ഷാജി കൈലാസ് സംവിധാനം ചെയ്ത പൃഥ്വിരാജ് ചിത്രം കടുവയുമായി ബന്ധപ്പെട്ട കേസില് അനിശ്ചിതത്വം തുടരുന്നു. കടുവ സിനിമ പരിശോധിക്കാന് സെന്സര് ബോര്ഡിന് നല്കിയ സിംഗിള് ബഞ്ച് ഉത്തരവില് ഇടപെടാനാവില്ലെന്ന് ഹൈക്കോടതി ഡിവിഷന് ബെഞ്ച് അറിയിച്ചു. സിനിമയ്ക്കെതിരെ ജോസ് കുരുവിനാക്കുന്നേല് സമര്പ്പിച്ച ഹര്ജിയിലെ ഉത്തരവിനെതിരെ തിരക്കഥാകൃത്ത് ജിനു വര്ഗീസ് എബ്രഹാമും ചിത്രത്തിന്റെ നിര്മ്മാതാക്കളായ പൃഥ്വിരാജ് പ്രൊഡക്ഷന്സും സമര്പ്പിച്ച അപ്പീലില് കോടതി ഇടപെട്ടില്ല. ജസ്റ്റിസുമാരായ കെ വിനോദ ചന്ദ്രനും സി ജയചന്ദ്രനും അടങ്ങുന്ന ബെഞ്ചാണ് കേസ് പരിഗണിച്ചത്.
സിംഗിള് ബെഞ്ച് വിധിയില് എന്താണ് തെറ്റെന്ന് കോടതി ചോദിച്ചു. സിവില് കോടതിയുടെ വിധിയില് സ്വാധീനിക്കപ്പെടാതെ, പരാതിക്കാരന്റെ പരാതി സ്വതന്ത്രമായി കേട്ട്, ബോര്ഡില് നിക്ഷിപ്തമായിരിക്കുന്ന അധികാരം സ്വതന്ത്രമായി വിനിയോഗിക്കുന്നതില് ഒരു തെറ്റും ചൂണ്ടി കാണിക്കാനില്ലെന്ന് ഡിവിഷന് ബെഞ്ച് നിരീക്ഷിച്ചു. കൂടുതല് വാദത്തിനായി ഹര്ജി പിന്നീട് പരിഗണിക്കും.
കടുവ സിനിമയെ സംബന്ധിച്ച് ജോസ് കുരുവിനാക്കുന്നേല് എന്ന കുറുവച്ചന് നല്കിയ പരാതി പരിശോധിക്കാന് സെന്സര് ബോര്ഡിന് ഹൈക്കോടതി സിംഗിള് ബെഞ്ച് നിര്ദേശം നല്കിയിരുന്നു. ഇതിനെതിരെയൊണ് തിരക്കഥാകൃത്തും നിര്മാതാക്കളും ഡിവിഷന് ബെഞ്ചിനെ സമീപിച്ചത്. സിനിമ തന്റെ ജീവിതത്തെ അടിസ്ഥാനമാക്കി ഉള്ളതാണെന്നും തന്നെയും കുടുംബത്തേയും അവഹേളിക്കുന്ന രംഗങ്ങള് സിനിമയിലുണ്ടെന്നുമായിരുന്നു കുറുവച്ചന്റെ പരാതി. ഇത് പരിശോധിക്കാനാണ് ഹൈക്കോടതി സിംഗിള് ബഞ്ച് സെന്സര് ബോര്ഡിന് നിര്ദേശം നല്കിയത്. പരാതി പരിശോധിച്ച ശേഷമേ സെന്സര് സര്ട്ടിഫിക്കറ്റ് നല്കാവൂ എന്നും ഹൈക്കോടതി വ്യക്തമാക്കിയിരുന്നു.
ജൂണ് 30നായിരുന്നു ചിത്രത്തിന്റെ റിലീസ് തീരുമാനിച്ചിരുന്നത്. ഇത് പിന്നീട് നീട്ടിയിരുന്നു. ചില അപ്രവചനീയമായ സാഹചര്യങ്ങളാല് റിലീസ് നീട്ടുന്നുവെന്നായിരുന്നു പൃഥ്വിരാജ് അറിയിച്ചത്. അതിനിടെ, കടുവയുടെ തിരക്കഥ മോഷ്ടിച്ചതാണെന്ന് ആരോപിച്ച് തമിഴ്നാട് സ്വദേശി മഹേഷ് കോടതിയെ സമീപിച്ചതും കടുവ ടീമിന് തിരിച്ചടിയായിട്ടുണ്ട്.
കുറച്ച് ദിവസമായി കാണാതായ വയോധികയുടെ മൃതദേഹം വീടിന് അല്പം അകലെയുള്ള പുരയിടത്തിലേക്കുള്ള വഴിയിൽ ജീർണിച്ചനിലയിൽ കണ്ടെത്തി. മടവൂർ തകരപ്പറമ്പ് പഴുവടി…
വീണ്ടും ഹൗസിൽ ഒരു ഫിസിക്കൽ അസാൾട്ട് കൂടി നടന്നുവെന്നുള്ള റിപ്പോർട്ടുകളാണ് പുറത്ത് വരുന്നത്.അപ്സരയും ജാസ്മിനും തമ്മിലാണ്. രാവിലെ മോണിങ് ടാസ്ക്കിനോട്…
ജാസ്മിനും ഗബ്രിയും അടുത്തിടപഴകുന്നിനെതിരേയും കടുത്ത രീതിയിൽ വിമർശനങ്ങൾ ഉണ്ടായിരുന്നു. ഇപ്പോഴിതാ അതിന് മറുപടി നൽകുകയാണ് ഗബ്രി. മലയാളം ന്യൂസ് 18യോട്…
ബിഗ് ബോസ് ആറാമത്തെ സീസൺ ഇപ്പോൾ വളരെ വിജയകരമായി മുന്നോട്ടു പോയിക്കൊണ്ടിരിക്കുകയാണ്. ഇപ്പോൾ ഫാമിലി വീക്ക് ആണ് നടന്നുകൊണ്ടിരിക്കുന്നത്. മത്സരാർത്ഥികളുടെ…
മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് കലാഭവൻ ഷാജോൺ. ദൃശ്യം എന്ന സിനിമയിലൂടെയാണ് ഇദ്ദേഹം കൂടുതൽ ശ്രദ്ധിക്കപ്പെടുന്നത്. മോഹൻലാലാണ് ഈ…
മലയാളികളെ പോലെ തന്നെ തമിഴന്മാർക്കും വലിയ രീതിയിൽ വൈകാരികമായ അടുപ്പമുള്ള ക്ഷേത്രമാണ് ശബരിമല ക്ഷേത്രം. ഒരുപക്ഷേ മലയാളികളെക്കാൾ കൂടുതൽ തമിഴന്മാർക്ക്…