മധുരം എന്ന സിനിമയുടെ തിരക്കഥ മോഷ്ടിക്കപ്പെട്ടത്? തിരക്കഥ രചനാ മത്സരത്തിൽ പങ്കെടുത്ത യുവതിയുടെ കഥ ജഡ്ജ് ചെയ്യാൻ എത്തിയ ‘യുവസംവിധായകൻ’ കഥ മോഷ്ടിച്ചു? ഗുരുതര ആരോപണം

സമൂഹമാധ്യമങ്ങളിൽ ഇപ്പോൾ ഒരു പോസ്റ്റ് ആണ് ശ്രദ്ധിക്കപ്പെടുന്നത്. രാരിമ ശങ്കരൻകുട്ടി എന്ന ഒരു യുവതി ആണ് ഈ പോസ്റ്റ് എഴുതിയിരിക്കുന്നത്. ഇവർ തിരക്കഥാരചനയിൽ വളരെ സജീവമായി പ്രവർത്തിക്കുന്ന വ്യക്തിയാണ്. ഇവർക്ക് സിനിമയിൽ ഇതുവരെ ഒരു വലിയ ബ്രേക്ക് ലഭിച്ചിട്ടില്ല. ഇപ്പോൾ ഇവർ ഫേസ്ബുക്കിൽ എഴുതിയിരിക്കുന്ന വെളിപ്പെടുത്തലാണ് ഞെട്ടിപ്പിക്കുന്നത്. സിനിമ സ്വപ്നം കാണുന്ന എല്ലാവരും ഇത് നിർബന്ധമായും വായിച്ചിരിക്കണം.

ഇവർ ഒരു തിരക്കഥ എഴുതി. അത് ഒരു തിരക്കഥ രചന മത്സരത്തിൽ പങ്കെടുക്കുവാൻ വേണ്ടി എഴുതിയത് ആയിരുന്നു. എന്നാൽ അതിന് അർഹമായ സമ്മാനങ്ങൾ ഒന്നും തന്നെ ലഭിച്ചില്ല. പക്ഷേ കുറച്ചു കഴിഞ്ഞപ്പോൾ, ഇവർ എഴുതിയ അതെ കഥയോട് സാമ്യമായ മറ്റൊരു സിനിമ മലയാളത്തിൽ റിലീസ് ചെയ്തു. അത് ഏതാണ് എന്ന് ഇവർ ഇവരുടെ പോസ്റ്റിൽ പേരെടുത്ത് പറയുന്നില്ല. എങ്കിലും സിനിമ റിലീസ് ആയ ഡേറ്റ് ഇവർ പോസ്റ്റിൽ മെൻഷൻ ചെയ്യുന്നുണ്ട്. 2021 ഡിസംബർ 24ആം തീയതി ആയിരുന്നു ഈ ചിത്രം റിലീസ് ചെയ്തത് എന്നാണ് ഇവർ പറയുന്നത്.

മേൽ പറഞ്ഞ ദിവസം നിരവധി സിനിമകളാണ് മലയാളത്തിൽ റിലീസ് ചെയ്തിട്ടുള്ളത്. എന്നാൽ സോണി ലിവ് പ്ലാറ്റ്ഫോം വഴിയാണ് ഈ സിനിമ റിലീസ് ചെയ്തത് എന്നും ഇവർ എടുത്തുപറഞ്ഞിരുന്നു. അങ്ങനെ റിലീസ് ചെയ്ത ഒരു സിനിമ മധുരം ആണ്. ജോജു ജോർജ്, എന്നിവർ കേന്ദ്രകഥാപാത്രങ്ങളെ അവതരിപ്പിച്ച ചിത്രമായിരുന്നു ഇത്. ഇതുകൂടാതെ പോസ്റ്റിനു താഴെ #മധുരം എന്ന് താരം നൽകുകയും ചെയ്തിട്ടുണ്ട്.

ഒരേ ആശയം രണ്ട് ആളുകൾക്ക് വരുന്നത് സ്വാഭാവികം തന്നെയാണ്. എന്നാൽ അങ്ങനെ പറഞ്ഞു ആശ്വസിക്കാൻ ഇവർക്ക് നിവർത്തിയില്ല. കാരണം ഇവർ പങ്കെടുത്ത ഒരു തിരക്കഥാ രചനാ മത്സരത്തിലെ ജഡ്ജ് ആയിട്ട് എത്തിയ വ്യക്തി ആയിരുന്നു ഈ സിനിമയുടെയും സംവിധായകൻ. എന്തായാലും ഇവർ ഉന്നയിച്ച ഗുരുതരമായ ആരോപണമാണ് ഇപ്പോൾ സിനിമ ഗ്രൂപ്പുകളിൽ ചർച്ചാവിഷയമായി മാറിയിരിക്കുന്നത്. പോസ്റ്റിൻ്റെ പൂർണരൂപം വായിക്കാം: