മലയാളികൾക്ക് ഒരിക്കൽ കൂടി അഭിമാനിക്കാം, പുത്തൻ നേട്ടം കരസ്ഥമാക്കി മഞ്ഞുമ്മൽ ബോയ്സ്, മലർത്തി അടിച്ചത് ദേവരകൊണ്ട പടത്തെ

മലയാള സിനിമയുടെ സീൻ മാറ്റും എന്ന് സംഗീതസംവിധായകൻ സുഷിൻ ശ്യാം പറഞ്ഞ സിനിമയായിരുന്നു മഞ്ഞുമ്മൽ ബോയ്സ്. അത് ഇപ്പോൾ അക്ഷരാർത്ഥത്തിൽ സംഭവിച്ചിരിക്കുകയാണ്. കേരളത്തിലും തമിഴ്നാട്ടിലും ഒരുമിച്ചായിരുന്നു ചിത്രം റിലീസ് ചെയ്തത്. കേരളത്തിൽ ലഭിച്ചതിനേക്കാൾ വലിയ റെസ്പോൺസ് ആയിരുന്നു ചിത്രത്തിന് തമിഴ്നാട്ടിൽ നിന്നും ലഭിച്ചത്. ഇപ്പോൾ ഏകദേശം ഒരു മാസത്തിനു ശേഷം ചിത്രം തെലുങ്കിലും റിലീസ് ചെയ്തിരിക്കുകയാണ്.

ഫെബ്രുവരി 22 തീയതി ആണ് ചിത്രം തീയറ്ററുകളിൽ എത്തിയത്. ചിത്രം 200 കോടിയിൽ അധികം ആണ് കരസ്ഥമാക്കിയത്. 200 കോടി ക്ലബ്ബിൽ ഇടം നേടുന്ന ആദ്യത്തെ മലയാളം സിനിമ എന്ന പ്രത്യേകതയും ഉണ്ട്. മൈത്രി മൂവി മേക്കേഴ്സ് ആണ് സിനിമയുടെ തെലുങ്ക് പതിപ്പിന്റെ വിതരണ അവകാശം സ്വന്തമാക്കിയത്. കഴിഞ്ഞദിവസം നടന്ന പ്രിവ്യു ഷോയിൽ മികച്ച അഭിപ്രായം ആണ് കരസ്ഥമാക്കിയത്.

കഴിഞ്ഞദിവസം ആയിരുന്നു തെലുങ്കിലെ സൂപ്പർതാരങ്ങളിൽ ഒരാൾ ആയിട്ടുള്ള വിജയ് ദേവര കൊണ്ടയുടെ ചിത്രം റിലീസ് ചെയ്തത്. ദി ഫാമിലി സ്റ്റാർ എന്നാണ് സിനിമയുടെ പേര്. മോശം അഭിപ്രായങ്ങളാണ് സിനിമയ്ക്ക് ലഭിച്ചുകൊണ്ടിരിക്കുന്നത്. ഐ എം ഡി ബി റൈറ്റിംഗ് ആയി 5.4 മാത്രമാണ് ചിത്രം സ്വന്തമാക്കിയിരിക്കുന്നത്. ബുക്ക് മൈ ഷോയിൽ സിനിമയുടെ റേറ്റിംഗ് 7.4 മാത്രമാണ്. എന്നാൽ മലയാളം സിനിമയായ മഞ്ഞുമ്മൽ ബോയ്സിന്റെ റേറ്റിംഗ് 7.8 ആണ്.

അതേസമയം തെലുങ്കന്മാർക്ക് ചില്ലറ അസൂയയും ഉണ്ട് എന്ന് പറഞ്ഞാൽ അതിശയോക്തി ആയിരിക്കില്ല. കാരണം മലയാളം പതിപ്പിനു മാത്രം 9.4 ആയിരുന്നു റേറ്റിംഗ് ലഭിച്ചത്. എന്നാൽ ഇപ്പോൾ മഞ്ഞുമ്മൽ ബോയ്സ് റേറ്റിംഗ് 7.8 ആയി കുറഞ്ഞിരിക്കുകയാണ്. തെലുങ്ക് ഫാൻസ് നടത്തിയ ബോധപൂർവ്വമായ ഡിഗ്രേഡിങ് ആണോ ഇതിനു കാരണം എന്നും സംശയിക്കേണ്ടതുണ്ട്.