ഗോൾഡ് സിനിമയ്ക്ക് ട്രെയിലർ ഉണ്ടാവില്ല, പകരം മറ്റൊന്ന് ആയിരിക്കും ഉണ്ടാവുക – പ്രഖ്യാപനവുമായി അൽഫോൺസ് പുത്രൻ, അതെന്ത് പരിപാടിയാണ് എന്ന് മലയാളികൾ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് അൽഫോൻസ് പുത്രൻ. നിലവിൽ മലയാള സിനിമയിലെ ഏറ്റവും മികച്ച സംവിധായകരിൽ ഒരാളാണ് ഇദ്ദേഹം. വെറും രണ്ടു സിനിമകൾ കൊണ്ടുമാത്രമാണ് അദ്ദേഹം ഈ ബഹുമതി സ്വന്തമാക്കി എടുത്തത്. നിവിൻ പോളി കേന്ദ്ര കഥാപാത്രത്തെ അവതരിപ്പിച്ച നേരം എന്ന സിനിമയാണ് ഇദ്ദേഹം ആദ്യമായി സംവിധാനം ചെയ്തത്. ഇതിനുശേഷം പ്രേമം എന്ന ബ്ലോക്ക് ബസ്റ്റർ സിനിമയും ഇദ്ദേഹം സംവിധാനം ചെയ്തു. മലയാള സിനിമയുടെ ചരിത്രത്തിലെ തന്നെ എക്കാലത്തെയും വലിയ വിജയങ്ങളിൽ ഒന്നാണ് പ്രേമം.

ഇപ്പോൾ ഇദ്ദേഹത്തിൻറെ മൂന്നാം സിനിമ അണിയറയിൽ ഒരുങ്ങുകയാണ്. പ്രേമം റിലീസ് ചെയ്തു ഏകദേശം ഏഴു വർഷങ്ങൾക്ക് ശേഷമാണ് ഇദ്ദേഹം സംവിധാനം ചെയ്യുന്ന അടുത്ത സിനിമ റിലീസ് ചെയ്യുന്നത് എന്ന പ്രത്യേകതയും ഉണ്ട്. പൃഥ്വിരാജ് ആണ് സിനിമയിൽ ജോഷി എന്ന കേന്ദ്ര കഥാപാത്രത്തെ അവതരിപ്പിക്കുന്നത്. അതേസമയം നയൻതാര ആണ് സിനിമയിൽ സുമംഗലി ഉണ്ണികൃഷ്ണൻ എന്ന കഥാപാത്രമായി എത്തുന്നത്. സിനിമ ഈ വർഷം ഓണം റിലീസ് ആയി എത്തും എന്നാണ് അറിയാൻ സാധിക്കുന്നത്.

സമൂഹമാധ്യമങ്ങളിൽ വളരെ സജീവമാണ് താരം. തൻറെ പുതിയ വിശേഷങ്ങൾ എല്ലാം തന്നെ താരം ആരാധകരുമായി പങ്കുവയ്ക്കാറുണ്ട്. ആരാധകർ നൽകുന്ന കമന്റുകൾക്ക് മറുപടി അദ്ദേഹം നൽകാറുണ്ട് എന്നതാണ് മറ്റൊരു പ്രത്യേകത. ഗോൾഡ് എന്ന സിനിമയുടെ ട്രെയിലർ എപ്പോഴായിരിക്കും പുറത്തിറങ്ങുക എന്നായിരുന്നു ഒരു ആരാധകൻ ചോദിച്ചത്. ഇതിന് അൽഫോൺസ് പുത്രൻ നൽകിയ മറുപടിയാണ് ഇപ്പോൾ സമൂഹമാധ്യമങ്ങളിൽ തരംഗമായി മാറിക്കൊണ്ടിരിക്കുന്നത്.

ഗോൾഡ് എന്ന ചിത്രത്തിന് മിക്കവാറും ട്രെയിലർ ഉണ്ടാകില്ല എന്നാണ് അറിയാൻ സാധിക്കുന്നത്. അതിന് പകരം ഒരു പാട്ട് അങ്ങോട്ട് ഇറക്കും എന്നാണ് അൽഫോൻസ് പുത്രൻ പറഞ്ഞിരിക്കുന്നത്. അതെന്ത് പരിപാടിയാണ് എന്നാണ് ഇപ്പോൾ മലയാളികൾ ചോദിക്കുന്നത്. അവർക്കുള്ള മറുപടിയുമായി പ്രേക്ഷകർ തന്നെ രംഗത്ത് വന്നിട്ടുണ്ട്. പ്രേമം എന്ന സിനിമ ഇറങ്ങുമ്പോഴും ഇങ്ങനെ തന്നെയായിരുന്നു എന്നും ആ സിനിമയ്ക്ക് ട്രെയിലർ ഉണ്ടായിരുന്നില്ല മറിച്ച് ഒരു ഗാനം മാത്രമായിരുന്നു റിലീസ് ചെയ്തത് എന്നുമാണ് പ്രേക്ഷകർ ഓർമിച്ചെടുക്കുന്നത്.