മലയാളത്തിലെ ആദ്യ സൂപ്പർ ഹീറോ നായകനാണ് ടോവിനോ തോമസ്. തൻറെ മൂന്നാമത്തെ സിനിമയിലൂടെ സിനിമാലോകത്തെ ഞെട്ടിച്ച സംവിധായകൻ ബേസിൽ ജോസഫ് ആണ് ഈ സിനിമ സംവിധാനം ചെയ്തിരിക്കുന്നത്. പ്രേക്ഷകരും ആരാധകരും ഏറെ ആകാംക്ഷയോടെ കാത്തിരുന്ന ചിത്രമായിരുന്നു മിന്നൽ മുരളി. അതുപോലെതന്നെ എല്ലാവരുടെയും ആകാംഷയും കാത്തിരിപ്പും തെറ്റിക്കാതെ മികച്ച പ്രതികരണങ്ങളുമായി മുന്നേറുകയാണ് സിനിമ.
ടോവിനോ ആണ് കേന്ദ്രകഥാപാത്രം എങ്കിലും സിനിമയിൽ നിറഞ്ഞുനിന്നത് മറ്റുപല കഥാപാത്രങ്ങളായിരുന്നു. വില്ലനായി എത്തിയ ഷിബുവും അനന്തരവനായ എത്തിയ ജോയ് മോനും ഉഷ ആയി എത്തിയ ഷെല്ലിയും ആരാധകരെ ഞെട്ടിക്കുന്ന തരത്തിലുള്ള പെർഫോമൻസ് ആണ് കാഴ്ചവച്ചത്. മലയാളത്തിലെ ആദ്യ സൂപ്പർഹീറോ ചിത്രമായ മിന്നൽ മുരളി എല്ലാവരുടെയും പ്രതീക്ഷയ്ക്കൊത്ത് ഉയർന്ന സിനിമയായിരുന്നു. നെറ്റ്ഫ്ലിക്സ് ഇന്ത്യയുടെ ആദ്യ പത്തു സ്ഥാനങ്ങളിൽ ആദ്യ സ്ഥാനത്ത് തന്നെ മിന്നൽ മുരളി ഉണ്ട്. ഇതുവരെ മലയാള സിനിമ കാണാത്ത ഹൈപുകളും പ്രമോഷൻ വർക്കുകളും ആയിരുന്നു മിന്നൽ മുരളിയുടെത്.
ഇപ്പോഴിതാ ചിത്രത്തിലെ കേന്ദ്ര കഥാപാത്രമായ ടോവിനോ 2015ൽ ഫേസ്ബുക്കിൽ പങ്കുവെച്ച ചിത്രമാണ് വൈറലായിരിക്കുന്നത്. ബേസിൽ ജോസഫ് മൂന്ന് വർഷം മുമ്പാണ് സിനിമയുടെ പണി തുടങ്ങിയത് എങ്കിൽ ആറു വർഷങ്ങൾക്ക് മുമ്പ് ടോവിനോ തൻറെ ഒരു വിദേശയാത്രയിൽ സൂപ്പർഹീറോകളുമായി ഫോട്ടോയെടുത്ത് സോഷ്യൽ മീഡിയയിൽ പങ്കുവെച്ചിരുന്നു. മൂന്ന് സൂപ്പർഹീറോ കണ്ടുമുട്ടിയാൽ എന്ന അടിക്കുറിപ്പോടെ കൂടെയാണ് താരം 2015ൽ തൻറെ ഫേസ്ബുക്കിൽ ഫോട്ടോ പങ്കുവെച്ചിരിക്കുന്നത്.
ഇപ്പോഴിതാ ഫോട്ടോയ്ക്ക് താഴെ ടോവിനോ ഇല്ലുമിനാറ്റി ആണോ എന്ന രസകരമായ കമൻറുകള്ളുമായി ഫോട്ടോ ഏറ്റെടുത്തിരിക്കുകയാണ് ആരാധകർ. ബാറ്റ്സ്മാനും അയേൺ മാനും കൂടെ ഒപ്പം ആണ് താരം ഫോട്ടോ എടുത്തിരിക്കുന്നത്. ആരാധകർ കുത്തിപ്പൊക്കി ഈ ഫോട്ടോ ഇപ്പോൾ സോഷ്യൽ മീഡിയകളിൽ ചർച്ചയാണ്. വർഷങ്ങൾക്ക് മുമ്പ് തന്നെ സൂപ്പർഹീറോ ആകാൻ ഉള്ള പരിപാടി ഉണ്ടായിരുന്നോ എന്ന തരത്തിലുള്ള ചോദ്യങ്ങളും പോസ്റ്റിനു താഴെ വരുന്നുണ്ട്. എന്തുതന്നെയായാലും മലയാളത്തിലെ ആദ്യ സൂപ്പർ ഹീറോയുടെ പണ്ടത്തെ ഈ ഫോട്ടോ ആരാധകർ ഏറ്റെടുത്തുകഴിഞ്ഞു.