സാഹസത്തിൽ കട്ടക്ക് നിൽക്കും. ഇത് അച്ഛൻറെ സ്വന്തം സൂപ്പർഹീറോ ഗേൾ ഇസ! ടോവിനോയും കുഞ്ഞു ഇസയുടെയും കിടിലൻ വീഡിയോ വൈറൽ!

മലയാളികൾ ഏറെ ഇഷ്ടപ്പെടുന്ന നടനാണ് ടോവിനോ തോമസ്. നിരവധി ആരാധകർ ആണ് താരത്തിന് ഉള്ളത്. താരം നായകനായി ഏറ്റവും ഒടുവിൽ പുറത്തിറങ്ങിയ ചിത്രം ആണ് മിന്നൽ മുരളി. നെറ്റ് ഫ്ളിക്സിൽ ആണ് ചിത്രം സ്ട്രീമിങ് ചെയ്യുന്നത്. മികച്ച പ്രേക്ഷക പ്രതികരണം ആണ് ഇതിന് ലഭിക്കുന്നത്.

അഞ്ചു വർഷങ്ങൾക്കു മുൻപാണ് ടോവിനോ യ്ക്ക് മകൾ ജനിക്കുന്നത്. മകൾ വന്നതിനു ശേഷം തൻറെ ലോകം അപ്പാടെ മാറി എന്ന് ടോവിനോ തന്നെ വെളിപ്പെടുത്തിയിട്ടുണ്ട്. ഇസയുടെ കുസൃതിത്തരങ്ങൾ ഒക്കെ ഇടയ്ക്ക് താരം സാമൂഹ്യ മാധ്യമങ്ങളിൽ പങ്കുവയ്ക്കാറുണ്ട്. ഇപ്പോൾ മകൾക്കൊപ്പം ഉള്ള പുതിയ ഒരു വീഡിയോ ആണ് ടോവിനോ പങ്കുവെച്ചിരിക്കുന്നത്. വീഡിയോയ്ക്ക് കീഴിൽ താരം ഒരു കുറിപ്പും കുറിച്ചിട്ടുണ്ട്. ആ കുറിപ്പിൽ പറയുന്നത് ഇങ്ങനെയാണ്.

രണ്ടാമത് ആലോചിക്കാതെ തന്നോടൊപ്പം എല്ലാ സാഹസങ്ങളിലും കൂടെ വരുന്നതിന് നന്ദി, ഇസാ. അപ്പ ചെയ്യുന്നതെല്ലാം നീയും ചെയ്യാൻ ആഗ്രഹിക്കുന്നത് കാണുമ്പോൾ എൻറെ ഹൃദയം നിറയുന്നുണ്ട്. അപ്പ ചെയ്യുന്നതിലും കൂടുതൽ നിനക്ക് ചെയ്യാൻ കഴിയുമെന്ന് നീ അറിയണം. തൻറെ സ്വന്തം ക്രൈം പാർട്ണർ ആണ് നീ. ഒരു അഭിനേതാവ് എന്ന നിലയിൽ നിരവധി കഥാപാത്രങ്ങൾ ചെയ്യുവാൻ ഭാഗ്യം ലഭിച്ചിട്ടുണ്ടെങ്കിലും നിൻറെ അച്ഛൻ എന്ന വേഷം ആണ് എനിക്കേറ്റവും ഇഷ്ടപ്പെട്ടത്.

എല്ലാ ശക്തികളും ഉള്ള ഒരു സൂപ്പർ ഹീറോ ആണ് താൻ എന്ന് നീ ഇപ്പോൾ വിചാരിക്കുന്നുണ്ടാകും. പക്ഷേ അത്രത്തോളം ശക്തനല്ല ഞാനെന്ന് നീ പിന്നീട് തിരിച്ചറിയും. ധൈര്യശാലിയായ സ്വതന്ത്രമായ ശക്തയായ ഒരു സ്ത്രീയായി ഈ ലോകത്ത് നീ വളർന്നു വരും എന്ന് ഞാൻ വാക്ക് തരുന്നു. തല ഉയർത്തി ശരിയായ കാര്യത്തിനുവേണ്ടി ഉറച്ചുനിൽക്കും. നിൻറെ ഏറ്റവും മെച്ചപ്പെട്ട വേർഷൻ ആയി നീ വളരും എന്ന് എനിക്ക് ഉറപ്പുണ്ട്. നിൻറെ സൂപ്പർഹീറോ നീ തന്നെ ആയിരിക്കും ഒരിക്കൽ. താരം കുറിച്ചു.