മലയാളത്തിന് പിന്നാലെ തെലുങ്ക് സിനിമയും ആ പ്രതിസന്ധിയിൽ അകപ്പെട്ടു, കേസ് നൽകി വിജയ് ദേവരകൊണ്ട ഫാൻസ്

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാൾ ആണ് വിജയ് ദേവരകൊണ്ടാ. ഗീതാഗോവിന്ദം എന്ന ഒരൊറ്റ സിനിമയിലൂടെയാണ് ഇദ്ദേഹം ആന്ധ്രയിലും കേരളത്തിലും ഒരുപോലെ സ്റ്റാറായി മാറുന്നത്. ഇദ്ദേഹത്തിൻറെ ഏറ്റവും പുതിയ ചിത്രമാണ് ഫാമിലി സ്റ്റാർ. വലിയ പ്രതീക്ഷകളുടെ എത്തിയ ചിത്രം കഴിഞ്ഞ വെള്ളിയാഴ്ച ആയിരുന്നു റിലീസ് ആയത്. എന്നാൽ സിനിമയ്ക്ക് കനത്ത നെഗറ്റീവ് റിവ്യൂ ആണ് ലഭിക്കുന്നത്. ഇതിനു മുൻപ് ഇറങ്ങിയ താരത്തിന്റെ മിക്ക സിനിമകൾക്കും നെഗറ്റീവ് റിവ്യൂ ആയിരുന്നു ലഭിച്ചത്.

അതേസമയം റിവ്യൂകൾ കാരണമാണ് ചിത്രം ബോക്സ് ഓഫീസിൽ മോശം പ്രകടനം കാഴ്ചവെക്കുന്നത് എന്ന് പറഞ്ഞുകൊണ്ട് സിനിമയ്ക്കെതിരെ വരുന്ന ട്രോളുകൾക്കെതിരെ നടന്റെ മാനേജറും അദ്ദേഹത്തിൻറെ ഫാൻസ് ക്ലബ് പ്രസിഡൻറ് കൂടിയായ വ്യക്തി ഹൈദരാബാദിലെ സൈദരാബാദ് പോലീസിൽ പരാതി നൽകിയിട്ടുണ്ട് ഇപ്പോൾ. പോലീസ് ആവശ്യത്തിനുള്ള നടപടികൾ സ്വീകരിച്ചിട്ടുണ്ട് എന്നും വ്യാജ അക്കൗണ്ടുകൾ കണ്ടെത്തിയിട്ടുണ്ട് എന്നും നടനെ പ്രതിനിധീകരിച്ചുകൊണ്ട് എന്ന് അവകാശപ്പെട്ടു കൊണ്ട് ഒരു ട്വിറ്റർ അക്കൗണ്ട് പറയുന്നു.

അതേസമയം സിനിമയെ ലക്ഷ്യമിട്ടുകൊണ്ടുള്ള ചില ആസൂത്രിത ആക്രമണങ്ങളാണ് നെഗറ്റീവ് റിവ്യൂകളുടെ കാരണം എന്നാണ് ഇവർ അവകാശപ്പെടുന്നത്. പോലീസ് ഇതിനോടകം നടപടി തുടങ്ങിയിട്ടുണ്ട്.. അതേസമയം സിനിമയ്ക്കെതിരെ വ്യാജ പ്രചരണം നടക്കുന്നുണ്ട് എന്നും നിർമാതാവ് പറയുന്നുണ്ട്.

അടുത്തിടെ മലയാളത്തിലും സമാനമായ വിവാദങ്ങൾ ഉണ്ടായിരുന്നു. നെഗറ്റീവ് റിവ്യൂകൾ കാരണമാണ് സിനിമകൾ ബോക്സ് ഓഫീസിലും ഓട്ടിയിലും തകർന്നടിയുന്നത് എന്നായിരുന്നു മലയാളം നിർമാതാക്കളുടെ ആരോപണങ്ങൾ. അശ്വന്ത് കൊക്ക് അടക്കമുള്ള നിരവധി ആളുകൾക്കെതിരെ വലിയ രീതിയിലുള്ള നെഗറ്റീവ് ക്യാമ്പയിൻ ആയിരുന്നു നടന്നത്.