അവസരങ്ങൾ ലഭിക്കണമെങ്കിൽ അങ്ങനെ ചെയ്യേണ്ടിവരും, യുവനടിയോട് നിർമ്മാതാവ് പറഞ്ഞത് കേട്ടോ? ഇങ്ങനത്തെ ആളുകളെ ഒന്നും വെറുതെ വിടാൻ പാടില്ല എന്ന് മലയാളികൾ

മിനിസ്ക്രീം മേഖലയിലൂടെ മലയാളികൾക്ക് പ്രിയപ്പെട്ട താരങ്ങളിൽ ഒരാളാണ് ശിവ്യ പതാണിയ. ബാൽ ശിവ് എന്ന പരമ്പരയിലൂടെ ആണ് താരം ശ്രദ്ധിക്കപ്പെടുന്നത്. പരമ്പരയിൽ പാർവതി ദേവിയുടെ വേഷമാണ് താരം അവതരിപ്പിച്ചത്. ഇപ്പോൾ ഒരു നിർമ്മാതാവിൽ നിന്നും തനിക്ക് നേരിട്ട് ദുരാനുഭവത്തെ കുറിച്ചാണ് താരം വെളിപ്പെടുത്തുന്നത്. അടുത്തിടെ നൽകിയ ഒരു അഭിമുഖത്തിലാണ് താരം ഈ ഞെട്ടിപ്പിക്കുന്ന കാര്യം തുറന്നു പറഞ്ഞിരിക്കുന്നത്.

ഹംസഫർ എന്ന ഒരു പരിപാടിയിൽ താരം സജീവമായി പങ്കെടുത്തിരുന്നു. എന്നാൽ ഈ പരിപാടി ഇടയ്ക്കുവച്ച് മുടങ്ങി പോവുകയായിരുന്നു. അങ്ങനെ ഏകദേശം എട്ടുമാസത്തോളം താരം ജോലിയില്ലാതെ കഴിയുകയായിരുന്നു. ജീവിതത്തിലെ ഏറ്റവും മോശം ഘട്ടമായിരുന്നു ഇത് എന്നാണ് താരം പറയുന്നത്. ഇതിനിടയിലാണ് മുംബൈയിൽ നിന്നും ഒരു വിളി വരുന്നത്. ഓഡിഷന് വേണ്ടിയായിരുന്നു വിളിച്ചുവരുത്തിയത്. ഒരു ചെറിയ മുറിയിലേക്ക് ആണ് നിർമ്മാതാവ് എന്ന് പറഞ്ഞ ഒരാൾ വിളിച്ചുവരുത്തിയത്. പ്രശസ്തനായ ഒരു താരത്തിനൊപ്പം പരസ്യം ചെയ്യണമെങ്കിൽ ചില വിട്ടുവീഴ്ചകൾ ഒക്കെ ചെയ്യേണ്ടി വരും എന്നാണ് നിർമ്മാതാവ് പറഞ്ഞത്.

എന്നാൽ ഇതേ കാര്യം പറയുമ്പോൾ നിർമാതാവ് എന്ത് ചെയ്തുകൊണ്ടിരിക്കുകയാണ് എന്ന് അറിയുമോ? അയാൾ ലാപ്ടോപ്പിൽ ഹനുമാൻ ചാലിസ കേട്ടുകൊണ്ടിരിക്കുകയായിരുന്നു. ഇത് ജീവിതത്തിൽ ഒരിക്കലും മറക്കാൻ സാധിക്കാത്ത മോശം അനുഭവമാണ് എന്നാണ് താരം പറയുന്നത്. അതേസമയം ഈ സംഭവം നടക്കുന്ന സമയത്ത് താരത്തിന് ചിരി വന്നു. ചിരിച്ചുകൊണ്ട് താരം ഇങ്ങനെ അയാളോട് ചോദിച്ചു – നിങ്ങൾക്ക് നാണമില്ലേ? ഭജന കേട്ടുകൊണ്ട് ഒരു പെൺകുട്ടിയോട് നിങ്ങൾ എന്താണ് പറയുന്നത്? പിന്നീട് താരം അവിടെ നിന്നും ഇറങ്ങി പോവുകയായിരുന്നു.

വർഷങ്ങൾക്കുശേഷമാണ് അയാൾ വ്യാജൻ ആണ് എന്ന് താരം തിരിച്ചറിയുന്നത്. പിന്നീട് ഇൻഡസ്ട്രിയിൽ ഉള്ള തന്റെ സുഹൃത്തുക്കളോട് അയാളിൽ നിന്നും വിട്ടുനിൽക്കുവാൻ താരം ആവശ്യപ്പെടുകയും ചെയ്തു. ദയവുചെയ്ത് അയാളുടെ കെണിയിൽ ആരും വീഴരുത് എന്നും താരം എല്ലാവരെയും ഉപദേശിക്കുന്നു. ഇങ്ങനെയുള്ള അനുഭവങ്ങൾ എല്ലാ താരങ്ങളും ഉണ്ടാകുമെന്നും ഇതൊക്കെ തുറന്നു പറയുവാനുള്ള ധൈര്യം വളരെ നല്ലതാണ് എന്നും മലയാളികൾ ഇപ്പോൾ താരത്തോട് പറഞ്ഞു കൊണ്ടിരിക്കുകയാണ്.