മലയാളികൾക്ക് ഉൾപ്പെടെ ഏറെ പ്രിയപ്പെട്ട താരങ്ങളിൽ ഒരാളാണ് ഹേമാമാലിനി. ഒരുകാലത്ത് ബോളിവുഡിലെ മുൻനിര നായികമാരിൽ ഒരാളായിരുന്നു ഇവർ. ഇപ്പോൾ ഇവർ രാഷ്ട്രീയത്തിലും വളരെ സജീവമാണ്. ഭാരതീയ ജനതാ പാർട്ടിയുടെ സജീവ പ്രവർത്തകയാണ് ഇവർ. കഴിഞ്ഞ തവണ പാർലമെൻറിലേക്കും ഇവർ തിരഞ്ഞെടുക്കപ്പെട്ടിരുന്നു.
അതേസമയം ഇവർ ഇപ്പോൾ നടത്തിയിരിക്കുന്ന ഒരു പ്രസ്താവന ആണ് വലിയ രീതിയിൽ ശ്രദ്ധിക്കപ്പെടുന്നത്. പ്രതിപക്ഷത്തിന് നേരെ പരിഹാസം എന്ന നിലയിലാണ് ഇവർ ഈ പരാമർശം നടത്തിയത്. വോട്ടിംഗ് യന്ത്രങ്ങളിൽ ക്രമക്കേട് നടത്തിയിട്ടാണ് ബിജെപി ജയിക്കുന്നത് എന്ന് പ്രതിപക്ഷം നേരത്തെ പറയാറുണ്ടായിരുന്നു. എന്നാൽ ഇത്തവണത്തെ ഫലം വന്നപ്പോൾ പ്രതിപക്ഷത്തിന് വലിയ രീതിയിൽ മേൽ കൈ ഉണ്ടായിരുന്നു. ഭരിക്കുവാനുള്ള സീറ്റുകൾ ലഭിച്ചില്ല എങ്കിലും വലിയ രീതിയിൽ ശക്തി കാണിക്കുവാൻ പ്രതിപക്ഷത്തിന് സാധിച്ചു. ഈ പശ്ചാത്തലത്തിലാണ് ഹേമാമാലിനിയുടെ പ്രതികരണം.
ഇത്തവണ വോട്ടിംഗ് യന്ത്രങ്ങൾ നന്നായി പ്രവർത്തിച്ചല്ലോ അല്ലേ എന്നാണ് ഹേമാ മാലിന് ചോദിച്ചത്. പ്രതിപക്ഷത്തെ ഉന്നം വെച്ചു കൊണ്ടായിരുന്നു ഈ പരിഹാസ ചോദ്യം. അതേസമയം തിരഞ്ഞെടുപ്പിൽ ബിജെപിക്ക് വലിയ തിരിച്ചടി ഉണ്ടായി എന്നത് പാർട്ടി അംഗീകരിക്കുകയും ചെയ്തു എന്നും താരം കൂട്ടിച്ചേർത്തു. എന്നാൽ അതേസമയം നിരവധി സ്ഥലങ്ങളിൽ പാർട്ടി വലിയ ഭൂരിപക്ഷത്തിലാണ് ജയിച്ചത് എന്നും ഹേമാ മാലിനി ഓർമ്മപ്പെടുത്തുന്നു.
അതേസമയം ഉത്തർപ്രദേശിലെ മധുര ലോകസഭാ മണ്ഡലത്തിൽ നിന്നുമാണ് താരം വീണ്ടും ജയിച്ചത്. മൂന്നാമത്തെ തവണയാണ് താരം ഇവിടെ നിന്നും തിരഞ്ഞെടുക്കപ്പെടുന്നത്. 2014 വർഷം മുതൽ താരം ഇവിടെ പ്രവർത്തിച്ചുവരികയാണ്. എല്ലാവർക്കും നന്ദി പറഞ്ഞുകൊണ്ട് താരം നേരത്തെ ഒരു പോസ്റ്റ് ഇട്ടിരുന്നു. അതേസമയം താരത്തിന് ഇത്തവണ മന്ത്രിസ്ഥാനം ലഭിച്ചേക്കുമോ എന്നാണ് പ്രേക്ഷകർ നോക്കുന്നത്.