സുരേഷ് ഗോപിക്ക് ക്യാബിനറ്റ് പദവിയുള്ള കേന്ദ്രമന്ത്രി സ്ഥാനം ഇല്ല

മൂന്നാം മോദി സർക്കാറിന്റെ സത്യപ്രതിജ്ഞ നടന്നുകൊണ്ടിരിക്കുകയാണ്. മലയാളികൾ എല്ലാവരും ഈ ചടങ്ങ് ലൈവ് ആയി വീക്ഷിച്ചുകൊണ്ടിരിക്കുകയാണ്. അതിനുള്ള പ്രധാനപ്പെട്ട കാരണങ്ങളിൽ ഒന്ന് സുരേഷ് ഗോപി ഇന്ന് മന്ത്രിയായി സത്യപ്രതിജ്ഞ ചെയ്യും എന്നതാണ്. കേരളത്തിൽ ചരിത്രം സൃഷ്ടിച്ചുകൊണ്ടാണ് ഇദ്ദേഹം ലോക്സഭയിലേക്ക് തിരഞ്ഞെടുക്കപ്പെട്ടത്. തൃശ്ശൂർ ലോക്സഭാ മണ്ഡലത്തിൽ നിന്നുമാണ് ഇദ്ദേഹം തിരഞ്ഞെടുക്കപ്പെട്ടത്.

എന്നാൽ മലയാളികൾക്ക് ചെറിയ നിരാശ പകരുന്ന വാർത്തയാണ് ഇപ്പോൾ പുറത്തുവരുന്നത്. സുരേഷ് ഗോപിക്ക് ക്യാബിനറ്റ് പദവി ഉണ്ടാകില്ല എന്നാണ് അറിയാൻ സാധിക്കുന്നത്. ക്യാബിനറ്റ് പദവിയുള്ള മന്ത്രിമാർ ആദ്യം തന്നെ സത്യപ്രതിജ്ഞ ചെയ്തു. പിന്നീട് ആയിരുന്നു സ്വതന്ത്ര ചുമതലയുള്ള മന്ത്രിമാർ സത്യപ്രതിജ്ഞ ചെയ്തത്. അതുകൊണ്ടുതന്നെ സുരേഷ് ഗോപിക്ക് സ്വതന്ത്ര ചുമതലയുള്ള സഹമന്ത്രി സ്ഥാനം ആയിരിക്കും ലഭിക്കുക എന്നാണ് അറിയാൻ സാധിക്കുന്നത്.

അതേസമയം ഏതു പദവി ആയിരിക്കും ഇദ്ദേഹത്തിന് ലഭിക്കുക എന്നതിനെ സംബന്ധിച്ച് ഇതുവരെ സൂചനകൾ ഒന്നും തന്നെ ലഭിച്ചിട്ടില്ല. കേരളത്തിൽ വലിയ രീതിയിലുള്ള വളർച്ച ആണ് ബിജെപി വരുന്ന അഞ്ചുവർഷങ്ങളിൽ ഉദ്ദേശിക്കുന്നത് എന്നതുകൊണ്ട് തന്നെ പ്രധാനപ്പെട്ട ഏതെങ്കിലും വകുപ്പുകളിൽ ഒന്ന് കൊടുക്കും എന്ന് പ്രതീക്ഷയിൽ ആയിരുന്നു മലയാളികൾ എല്ലാവരും തന്നെ. ടൂറിസം വകുപ്പ് അല്ലെങ്കിൽ സാംസ്കാരിക വകുപ്പ് സുരേഷ് ഗോപിക്ക് ലഭിക്കും എന്നായിരുന്നു എല്ലാവരും കരുതിയത്.

അതേസമയം തനിക്ക് ഇപ്പോൾ കേന്ദ്ര മന്ത്രിസ്ഥാനം ആവശ്യമില്ല എന്ന് സുരേഷ് ഗോപി നേരത്തെ തന്നെ പറഞ്ഞിരുന്നു. തനിക്ക് ഒരുപാട് സിനിമകൾ ചെയ്തുതീർക്കാൻ ഉണ്ട് എന്നും അതുകൊണ്ടുതന്നെ കേന്ദ്രമന്ത്രി സ്ഥാനം ലഭിച്ചാൽ അത് വലിയ രീതിയിൽ ബുദ്ധിമുട്ടാവും എന്നും സുരേഷ് ഗോപി പറഞ്ഞിരുന്നു. അതേസമയം പ്രധാനമന്ത്രി നേരിട്ടാണ് സുരേഷ് ഗോപിയെ ഈ ചടങ്ങിലേക്ക് വിളിച്ചത്. ഇന്ന് തന്നെ സത്യപ്രതിജ്ഞ ചെയ്യണം എന്നിവർ പറയുകയായിരുന്നു. അമിത് ഷാ ആണ് സുരേഷ് ഗോപി ഇന്നുതന്നെ നിർബന്ധമായും സത്യപ്രതിജ്ഞ ചെയ്യണം എന്നു വാശിപിടിച്ചത്.