മഞ്ഞുമ്മൽ ബോയ്സ് കണ്ടിട്ട് പ്രേമം സംവിധായകൻ അൽഫോൺസ് പുത്രൻ പറയുന്നത് ഇങ്ങനെ, ഗോൾഡ് പരാജയപ്പെട്ടതിനു ശേഷം ഇദ്ദേഹം പറയുന്നത് മുഴുവൻ പരസ്പരബന്ധമില്ലാത്ത കാര്യങ്ങൾ ആണല്ലോ എന്ന് പ്രേക്ഷകർ

മലയാള സിനിമയുടെ ചരിത്രത്തിൽ ഇടം നേടിയ സിനിമയാണ് മഞ്ഞുമ്മൽ ബോയ്സ്. 200 കോടി എന്ന റെക്കോർഡ് കളക്ഷൻ ആണ് ഈ സിനിമ നേടിയത്. അതിൽ 100 കോടി വന്നത് തമിഴ്നാട്ടിൽ നിന്നാണ് എന്നതാണ് ഏറ്റവും ശ്രദ്ധേയമായ വസ്തുത. ഇപ്പോൾ ഈ സിനിമയെക്കുറിച്ച് സംവിധായകൻ അൽഫോൺസ് പുത്രൻ പറയുന്ന വാക്കുകളാണ് ശ്രദ്ധിക്കപ്പെടുന്നത്. ഈ സിനിമ ഒരു ഓസ്കാർ അവാർഡ് എങ്കിലും അർഹിക്കുന്നുണ്ട് എന്നാണ് ഇദ്ദേഹം പറയുന്നത്.

അഥവാ ഈ സിനിമയ്ക്ക് ഓസ്കാർ ലഭിച്ചിട്ടില്ല എങ്കിൽ ഓസ്കാർ പുരസ്കാരങ്ങളിൽ ഉള്ള വിശ്വാസം തന്നെ നഷ്ടപ്പെടും എന്നാണ് അൽഫോൻസ് പുത്രൻ പറയുന്നത്. സമൂഹമാധ്യമങ്ങൾ വഴിയായിരുന്നു ഇദ്ദേഹം ഈ പ്രസ്താവന നടത്തിയത്. ഇദ്ദേഹത്തിൻറെ പ്രസ്താവന ഇങ്ങനെ – “മഞ്ഞുമ്മൽ ബോയ്സ് എന്ന സിനിമ തീർച്ചയായും ഓസ്കാർ അവാർഡ് അർഹിക്കുന്നതാണ്. എന്തൊരു ഗംഭീര സിനിമയാണ് ഇത്. ഒരു സർവൈവൽ ത്രില്ലർ. മുഴുവനായും മികച്ച രീതിയിൽ നിർമ്മിക്കപ്പെട്ട ഒരു സിനിമ. ഈ സിനിമയ്ക്ക് ഓസ്കാർ ലഭിച്ചില്ല എങ്കിൽ ഓസ്കാർ പുരസ്കാരങ്ങളിൽ ഉള്ള വിശ്വാസം തന്നെ നഷ്ടപ്പെടുന്നു.

മലയാള സിനിമയെ അഭിമാനപൂരിതമാക്കിയതിൽ സംവിധായകൻ ചിദംബരത്തിനും ടീമിനും ഒരുപാട് നന്ദിയും. എനിക്ക് ഇന്നാണ് സിനിമ കാണാൻ സാധിച്ചത്. സിനിമ കാണാൻ വൈകിയതിൽ നിങ്ങൾ ക്ഷമിക്കണം. യഥാർത്ഥ സംഭവത്തിൽ അകപ്പെട്ടവർ നേരിടേണ്ടിവന്ന വേദന ഇനി വേറെ ഒരാൾക്കും വരാതിരിക്കട്ടെ” – ഇതാണ് അൽഫോൺസ് പുത്രൻ സമൂഹമാധ്യമങ്ങളിൽ എഴുതിയത്. അതേസമയം ഇതിനെതിരെ വലിയ രീതിയിലുള്ള ട്രോൾ ആണ് വന്നുകൊണ്ടിരിക്കുന്നത്.

ഇത് ആദ്യമായിട്ടല്ല അൽഫോൻസ് പുത്രൻ ഇതുപോലെയുള്ള കാര്യങ്ങൾ പറയുന്നത്. കഴിഞ്ഞ കുറെ നാളുകളായി ഇദ്ദേഹത്തിൻറെ അക്കൗണ്ടുകളിൽ വരുന്ന പോസ്റ്റുകൾ ഇതുപോലെയുള്ളതാണ്. പരസ്പരബന്ധം ഇല്ലാത്ത പോസ്റ്റുകൾ ആണ് വരുന്നതിൽ അധികവും. അതേസമയം ഗോൾഡ് എന്ന സിനിമയാണ് ഇദ്ദേഹം അവസാനമായി സംവിധാനം ചെയ്തത്. സിനിമ ഒരു കനത്ത പരാജയമായിരുന്നു. ഇതിനുശേഷമാണ് ഇദ്ദേഹം ഇതുപോലെ പരസ്പരം ബന്ധമില്ലാത്ത പോസ്റ്റുകൾ നടത്താൻ തുടങ്ങിയത് എന്നാണ് എല്ലാവരും പറയുന്നത്.