യൂട്യൂബിൽ 1 മില്യൺ സബ്സ്ക്രൈബേഴ്‌സിനെ സ്വന്തമാക്കി തേജ തങ്കു, ആരാധകർക്ക് നന്ദി പറഞ്ഞു തേജ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് തേജ തങ്കു. യൂട്യൂബർ എന്ന നിലയിലാണ് ഇവർ ശ്രദ്ധിക്കപ്പെടുന്നത്. പണ്ട് ടിക്ടോക് കാലം മുതൽ ഇവർ വളരെ സജീവമായിരുന്നു. പിന്നീട് യൂട്യൂബിലും ഇൻസ്റ്റഗ്രാമിലും ഇവർ ഒരുപോലെ സജീവമായി. ഇന്ന് ഏറ്റവും കൂടുതൽ ആരാധകരുള്ള യൂട്യൂബർമാരിൽ ഒരാളാണ് ഇവർ.

അടുത്തിടെ ആയിരുന്നു ഇവരുടെ പ്ലസ് ടു റിസൾട്ട് വന്നത്. എല്ലാ വിഷയങ്ങളിലും മികച്ച മാർക്ക് ആണ് താരം സ്വന്തമാക്കിയത്. ഇനി എൽഎൽബി പഠിക്കുവാൻ ഉള്ള തയ്യാറെടുപ്പിൽ ആണ് താരം. പാലക്കാട് ഉള്ള ലോ കോളേജിൽ തന്നെ ആയിരിക്കും താരം പോവുക എന്നാണ് താരം കഴിഞ്ഞ ലൈവിൽ പറഞ്ഞത്.

യൂട്യൂബിൽ ഇവർ നിരന്തരം വ്ലോഗ് വീഡിയോകൾ ഇടാറുണ്ട്. തന്റെ ജീവിതത്തിലെ ചെറുതും വലുതുമായ വിശേഷങ്ങൾ എല്ലാം തന്നെ താരം ആരാധകരുമായി പങ്കുവയ്ക്കാറുണ്ട്. ഇതുകൂടാതെ രസകരമായ ഷോർട്സ് വീഡിയോ കൂടി താരം ഇടാറുണ്ട്. കഴിഞ്ഞ മൂന്നുവർഷംകാലമായി യൂട്യൂബ് ചാനൽ വളരെ ആക്ടീവ് ആണ്. ഷോട്ട്സ് ആക്ടീവായി ഇടാൻ തുടങ്ങിയത് ഈ അടുത്ത കാലം മുതലാണ്. അതിനുശേഷം ആണ് സബ്സ്ക്രൈബേഴ്‌സിൻ്റെ എണ്ണത്തിൽ വലിയ രീതിയിലുള്ള വളർച്ച പെട്ടെന്ന് ഉണ്ടായത്.

നിരവധി ആളുകൾ ആണ് ഇപ്പോൾ തേജയെ അഭിനന്ദിച്ചുകൊണ്ട് രംഗത്തെത്തുന്നത്. ഇനിയും ഒരുപാട് ഉയരങ്ങൾ കീഴടക്കാൻ താരത്തിന് സാധിക്കട്ടെ എന്നാണ് പ്രേക്ഷകർ എല്ലാവരും പറയുന്നത്. ഈ നേട്ടം കൈവരിക്കാൻ കൂടെ നിന്ന് എല്ലാവർക്കും താരം പ്രത്യേകം നന്ദി പറയുവാനും മറന്നില്ല.