റോബിൻ രാധാകൃഷ്ണൻ രാഷ്ട്രീയത്തിലേക്ക് എന്ന് സൂചനകൾ, ഏതു പാർട്ടിയാണ് താരം തിരഞ്ഞെടുക്കാൻ പോകുന്നത് എന്ന് അറിയുമോ?

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് റോബിൻ രാധാകൃഷ്ണൻ. ഇക്കഴിഞ്ഞ ബിഗ് ബോസ് സീസണിലെ ഏറ്റവും ശക്തനായ മത്സരാർത്ഥി ആയിരുന്നു ഇദ്ദേഹം. എന്നാൽ മറ്റൊരു മത്സരാർത്ഥിയെ കയ്യേറ്റം ചെയ്തു എന്ന കുറ്റത്തിന് ഇദ്ദേഹത്തെ പരിപാടിയിൽ നിന്നും പുറത്താക്കുകയായിരുന്നു. ഇതിൽ പ്രതിഷേധിച്ച് ധാരാളം ആളുകൾ ആയിരുന്നു ഏഷ്യാനെറ്റിന് എതിരെ രംഗത്ത് വന്നത്. അതേസമയം കഴിഞ്ഞ ബിഗ് ബോസ് സീസണിലെ വിജയി ആയി തിരഞ്ഞെടുക്കപ്പെട്ടത് ഇദ്ദേഹത്തിൻറെ മുൻകൂട്ടുക്കാരി ആയിരുന്നു.

അതേസമയം ഇദ്ദേഹം രാഷ്ട്രീയത്തിലേക്ക് വരുന്നു എന്ന തരത്തിൽ ഇദ്ദേഹം തന്നെ നേരത്തെ പ്രതികരണം നടത്തിയിരുന്നു. എന്നാൽ ഇദ്ദേഹം ഇത് തമാശയ്ക്ക് പറഞ്ഞത് ആയിരിക്കും എന്നാണ് പലരും കരുതിയത്. എന്നാൽ ഇപ്പോൾ ഇദ്ദേഹത്തിന്റെ പുതിയ ഒരു പോസ്റ്റ് വീണ്ടും ചർച്ചയായി മാറിയിരിക്കുകയാണ്. സൂര്യ കേന്ദ്ര കഥാപാത്രത്തെ അവതരിപ്പിച്ച ആയുധ എഴുത്ത് എന്ന സിനിമയിലെ ഒരു നിയമസഭാരംഗമാണ് ഇപ്പോൾ ഇദ്ദേഹം പങ്കുവെച്ചിരിക്കുന്നത്. അതോടെ ഇദ്ദേഹം ഇദ്ദേഹത്തിൻറെ രാഷ്ട്രീയ പ്ലാനുകൾ വീണ്ടും പൊടിതട്ടിയെടുത്തിരിക്കുകയാണ് എന്നാണ് സൂചനകൾ.

അതേ സമയം ഇദ്ദേഹം ഏതു പാർട്ടിയിലേക്ക് ആയിരിക്കും പോവുക എന്ന ചർച്ചയിലാണ് ഇപ്പോൾ ഇദ്ദേഹത്തിൻറെ ആരാധകർ. നിങ്ങൾ സിപിഎം ആയാലും കോൺഗ്രസ് ആയാലും ഞങ്ങൾക്ക് കുഴപ്പമില്ല എന്നും ഞങ്ങൾ നിങ്ങളെ പിന്തുണയ്ക്കുമെന്നും എന്നാൽ ബിജെപിയിലേക്ക് പോകാൻ ആണ് പ്ലാൻ എങ്കിൽ ഞങ്ങളുടെ പിന്തുണ അവസാനിക്കും എന്നുമാണ് ഇപ്പോൾ ഇദ്ദേഹത്തിൻറെ ആരാധകർ കൂടി ആയിട്ടുള്ള മലയാളി പ്രേക്ഷകർ ഇദ്ദേഹത്തിന് അന്ത്യശാസനം നൽകിയിരിക്കുന്നത്.

അതേസമയം ധാരാളം ആളുകൾ ഇദ്ദേഹത്തിനോട് പറയുന്നത് സ്വന്തമായി ഒരു പാർട്ടി തുടങ്ങി രാഷ്ട്രീയം എന്താണ് എന്ന് ഇവിടുത്തെ രാഷ്ട്രീയക്കാർക്ക് കാണിച്ചുകൊടുക്കാൻ. യുവാക്കളെ അണിനിരത്തി സംശുദ്ധമായ രാഷ്ട്രീയ പ്രവർത്തനം ആരംഭിക്കുവാൻ ആണ് ഇദ്ദേഹത്തിനോട് ഇപ്പോൾ ആരാധകർ പറയുന്നത്. അങ്ങനെ ചെയ്താൽ കേരളം മുഴുവൻ നിങ്ങളുടെ ഒപ്പം നിൽക്കും എന്നും നമുക്ക് പുതിയ ഒരു മാതൃക പാർട്ടി ഉണ്ടാക്കാം എന്നും അത് പിന്നീട് നാഷണൽ പാർട്ടി ആക്കി ഒരുനാൾ ഇന്ത്യ മുഴുവൻ ഭരിക്കാൻ സാധിക്കും എന്നുമാണ് ഇപ്പോൾ ഇദ്ദേഹത്തിൻറെ ആരാധകർ പറയുന്നത്.