മലയാളികളുടെ പ്രിയപ്പെട്ട നടി ഭാവന വീണ്ടും മലയാള സിനിമയില് സജീവമാവുകയാണ്. ഷാജി കൈലാസ് സംവിധാനം ചെയ്യുന്ന ഏറ്റവും പുതിയ ചിത്രത്തിലാണ് ഭാവന അഭിനയിക്കുന്നത്. ഹണ്ട് എന്ന സിനിമയുടെ ചിത്രീകരണം ഇന്ന് തുടങ്ങി. ലളിതമായി നടത്തിയ ചടങ്ങില് ഷാജി കൈലാസ് തന്നെ ആദ്യദീപം തെളിയിച്ചു. നിരവധി താരങ്ങളും ചടങ്ങില് പങ്കെടുത്തു.
ക്യാമ്പസിലെ പിജി റസിഡന്റ് ‘ഡോ. കീര്ത്തി’യുടെ മുന്നിലെത്തുന്ന ഒരു കേസിന്റെ ചുരുളുകള് നിവര്ത്തുന്നതിലൂടെയാണ് ഈ ചിത്രത്തിന്റെ കഥാവികസനം. തുടക്കം മുതല് അവസാനം വരേയും പ്രേക്ഷകനെ ഉദ്വേഗത്തിന്റെ മുള്മുനയില് നിര്ത്തിക്കൊണ്ടാണ് ഷാജി കൈലാസ് ഈ ചിത്രത്തെ അവതരിപ്പിക്കുന്നത്. സ്ത്രീ കഥാപാത്രത്തിന് ഏറെ പ്രാധാന്യമുള്ള ഈ ചിത്രത്തില് ഭാവനയാണ് ‘ഡോ.കീര്ത്തി’യെ അവതരിപ്പിക്കുന്നത്.
കെ രാധാകൃഷ്ണനാണ് ചിത്രം നിര്മിക്കുന്നത്. ജയലക്ഷ്മി ഫിലിംസിന്റെ ബാനറിലാണ് നിര്മാണം. അതിഥി രവിയുടെ ‘ഡോ. സാറ’ ഈ ചിത്രത്തിലെ മറ്റൊരു പ്രധാന കഥാപാത്രമാണ്. അജ്മല് അമീര്, രാഹുല് മാധവ്, അനുമോഹന്, രണ്ജി പണിക്കര് ,ചന്തു നാഥ്, ജി സുരേഷ് കുമാര് നന്ദു ലാല്, ഡെയ്ന് ഡേവിഡ്, വിജയകുമാര്, ബിജു പപ്പന്, കോട്ടയം നസീര്, ദിവ്യാ നായര്, സോനു എന്നിവരും പ്രധാന താരങ്ങളാണ്.
പാലക്കാടും പരിസരങ്ങളിലുമായി ചിത്രീകരണം പൂര്ത്തിയായി ഉര്വ്വശി തീയേറ്റേഴ്സ് റിലീസ് പ്രദര്ശനത്തിനെത്തിക്കുന്നു ചിത്രത്തിന്റെ രചന നിഖില് എസ് ആനന്ദാണ്. ഹരി നാരായണന്, സന്തോഷ് വര്മ്മ എന്നിവരുടെ വരികള്ക്ക് കൈലാസ് മേനോന് ഈണം പകര്ന്നിരിക്കുന്നു. ജാക്സണ് ജോണ്സണ് ഛായാഗ്രഹണം നിര്വഹിക്കുന്നു.