ഇത്തവണ വെറും കയ്യോടെ അല്ല, ആതിരയുടെ കുഞ്ഞിന് അമൃത കൊണ്ടുവന്ന സമ്മാനം കണ്ടോ?

അമൃത നായര്‍ എന്ന സീരിയല്‍ നടിയെ ആരാധകര്‍ക്ക് വലിയ ഇഷ്ടമാണ്. കുടുംബവിളക്കില്‍ അമൃത അവതരിപ്പിച്ച ശീതള്‍ എന്ന കഥാപാത്രത്തെ കുടുംബപ്രേക്ഷകര്‍ നെഞ്ചിലേറ്റിയിരുന്നു. എന്നാല്‍ പിന്നീട് ഈ സീരിയലില്‍ നിന്ന് പിന്മാറുകയായിരുന്നു അമൃത. മറ്റൊരു പ്രോഗ്രാം ലഭിച്ചതോടെ രണ്ടുംകൂടി ഒന്നിച്ചു കൊണ്ടുപോകാന്‍ അമൃത ശ്രമിച്ചു. എന്നാല്‍ സമയത്തിന്റെ പ്രശ്‌നം വന്നപ്പോള്‍ ഒരു പരമ്പരയില്‍ നിന്നും അമൃത പിന്മാറുകയായിരുന്നു. കുടുംബവിളക്കില്‍ നിന്ന് പോയെങ്കില്‍ അമൃതയോടുള്ള ഇഷ്ടത്തില്‍ ഒരു കുറവും വന്നിട്ടില്ല. സോഷ്യല്‍ മീഡിയയില്‍ നിറഞ്ഞുനില്‍ക്കുന്ന താരം വൈകാതെ തന്നെ യൂട്യൂബ് ചാനലും ആരംഭിച്ചു. അമൃതിക്കൊപ്പം അധികവും അമ്മയും ചാനലില്‍ എത്താറുണ്ട്.

അതേസമയം കുടുംബ വിളക്കിലെ മറ്റൊരു കഥാപാത്രമായിരുന്നു ഡോക്ടര്‍ അനന്യ. നടി ആതിര മാധവാണ് അനന്യയായി എത്തിയിരുന്നത്. ആതിരയും കുടുംബവിളക്കിലൂടെയാണ് ശ്രദ്ധ നേടിയത്. പിന്നീട് സിനിമയില്‍ ചെറിയ ചെറിയ കഥാപാത്രങ്ങള്‍ ചെയ്തു ആതിര. ഗര്‍ഭിണിയാണെന്ന് അറിഞ്ഞതോടെ ആതിര കുടുംബവിളക്കില്‍ നിന്ന് പിന്മാറുകയായിരുന്നു. ഇന്നൊരു അമ്മ കൂടിയാണ് ഈ നടി.

ആതിരയും അമൃതയും അടുത്ത സുഹൃത്തുക്കളാണ്. ഇടയ്ക്കിടെ കാണുകയും ഒന്നിച്ചുള്ള വീഡിയോസ് എല്ലാം ഷൂട്ട് ചെയ്യുകയും ചെയ്യാറുണ്ട് താരങ്ങള്‍. ഇവര്‍ ഒന്നിച്ചു ചെയ്യുന്ന വീഡിയോയ്ക്ക് എല്ലാം കാഴ്ചക്കാരും ഏറെയാണ്. ഇപ്പോഴിതാ ആതിരയുടെ കുഞ്ഞിനെ കാണാന്‍ എത്തിയിരിക്കുകയാണ് അമൃത നായര്‍. ഇത്തവണയും അമ്മയ്‌ക്കൊപ്പമാണ് അമൃത എത്തിയത്. ആതിരയുടെ കുഞ്ഞിന് കളിക്കാനായി കളിപ്പാട്ടങ്ങള്‍ വാങ്ങിക്കൊണ്ടാണ് അമൃത വന്നത്.

താരങ്ങളുടെ ഈ പുതിയ വീഡിയോ വൈറല്‍ ആയിരിക്കുകയാണ്. പതിവുപോലെ ആതിരയുടെ തമാശയും ഈ വീഡിയോയില്‍ ഉണ്ട്. അവസാനം ഒന്നിറങ്ങിപ്പോകുമോ ഇവിടെനിന്ന് എന്നാണ് ആതിര അമൃതയുടെ തമാശരൂപേണ ചോദിക്കുന്നത്. അമൃത സ്ഥിരമായി പങ്കുവെക്കുന്ന വീഡിയോയില്‍ കോമഡികള്‍ ഏറെയാണ്. ഇത്തവണയും പ്രേക്ഷകരെ ചിരിപ്പിച്ചിരിക്കുകയാണ് താരങ്ങള്‍.