ഉമ്മച്ചിയുടെയും വാപ്പച്ചിയുടെയും വിവാഹ വാർഷിക ദിനത്തിൽ വൈകാരിക കുറിപ്പുമായി ദുൽഖർ സൽമാൻ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് മമ്മൂട്ടി. ഇദ്ദേഹത്തിൻറെ ഭാര്യ ആണ് സുൽഫത്ത്. ഇരുവരും ഇന്ന് ഇവരുടെ വിവാഹ വാർഷികം ആഘോഷിക്കുകയാണ്. ഇരുവരുടെയും 45ആമത്തെ വിവാഹ വാർഷികം ആണ് ഇന്ന്. ഇപ്പോൾ ഇവർക്ക് ആശംസകൾ നേർന്നുകൊണ്ട് എത്തുകയാണ് മകൻ ദുൽഖർ സൽമാൻ. സോഷ്യൽ മീഡിയയിലൂടെ ആണ് ആശംസകൾ അറിയിച്ചത്.

കുറച്ചു ദിവസങ്ങൾക്കു മുൻപ് ആയിരുന്നു സുൽഫത്തിന്റെ പിറന്നാൾ. ഉമ്മച്ചിക്ക് പിറന്നാൾ ആശംസകൾ നേർന്നുകൊണ്ട് ദുൽഖർ സൽമാൻ എഴുതിയ വാക്കുകൾ വലിയ രീതിയിൽ ചർച്ച ചെയ്യപ്പെട്ടിരുന്നു. സുൽഫത്ത് ഒരു സാരി ധരിച്ചു നിൽക്കുന്ന ഫോട്ടോ ആയിരുന്നു ദുൽഖർ പങ്കുവെച്ചത്. ഈ സാരി ഉടുത്തു ഉമ്മച്ചിയെ കണ്ടപ്പോൾ ധാരാളം കുട്ടിക്കാല ഓർമ്മകൾ മനസ്സിലേക്ക് വന്നു എന്നും ഇപ്പോഴും തന്നെ ഒരു കുട്ടിയെ പോലെയാണ് ഉമ്മച്ചി നോക്കുന്നത് എന്നുമായിരുന്നു ദുൽഖർ എഴുതിയത്. വളരെ വൈകാരികമായ ഒരു കുറിപ്പ് ആയിരുന്നു ഇത്.

അതേ സമയം കഴിഞ്ഞ ദിവസം ദുൽഖറിന്റെ മകളുടെ ഏഴാം പിറന്നാൾ കൂടിയായിരുന്നു. മകൾക്ക് പിറന്നാളാശംസകൾ നേർന്നുകൊണ്ട് ദുൽഖർ ഒരു പോസ്റ്റ് നടത്തിയിരുന്നു. ഇതിന് താഴെ നിരവധി താരങ്ങളായിരുന്നു മകൾക്ക് പിറന്നാളാശംസകൾ നേർന്നുകൊണ്ട് രംഗത്ത് എത്തിയത്. ഇപ്പോൾ ഉമ്മച്ചിയുടെയും വാപ്പച്ചിയുടെയും വിവാഹ വാർഷിക ദിനത്തിൽ ദുൽഖർ എഴുതുന്ന കുറിപ്പ് ആണ് വൈറലായി മാറിക്കൊണ്ടിരിക്കുന്നത്.

ഈ രണ്ടുപേരുടെയും ചെറിയ ലോകത്ത് ഭാഗമാകുവാൻ സാധിച്ച ഭാഗ്യം ചെയ്ത വ്യക്തികളിൽ ഒരാളാണ് താൻ എന്നാണ് ദുൽഖർ പറയുന്നത്. കഴിഞ്ഞ 45 വർഷങ്ങൾ ഇരുവരും ഒരുമിച്ചു മനോഹരമാക്കി മാറ്റി എന്നും നിങ്ങളുടെ വഴികളിൽ ഈ കൊച്ചു ലോകം തന്നെ തീർത്തു എന്നും സ്നേഹത്തിന്റെയും ഊഷ്മളതയുടെയും ഭാഗമാകുവാൻ കഴിഞ്ഞതിൽ ഞങ്ങൾ ഭാഗ്യം ചെയ്തവരാണ് എന്നുമാണ് ദുൽഖർ എഴുതുന്നത്. നിങ്ങൾ രണ്ടുപേരും ചേരുമ്പോൾ എല്ലാം അസാധാരണമായി മാറുന്നു എന്നും ദുൽഖർ കൂട്ടിച്ചേർക്കുന്നു. 1979 വർഷത്തിലാണ് ഇരുവരും വിവാഹിതരായത്. വിവാഹശേഷമാണ് മമ്മൂട്ടി സിനിമയിൽ അരങ്ങേറ്റം കുറിക്കുന്നത് പോലും.