ഭര്‍ത്താവിന് സ്ഥിരമായി മദ്യം കൊടുക്കുന്ന സുഹൃത്തിനെ കൊലപ്പെടുത്താന്‍ ക്വട്ടേഷന്‍ നല്‍കി ബാങ്ക് ഉദ്യോഗസ്ഥ

മദ്യത്തിന് അടിമയായ നിരവധി പേരെ നമുക്ക് അറിയാം. ഇത്തരത്തില്‍ ഉള്ള ആളുകള്‍ മദ്യം അകത്തുചെന്നാല്‍ പലതരത്തിലാണ് പ്രതികരിക്കുക. മദ്യം അകത്തുചെന്ന് കൊലപാതകം വരെ നടത്തിയവര്‍ നിരവധിയാണ്. മദ്യപിച്ച് വീട്ടിലെത്തുന്ന ഭര്‍ത്താക്കന്മാരില്‍ നിന്ന് പല സ്ത്രീകളും മാനസികമായും ശാരീരികമായും പീഡനം നേരിടുന്നുണ്ട് , ഇത് സംബന്ധിച്ച് നിരവധി വാര്‍ത്ത നേരത്തെ തന്നെ പുറത്തു വന്നിരുന്നു. ഇപ്പോള്‍ ഭര്‍ത്താവിന്റെ മദ്യപാനം സഹിക്കവയ്യാതെ സ്ത്രീ ഭര്‍ത്താവിന്റെ സുഹൃത്തിനെ കൊലപ്പെടുത്താന്‍ ക്വട്ടേഷന്‍ നല്‍കിയിരിക്കുകയാണ് .

ഒരു ബാങ്ക് ഉദ്യോഗസ്ഥയാണ് ക്വട്ടേഷന്‍ നല്‍കിയത്. തന്റെ ഭര്‍ത്താവിനെ സ്ഥിരമായി മദ്യം കൊടുക്കുന്നത് ഇയാള്‍ ആണെന്നാണ് ബാങ്ക് ഉദ്യോഗസ്ഥ പറയുന്നത് . കോട്ടയം പരിയാരത്ത് ആണ് സംഭവം . ഭര്‍ത്താവിന്റെ സുഹൃത്തായ കോണ്‍ട്രാക്ടറെ കൊലപ്പെടുത്താന്‍ വേണ്ടിയാണ് ക്വട്ടേഷന്‍ കൊടുത്തത് . സംഭവത്തില്‍ പയ്യന്നൂര്‍ സ്വദേശി എന്‍വി സീമയെ ഇപ്പോള്‍ പോലീസ് അറസ്റ്റ് ചെയ്തിരിക്കുന്നത്.

ക്വട്ടേഷന്‍ സംഘത്തിന് മൂന്നു ലക്ഷം രൂപയാണ് സീമ കൈമാറിയത്. സംഭവത്തില്‍ സീമയുടെ പ്രതികരണം ഇങ്ങനെ,, പോലീസ് ഉദ്യോഗസ്ഥനായ തന്റെ ഭര്‍ത്താവിന് നിരന്തരം മദ്യം നല്‍കി തനിക്ക് എതിരെ പ്രശ്‌നങ്ങളുണ്ടാക്കുന്നത് ഈ സുഹൃത്താണെന്ന് സീമ പറയുന്നു. കഴിഞ്ഞ ഏപ്രിലില്‍ ഉണ്ടായ ആക്രമണത്തില്‍ പരിയാരം സ്വദേശി സുരേഷ് ബാബുവിന് ഗുരുതര പരിക്കേറ്റിരുന്നു.

ആക്രമണം നടത്തിയ സംഘം പോലീസ് പിടിയിലായതോടെയാണ് ഇതിനു പിന്നില്‍ സീമയാണെന്ന് തെളിഞ്ഞത് . സീമയും ഭര്‍ത്താവും തമ്മില്‍ നിരന്തരമായി പ്രശ്‌നങ്ങള്‍ ഉണ്ടായിരുന്നു . അധികവും മദ്യപിച്ച് എത്തിയാണ് പ്രശ്‌നം ഉണ്ടാക്കിയത്. ഇയാള്‍ക്ക് മദ്യം കൊടുത്തിരുന്നത് സുരേഷ് ആയിരുന്നു. സംഭവത്തില്‍ കൂടുതല്‍ അന്വേഷണം നടക്കുന്നുണ്ട്. അതേസമയം ആക്രമണം നടത്തിയ ജിഷ്ണു, അഭിലാഷ്, സുധീഷ് ,രതീഷ് എന്നിവരെയാണ് പോലീസ് അറസ്റ്റ് ചെയ്തത്.