കുമ്പളങ്ങിയിലെ ഷമ്മി മറ്റുള്ളവരുടെ പ്രൈവസിയിലേക്ക് എത്തിനോക്കുന്നു, ആവേശത്തിലെ രംഗണ്ണൻ 3 കോളേജ് പിള്ളേർക്ക് ഇതിനുള്ള കളം ഒരുക്കുന്നു, എന്നിട്ട് അത്തരത്തിൽ ചെയ്യുന്നു – ഫഹദിന്റെ 2 കഥാപാത്രങ്ങളിലെ സാമ്യത തുറന്നുകാട്ടി പോസ്റ്റ്

ഫഹദ് ഫാസിൽ കേന്ദ്ര കഥാപാത്രത്തെ അവതരിപ്പിച്ചു തിയേറ്ററിൽ ഇപ്പോൾ നിറഞ്ഞ സദസ്സിൽ ഓടിക്കൊണ്ടിരിക്കുന്ന ചിത്രമാണ് ആവേശം. വളരെ മികച്ച അഭിപ്രായങ്ങളാണ് ചിത്രം നേടിക്കൊണ്ടിരിക്കുന്നത്. വിഷു റിലീസ് ആയിട്ടാണ് ചിത്രം റിലീസ് ചെയ്തിരിക്കുന്നത്. വിഷു റിലീസ് ചിത്രങ്ങളിൽ ഏറ്റവും കൂടുതൽ ആളുകൾ കണ്ട സിനിമ കൂടിയാണ് ഇത് എന്ന പ്രത്യേകതയുണ്ട്.

ഫഹദ് ഫാസിൽ തന്നെ ഒരു കേന്ദ്ര കഥാപാത്രത്തെ അവതരിപ്പിച്ച സിനിമയാണ് കുമ്പളങ്ങി നൈറ്റ്സ്. ഇതിൽ കുറച്ച് നെഗറ്റീവ് ടച്ചുള്ള കഥാപാത്രത്തെയാണ് ഇദ്ദേഹം അവതരിപ്പിച്ചത്. ഷമ്മി എന്ന കഥാപാത്രത്തെയാണ് ഫഹദ് ഈ സിനിമയിൽ അവതരിപ്പിച്ചത്. അതേ സമയം ഈ കഥാപാത്രവും ആവേശം എന്ന സിനിമയിലെ രംഗണ്ണൻ എന്ന കഥാപാത്രവും തമ്മിലുള്ള സാമ്യതം വിളിച്ചു പറയുന്ന ഒരു പോസ്റ്റ് ആണ് ഇപ്പോൾ സമൂഹ മാധ്യമങ്ങളിൽ തരംഗമായി മാറിക്കൊണ്ടിരിക്കുന്നത്. സിനിമ പാരഡൈസോ ക്ലബ് എന്ന സിനിമയിൽ ഷമീർ അഹമ്മദ് സിപി എന്ന വ്യക്തി ആണ് ഈ പോസ്റ്റ് നടത്തിയിരിക്കുന്നത്. പോസ്റ്റിന്റെ പൂർണ്ണ രൂപം ഇങ്ങനെ:

“കുമ്പളങ്ങി നൈറ്റ്സിലെ ഷമ്മിയുടെ ഈ സീനിൻ്റെ ഇതേ സ്റ്റിൽ വെച്ച് ആവേശം മൂവിയിൽ പോർട്ട്രേ ചെയ്യുന്നുണ്ട്. കുമ്പളങ്ങി സിനിമയിലെ ഷമ്മി അവരുടെ പ്രൈവസിയെ എത്തിനോക്കുന്നു, അറ്റാക്ക് ചെയ്യുന്നു, ആട്ടിയോടിക്കുന്നു. ആവേശത്തിൽ രംഗണ്ണൻ മൂന്ന് കോളേജ് പിള്ളേർക്ക് ഇതിനുള്ള കളം ഒരുക്കുന്നു, പ്രൈവസി കൊടുക്കുന്നു, ഏന്തി നോക്കുന്നു, ധൈര്യം കൊടുക്കുന്നു. ഷമ്മിയും രംഗണ്ണനും രണ്ട് തലങ്ങളാണ്, രണ്ടിനും മോറാലിറ്റിയെ കേറി ചൊറിയാനുള്ള ഒരു ടെൻഡൻസി ഉണ്ട്. അട മോനെ” – ഇതാണ് ഇദ്ദേഹം ഫേസ്ബുക്കിൽ പങ്കുവെച്ചിരിക്കുന്ന കുറിപ്പിൽ പറയുന്നത്.

അതേ സമയം കുറിപ്പിന് വളരെ മികച്ച കമൻറുകൾ ആണ് ലഭിച്ചു കൊണ്ടിരിക്കുന്നത്. ഇദ്ദേഹം ഇത് സീരിയസ് ആയിട്ട് പറഞ്ഞത് ആണോ അതോ സർക്കാസം ആണോ എന്നുള്ള ചർച്ചയിലാണ് ഇപ്പോൾ പ്രേക്ഷകർ എല്ലാവരും തന്നെ. പോസ്റ്റിന്റെ സ്ക്രീൻ ഷോട്ട് ഇതാ: