പട എന്ന സിനിമയെക്കുറിച്ച് വിഖ്യാത സംവിധായകൻ അനുരാഗ് കശ്യപ് പറയുന്നത് കേട്ടോ? ഈ സിനിമയ്ക്ക് ഇതിലും വലിയ ഒരു അംഗീകാരം ഇനി കിട്ടാനില്ല എന്ന് മലയാളികൾ

2 ആഴ്ച മുമ്പ് റിലീസ് ചെയ്ത ചിത്രമായിരുന്നു പടം. കമൽ കെ എം ആണ് സിനിമയുടെ സംവിധാനം നിർവ്വഹിച്ചത്. വളരെ മികച്ച അഭിപ്രായമാണ് ചിത്രം തിയേറ്ററുകളിൽ നിന്നും നേടിക്കൊണ്ടിരിക്കുന്നത്. നിരവധി ആളുകൾ ആയിരുന്നു സിനിമയെ അഭിനന്ദിച്ചുകൊണ്ട് രംഗത്തെത്തിയത്. അടുത്തിടെ തമിഴിലെ വിഖ്യാത സംവിധായകൻ പാ രഞ്ജിത്ത് പട എന്ന സിനിമയെ അഭിനന്ദിച്ചുകൊണ്ട് രംഗത്തെത്തിയിരുന്നു. ഇപ്പോൾ ബോളിവുഡിൽ നിന്നും അടക്കം സംവിധായകനാണ് സിനിമയെ അഭിനന്ദിച്ചുകൊണ്ട് രംഗത്തെത്തുന്നത്.

സംവിധായകൻ അനുരാഗ് കശ്യപ് ആണ് ഇപ്പോൾ സിനിമയെ അഭിനന്ദിച്ചുകൊണ്ട് രംഗത്തെത്തിയിരിക്കുന്നത്. യഥാർത്ഥ സംഭവത്തിൻ്റെ ശക്തമായ ആവിഷ്കാരമാണ് ചിത്രം പറയുന്നത് എന്നാണ് അനുരാഗ് ഇൻസ്റ്റഗ്രാമിൽ എഴുതിയത്. സിനിമ ഇപ്പോൾ തിയേറ്ററുകളിൽ ഉണ്ട് എന്നും നിർബന്ധമായും കാണണം എന്നും ആണ് ഇദ്ദേഹം അഭ്യർത്ഥിക്കുന്നത്. ഒരു യഥാർത്ഥ സംഭവത്തെ അടിസ്ഥാനമാക്കി ശക്തവും രസകരവും ആയിട്ടുള്ള ആവിഷ്കാരമാണ് സിനിമയുടേത് എന്നാണ് ഇദ്ദേഹം പറയുന്നത്. നിരവധി ട്വിസ്റ്റുകൾ അടങ്ങിയിട്ടുള്ള മലയാള സിനിമയുടെ ഗോഡ് ഡേ ആഫ്റ്റർ നൂൺ ആണ് പട എന്നാണ് അനുരാഗ് കശ്യപ് ഇൻസ്റ്റഗ്രാമിൽ എഴുതിയത്.

വലിയ ഒരു താരനിര തന്നെയാണ് സിനിമയിലുള്ളത്. കുഞ്ചാക്കോ ബോബനാണ് ഒരു കേന്ദ്ര കഥാപാത്രത്തെ അവതരിപ്പിക്കുന്നത്. വിനായകൻ ആണ് മറ്റൊരു കേന്ദ്ര കഥാപാത്രമായി എത്തുന്നത്. അതേസമയം ജോജു ജോർജ് ആണ് മറ്റൊരു വളരെ പ്രധാനപ്പെട്ട കഥാപാത്രം അവതരിപ്പിക്കുന്നത്. ഇവരെ കൂടാതെ സംവിധായകൻ ദിലീഷ് പോത്തൻ കൂടി ഒരു പ്രധാനപ്പെട്ട കഥാപാത്രമായി എത്തുന്നുണ്ട്. എന്തായാലും തിയേറ്ററുകളിൽ നിറഞ്ഞ സദസ്സിലാണ് ചിത്രം പ്രദർശിപ്പിക്കപ്പെട്ടു കൊണ്ടിരിക്കുന്നത്.

1996 വർഷത്തിൽ നടന്ന ഒരു യഥാർത്ഥ സംഭവത്തെ അടിസ്ഥാനമാക്കിയാണ് സിനിമ ഒരുക്കിയിരിക്കുന്നത്. അന്നത്തെ പാലക്കാട് കളക്ടറെ ഒരു കൂട്ടം ആളുകൾ തടഞ്ഞ് വെച്ചിരുന്നു. അയ്യങ്കാളി പടയിലെ ആളുകളായിരുന്നു കളക്ടറെ തടഞ്ഞുവെച്ചത്. ആദിവാസി ഭൂ നിയമം പിൻവലിക്കണമെന്ന് ആയിരുന്നു ഇവരുടെ ആവശ്യം. ഇടതു വലതു മുന്നണികൾ ഐകകണ്ഠ്യേന പാസാക്കിയ ഒരു ആദിവാസി വിരുദ്ധ നിയമം ആയിരുന്നു ഇത്. കെ ആർ ഗൗരിയമ്മ മാത്രമായിരുന്നു ഈ നിയമത്തെ എതിർത്തുകൊണ്ട് രംഗത്തെത്തിയത്. കോർപ്പറേറ്റ് താൽപര്യങ്ങൾ സംരക്ഷിക്കുവാൻ ആയിരുന്നു ഈ നിയമം പാസാക്കിയത് എന്നാണ് വിമർശനം.