‍ നിബന്ധന വെച്ചിരുന്നുവെന്നും അതാണ്വിവാഹം മുടങ്ങാൻ കാരണം എന്നുമായിരുന്നു റിപ്പോർട്ടുകൾ.

മാത്രമല്ല ചില നടന്മാരുമായിട്ടുള്ള നടിയുടെ സൗഹൃദവും പ്രശ്‌നങ്ങള്‍ക്ക് വഴിയൊരുക്കിയതായി റിപ്പോര്‍ട്ടുകളുണ്ട്. വിവാഹം മുടങ്ങിയ ശേഷം വിവാഹത്തെ കുറിച്ചുള്ള ചോദ്യങ്ങളില്‍ നിന്നും മാറി നടക്കുകയാണ് നടി ചെയ്തിട്ടുള്ളത്