കരിയറിന്റെ തുടക്കത്തിൽ അത്തരത്തിൽ ഒരു പേര് ഉണ്ടായിരുന്നു ഫഹദ് ഫാസിലിന്, അങ്ങനെ വിളിക്കുന്നവരോട് ഇദ്ദേഹത്തിന് പറയുവാനുള്ള മറുപടി കേട്ടോ?

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാൾ ആണ് ഫഹദ് ഫാസിൽ. സംവിധായകൻ ഫാസിലിന്റെ മകൻ എന്ന ലേബലിൽ ആണ് ഇദ്ദേഹം സിനിമയിൽ എത്തുന്നത്. എന്നാൽ ആദ്യം കഴിവ് തെളിയിക്കാൻ ഇദ്ദേഹത്തിന് സാധിച്ചില്ല. ഇദ്ദേഹത്തിൻറെ ആദ്യത്തെ സിനിമയിലെ പ്രകടനം ദയനീയമായി പരാജയപ്പെടുകയായിരുന്നു. അതിനുശേഷം സിനിമയിൽ നിന്നും ഒരു നീണ്ട ഇടവേള എടുത്തു ഇദ്ദേഹം. പിന്നീട് ശക്തമായ തിരിച്ചുവരവ് ആയിരുന്നു ഇദ്ദേഹം നടത്തിയത്. ഇന്ന് ഇന്ത്യയിലെ തന്നെ ഏറ്റവും മികച്ച നടന്മാരിൽ ഒരാളാണ് ഫഹദ് ഫാസിൽ.

അതേസമയം രണ്ടാം വരവിൽ ഫഹദ് ഫാസിൽ ചെയ്തത് അധികവും അർബൻ റോളുകൾ ആയിരുന്നു. നിരവധി ഇന്റിമേറ്റ് രംഗങ്ങൾ താരം ചെയ്തിരുന്നു. ലിപ്പ് കിസ് അടക്കമുള്ള സീനുകളിൽ താരം അഭിനയിച്ചിരുന്നു. ഇതെല്ലാം കാരണം താരത്തിന് ഒരു പേര് കൂടി ലഭിച്ചിരുന്നു. മലയാളത്തിലെ ഇമ്രാൻ ഹാഷിമി എന്ന പേരായിരുന്നു താരത്തിന് ലഭിച്ചത്. ബോളിവുഡിൽ ഇതുപോലെയുള്ള രംഗങ്ങൾ ചെയ്യുന്ന നടന്മാരിൽ ഒരാളാണ് ഇമ്രാൻ ഹാഷ്മി. ഇങ്ങനെ വിളിക്കുന്നവരോട് താരത്തിന് എന്തു മറുപടിയാണ് പറയാനുള്ളത് എന്ന് അറിയുമോ?

“ഞാൻ അത് ഒരു അംഗീകാരമായി എടുക്കുന്നില്ല. അതേസമയം അതിൽ പരാതി പറയാനും പോകുന്നില്ല. ഞാൻ അദ്ദേഹത്തിൻറെ സിനിമകൾ കണ്ടിട്ടില്ല. അദ്ദേഹത്തിൻറെ ആരാധകനും അല്ല. അതുകൊണ്ട് ആ കാര്യത്തിൽ ഒന്നും പറയാനില്ല” – ഇതായിരുന്നു താരം നൽകിയ മറുപടി. അതേ സമയം ഇന്ത്യയിലെ തന്നെ ഏറ്റവും വലിയ താരങ്ങളിൽ ഒരാൾ ആയിട്ടുള്ള ഇമ്രാൻ ഹാഷ്മിയെ അറിയില്ല എന്ന് പറഞ്ഞത് വിശ്വസിക്കാൻ സാധിക്കുന്നില്ല എന്നാണ് പ്രേക്ഷകർ പറയുന്നത്.

എന്തായാലും ഇപ്പോൾ മലയാളം ഇൻഡസ്ട്രി കടന്ന് തമിഴിലും തെലുങ്കിലും ശ്രദ്ധേയമായ കഥാപാത്രങ്ങളെ അവതരിപ്പിച്ചു കൊണ്ടിരിക്കുകയാണ് ഫഹദ് ഫാസിൽ. അടുത്തിടെ പുറത്തിറങ്ങിയ വിക്രം എന്ന സിനിമയിൽ ഇദ്ദേഹം കേന്ദ്ര കഥാപാത്രത്തെ അവതരിപ്പിച്ചിരുന്നു. ഇതുകൂടാതെ അടുക്കളയിൽ പുറത്തിറങ്ങിയ പുഷ്പ എന്ന സിനിമയിൽ ഫഹദ് ഫാസിൽ ആയിരുന്നു വില്ലൻ കഥാപാത്രത്തെ അവതരിപ്പിച്ചത്. അവസാനത്തെ 20 മിനിറ്റിൽ മാത്രം വന്നു പോകുന്ന കഥാപാത്രമായിരുന്നു ഇത് എങ്കിലും സിനിമയുടെ രണ്ടാം ഭാഗത്തിൽ ഒരു മുഴുനീള കഥാപാത്രം ആയിട്ട് ആയിരിക്കും ഫഹദ് ഫാസിൽ ഉണ്ടാവുക എന്നാണ് അറിയാൻ സാധിക്കുന്നത്.