കുഞ്ഞിന് അറബി പേരിട്ട് ആലിയയും റൺബീറും, എതിർപ്പുമായി വലതുപക്ഷ സംഘടനകൾ, അത് അവരുടെ സ്വാതന്ത്ര്യം എന്ന് ജനാധിപത്യ വിശ്വാസികൾ, എന്തൊക്കെയായാലും മനോഹരമായ പേര് എന്ന് പ്രേക്ഷകർ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് ആലിയ ഭട്ട്. ഹിന്ദി സിനിമകളിലൂടെയാണ് താരം ശ്രദ്ധിക്കപ്പെടുന്നത്. ഇതുവരെ ഒരു മലയാളം സിനിമയിൽ പോലും താരം അഭിനയിച്ചിട്ടില്ല. ആകെ ഒരു തെന്നിന്ത്യൻ സിനിമയിൽ മാത്രമാണ് താരം പ്രത്യക്ഷപ്പെട്ടിട്ടുള്ളത്. രാജമൗലി സംവിധാനം ചെയ്ത ആർ ആർ ആർ എന്ന സിനിമയിലാണ് താരം നായികയായി അഭിനയിച്ചത്. ചിത്രം ഇന്ത്യൻ സിനിമ ചരിത്രത്തിലെ തന്നെ ഏറ്റവും വലിയ വിജയങ്ങളിൽ ഒന്നായി മാറി.

അടുത്തിടെ ആയിരുന്നു നടിയുടെ വിവാഹം കഴിഞ്ഞത്. വിവാഹം കഴിഞ്ഞ ഉടൻതന്നെ താരം ഗർഭിണി ആവുകയും ചെയ്തു. റൺബീർ കപൂർ എന്ന നടനെയാണ് താരം വിവാഹം ചെയ്തത്. അടുത്തിടെ ആയിരുന്നു ഇവർക്ക് ഒരു കുട്ടി ജനിച്ചത്. ഒരു പെൺകുഞ്ഞിന് ആയിരുന്നു ഇരുവരും ജന്മം നൽകിയത്. ഇപ്പോൾ കുട്ടിയുടെ പേര് എന്താണെന്ന് വെളിപ്പെടുത്തിയിരിക്കുകയാണ് ഇരുവരും.

സമൂഹ മാധ്യമങ്ങൾ വഴിയാണ് ഇവർ പേരു വെളിപ്പെടുത്തിയത്. സമൂഹമാധ്യമങ്ങളിൽ ഇവർ രണ്ടുപേരും വളരെ സജീവമാണ്. തങ്ങളുടെ പുതിയ വിശേഷങ്ങൾ എല്ലാം തന്നെ ഇവർ സമൂഹ മാധ്യമങ്ങൾ വഴി അറിയിക്കാറുണ്ട്. കുട്ടിയുടെ പേരും ഇപ്പോൾ അങ്ങനെയാണ് അറിയിച്ചിരിക്കുന്നത്. റൺബീറിന്റെ അമ്മ നീതു ആണ് കുട്ടിക്ക് ഈ പേര് കണ്ടുപിടിച്ചത് എന്നും ആലിയ പറയുന്നു.

റാഹ എന്നാണ് കുട്ടിയുടെ പേര്. സ്വാഹിലി ഭാഷയിൽ നിന്നാണ് ഈ പേര് എടുത്തിരിക്കുന്നത്. ദൈവികം എന്നാണ് ഈ വാക്കിൻറെ പേര്. അതേസമയം ബംഗാളി ഭാഷയിൽ സൗഖ്യം എന്നാണ് ഈ പേരിൻറെ അർത്ഥം. അറബിയിൽ സമാധാനം എന്നാണ് ഈ പേരിൻറെ അർത്ഥം. അതേസമയം അറബി പേരിട്ടതിന് ചില സംഘപരിവാർ പ്രൊഫൈലുകൾ താരത്തിനെതിരെ ആക്രമണം തുടങ്ങിയിട്ടുണ്ട്. എന്തായാലും അവരെയൊന്നും കാര്യമാക്കേണ്ട എന്നാണ് ജനാധിപത്യ വിശ്വാസികൾ പറയുന്നത്.