സുരേഷ് ഗോപിയെ കുറിച്ച് പ്രമുഖ പാർട്ടിയുടെ നേതാവ് പറയുന്നത് കേട്ടോ? അഭിപ്രായ വ്യത്യാസങ്ങൾ ഉണ്ടെങ്കിലും ഈ പറഞ്ഞതിനോട് പൊരുത്തപ്പെടാതിരിക്കാൻ വയ്യ എന്ന് മലയാളികൾ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാൾ ആണ് സുരേഷ് ഗോപി. ഒരു നടൻ എന്നതുപോലെ തന്നെ ഇദ്ദേഹം ഒരു രാഷ്ട്രീയക്കാരൻ കൂടിയാണ്. മലയാളികൾ പൊതുവെ അകറ്റി നിർത്തുന്ന രാഷ്ട്രീയമാണ് സംഘപരിവാർ രാഷ്ട്രീയം. ഇതേ രാഷ്ട്രീയം പിന്തുടരുന്ന വ്യക്തിയാണ് സുരേഷ് ഗോപി എങ്കിലും മലയാളികൾക്കിടയിൽ ഇദ്ദേഹത്തിന് ഒരു പ്രത്യേക റെസ്പെക്ട് ഉണ്ട് എന്നതാണ് വസ്തുത. കാരണം ഇദ്ദേഹം നടത്തുന്ന ജീവകാരുണ്യ പ്രവർത്തനങ്ങൾ തന്നെ. എംപി ഫണ്ട് ഉപയോഗിച്ചുകൊണ്ടും പേഴ്സണൽ ഫണ്ട് ഉപയോഗിച്ചു കൊണ്ടും ഇദ്ദേഹം കേരളത്തിൽ ഉടനീളം നിരവധി നന്മപ്രവർത്തനങ്ങൾ ആണ് ചെയ്തിട്ടുള്ളത്. ഇത് സമൂഹമാധ്യമങ്ങളിൽ വലിയ രീതിയിൽ സ്വീകരിക്കപ്പെട്ടിരുന്നു. കേരളത്തിലെ ജനങ്ങൾക്കിടയിൽ ഇദ്ദേഹത്തിന് വലിയ രീതിയിലുള്ള ഇമേജ് ആണ് ഇപ്പോൾ ഉള്ളത്.

ഇപ്പോൾ ഇദ്ദേഹത്തെ പ്രശംസിച്ചുകൊണ്ട് എത്തുകയാണ് ബിജെപി നേതാവ് പി ആർ ശിവശങ്കർ. ഫേസ്ബുക്ക് വഴിയാണ് ഇദ്ദേഹം ഇദ്ദേഹത്തിൻറെ അഭിപ്രായം രേഖപ്പെടുത്തിയത്. സുരേഷ് ഗോപി ഒരുപാട് തിരഞ്ഞെടുപ്പുകളിൽ മത്സരിച്ചിട്ടുണ്ട് എങ്കിലും ഒരെണ്ണത്തിൽ പോലും വിജയിച്ചിട്ടില്ല. അദ്ദേഹം ഇപ്പോഴും ഒരു എംപിയും മന്ത്രിയും ആയിട്ടില്ല. പാർട്ടി നൽകുന്ന ഒരു പദവി പോലും ആഗ്രഹിക്കാത്ത വ്യക്തിയാണ് സുരേഷ് ഗോപി എന്നാണ് ശിവസങ്കർ ഫേസ്ബുക്കിൽ കുറിച്ച കുറിപ്പിൽ പറയുന്നത്.

ഇതുവരെ എംപിയും മന്ത്രിയും ആകുവാൻ സാധിച്ചില്ല എങ്കിലും ജനങ്ങളുടെ റിയൽ ലൈഫ് ഹീറോ ആണ് സുരേഷ് ഗോപി എന്നാണ് ഇദ്ദേഹം പറയുന്നത്. അനേകായിരം ആളുകൾക്ക് സുരേഷ് ഗോപി ഒരു സഞ്ചരിക്കുന്ന സേവാഭാരതി ആണ് എന്നാണ് ശിവശങ്കർ പറയുന്നത്. സ്വയം അധ്വാനിച്ച് ഉണ്ടാക്കിയ പണംകൊണ്ട് സേവനം നടത്തുന്ന ഒരു മനുഷ്യനെ താൻ ഇതുവരെ കണ്ടിട്ടില്ല എന്നും ശിവശങ്കർ കുറിപ്പിൽ വ്യക്തമായി പറയുന്നു. പൊതു ഖജനാവിൽ നിന്നും ഉള്ള ഫണ്ട് എടുത്തുകൊണ്ട് ബസ് സ്റ്റോപ്പ് നിർമ്മിച്ചാൽ അതിനുമുകളിൽ വെണ്ടയ്ക്ക അക്ഷരത്തിൽ തങ്ങളുടെ പേര് കൊത്തിവയ്ക്കുന്ന രാഷ്ട്രീയക്കാർ ഉള്ള നാടാണ് കേരളം എന്നും അവിടെയാണ് സുരേഷ് ഗോപി വ്യത്യസ്തനാകുന്നത് എന്നുമാണ് ശിവശങ്കർ പറയുന്നത്.

സ്വന്തം പണം കൊണ്ട് സുരേഷ് ഗോപി വീട് നിർമ്മിച്ചു നൽകിയിട്ടുണ്ട്. ജപ്തിയിൽ നിന്നും ഒരുപാട് ആളുകളെ കരകയറ്റിയിട്ടുണ്ട്. അനേകായിരം കുടുംബങ്ങൾക്കും മനുഷ്യന്മാർക്കും പുതുജീവൻ ഇദ്ദേഹം നൽകിയിട്ടുണ്ട്. മലയാളികളുടെ അഭിമാനവും അത്ഭുതവും ആണ് സുരേഷ് ഗോപി എന്നാണ് പി. ആർ ശിവ ശങ്കർ പറയുന്നത്. അതേസമയം നിരവധി ആളുകൾ ആണ് കുറിപ്പിന് താഴെ മികച്ച അഭിപ്രായങ്ങൾ രേഖപ്പെടുത്തിക്കൊണ്ട് എത്തുന്നത്.